Ezai 19:3 - NYANMIƐN NDƐ'N 1998

³ Eziptfuɛ'm be yakpa'n ɔ ´wie, n ´sanngan bé sa nga be siesie'n nun. Be ´kɔ amuɛn'm bé sin, be ´kɔ wunnzue yifuɛ fanunfanun'n bé sin.

Ezai 19:3 ပူးပေါင်းရင်းမြစ်များ

2 Samiɛl 15:31

Be wa seli David kɛ: «Asitɔfɛl o Absalɔm sin, ɔ o be nga be jaso ɔ wun be nun.» Yɛ David waan: «Anannganman n ´srɛ wɔ, nán man Asitɔfɛl i afɔtuɛ'n ng'ɔ ´man be'n be yo ye.»

2 Samiɛl 17:14

Absalɔm nin Izraɛlfuɛ'm be kwlaa be waan: «Isai i afɔtuɛ liɛ'n ti kpa tra Asitɔfɛl liɛ'n.» Anannganman bɔbɔ man Asitɔfɛl i afɔtuɛ kpa'n b'a fa-man, afin Anannganman waan ɔ ´fa nyrɛnnɛn yi i Absalɔm su.

2 Samiɛl 17:23

Kɛ Asitɔfɛl wunnin kɛ b'a fɛ-mɛn i ndɛ'n su'n, yɛ ɔ fuli i aflunmun'n su ɔli i klɔ-ɔ. Kɛ ɔ juli lɔ'n, ɔ siesieli i awlo'n, kpɛkuun ɔ boli i kɔmin. Be sieli i i si i asieliɛ'n nun.

2 Famiɛn Mun 1:2

Le kun Akazia fin i nglo sua ng'ɔ o Samari lɔ'n i fenɛtri nun tɔli. Like yaya yoli i, yɛ ɔ sunmannin i sufuɛ wie'm be kɛ be ko usa Ekrɔnfuɛ'm be amuɛn'n bɔ be flɛ i Baal-Zɛbib'n kɛ like nga ɔ'a yo i yɛ'n, ɔ ´jaso.

1 Be Nyoliɛ 10:13

Sa ti bɔ Sail wuli'n yɛlɛ kɛ ɔ kacili i sin sili Anannganman. Ɔ'a fɛ-mɛn i ndɛ'n su. Yɛ ɔ ɔli be nga be nin wunmiɛn'm be ijɔ'n bé sin bɔbɔ .

Jue Mun 107:27

Bé nyin'n su b'ɔ kpɛ be'n ti'n, be ´nanti'n, wuun be ´bo tanngan kɛ sran bɔ nzan ɔ'a bo be'n sa. Kpɛkuun be ngwlɛlɛ'n kwlaa mlin be klun.

Jue Mun 33:10

Anannganman saci nvle-nvlefuɛ'm bé sa nga be jaja mun. Be ninnge nga be bu be akunndan sie kɛ be ´yo'n, ɔ bu i bue.

Jue Mun 76:12

Amun `ta Anannganman amun Nyanmiɛn'n i nda kɛ amun ´yo like be mɛn i, yɛ amun `yia nda sɔ'n i nuan. Amun kwlaa nga amun ´wunnge Nyanmiɛn b'ɔ yo sro'n i wun'n, amun `fa ninnge be wa cɛ i.

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Ezai 14:27

?Sa nga Anannganman b'ɔ sie mɛn wunmuan'n ɔ gugu kɛ ɔ ´yo'n, wan yɛ ɔ ´kwla jrɛn i-ɔ? ?Sɛ ɔ mɛn i sa'n su kɛ ɔ ´yo sran like'n, wan yɛ ɔ kwla kpalo i sa sɔ nin-ɔn?

Ezai 15:2

Dibɔnfuɛ'm be kɔ amuɛn sua'm be nun be ko sun. Be kɔ sraka yiwlɛ mun bɔ be o kpɔlɛ'm be su'n be nun, be ko sun. Moabfuɛ'm be kɔ Nɛbo oka'n su be ko yi ngwlɛ. Be kɔ Medɛba klɔ lɔ be ko yi ngwlɛ. B'a yi bé ti'm be kwlaa, b'a yi be akanza'n kwlaa.

Ezai 19:1

Ezipt i wun ndɛ. Amun `nian, Anannganman o nyanmiɛn ble kun b'ɔ ba luu kpa'n su, ɔ su ba Ezipt. Ezipt amuɛn'm be usu i nyrun sa tututu, yɛ Eziptfuɛ'm be wla'n ɔ bo bé wun.

Ezai 44:25

Ato nzɔliɛ nga be kan be ndɛ'n min yɛ man be kpɛ be bo-ɔ. Min yɛ n yo man wunnzue yifuɛ'm be kan ndɛ finfin mun nin-ɔn. N ´yo man ngwlɛlɛfuɛ'm be ´cuɛn kɔ siɛn, yɛ bé sa nga be si i'n, ɔ ´kaci sinnzin like .

Ezai 47:12

Ka ɔ bae dilɛ'n su, nán yi i ase. Nán yaci ɔ wunnzue yilɛ kpanngban'n. Ɔ junman nga a dili be ɔ kaan nun'n be yɛlɛ like ng'ɔ o lɛ mun. Wienun-ɔn a wa nyan nun muae, wienun-ɔn a wa yo tinwafuɛ.

Ezai 57:16

N su ka-man fɔ bulɛ'n su sa tititi, n su ka-man ya falɛ'n su sa tititi. Sɛ ɔ yo sɔ-ɔ, be nga n yili be'n, be su nyan-man nguan.

Ezai 8:19

Sran wie'm be se kɛ: «Be nga be nin wunmiɛn mun ijɔ'n, bɔ be tu be aswre'n, bɔ be ijɔ blɛblɛblɛ be kan sa nga be wa ju'n, amun `wɔ bé sin.» Be se ekun kɛ: «Sɛ sran'm be usa be amuɛn'm be sa-a ɔ ti-man tɛ. Yɛ sɛ sran kun usa wunmiɛn'm be sa sran wie'm be dunman nun'n, ɔ ti-man sa.» Sɛ be se amun sɔ'n,

Zeremi 46:15

Ai! ?Nguɛ sa ti yɛ be trali ɔ safunyrɛn mun be ɔli sɔ bɔ b'a kwla jran-man nin-ɔn? Anannganman'n yɛ ɔ yili ɔ ase-ɔ.

Ezekiɛl 21:7

«Klɔ sran, kpɛ ɔ́ nyin Zerizalɛm su lɔ, kan min ndɛ'n wɔ min sua mun. Kan sa ng'ɔ wa ju Izraɛl mɛn'n su'n i ndɛ.

Ezekiɛl 22:14

?Blɛ nga bɔ e nin amun e wa nyɛn i'n, amun anwlɛn'n ´kwla sɔ yɛ amun ´kwla jran kekle? Afin min Anannganman'n min sa nga min waan n ´yo, n ´yo.

Daniɛl 1:20

Ndɛ kwlaa wie ala bɔ famiɛn'n usa be'n, b'ɔ fata kɛ akunndan nin ngwlɛlɛ yɛ be fa tɛ su'n, ɔ wunnin kɛ be tɛ su kpa trɛ i mɛn'n nun wunnzue yifuɛ fanunfanun'm be kwlaa lele kpɛ blu.

Daniɛl 2:2

Ɔ yiali wunnzue yifuɛ fanunfanun'm be kwlaa kɛ be wa kɛnngɛn i laliɛ'm be kle i. Be bali yɛ be wa sin jrɛnnin i nyrun lɛ-ɔ.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

1 Samiɛl 25:37

Nglɛmun kɛ nzan'n titili i nyinma su'n yɛ i yi kannin ndɛ sɔ mun kleli i-ɔ. Kɛ Nabal tili ndɛ sɔ'n, ɔ wluli i wun kpa, ɔ kali lɛ yoli dunmlaan.