Ezai 18:7 - NYANMIƐN NDƐ'N 1998

⁷ I blɛ sɔ nun'n, nvle nga i nun sran'm be ti jajraajra'n, bɔ bé kplo'n ti mlanmlan'n, bɔ be yo sro kɛ ɔ fin i bo bolɛ nun lele b'ɔ ´fa ju ndɛ'n, bɔ be kwla be kpɔfuɛ mun nyrɛnnɛnnɛn'n, bɔ be di-man be mɛn'n nun nzue ba'm be yalɛ'n, sran sɔ'm be ´fa like be wa cɛ Anannganman. Be ´fa ba Siɔn oka'n su kan Anannganman kleli kɛ ɔ tran lɛ'n.

Ezai 18:7 ပူးပေါင်းရင်းမြစ်များ

2 Be Nyoliɛ 32:23

I sin sran kpanngban kpa be bali Zerizalɛm. Like nga be fa man Nyanmiɛn'n, be fa blɛli i. Yɛ be cɛli Ezekias b'ɔ ti Zida famiɛn'n i ninnge mun. Kɛ ɔ fin lɛ'n, Ezekias nyannin kɔmin nvle-nvle'm be nunfuɛ'm be kwlaa bé nyrun.

Jue Mun 68:32

Be nga be jran Ezipt mɛn'n i nuan'n be fin lɔ be ba, Etiopifuɛ'm be wanndi ndɛndɛ be ba, be yi bé sa'n be kle Nyanmiɛn.

Ezai 16:1

Amun `fa mɛn'n i siefuɛ'n i bua bɔ ɔ'a kpɛ cro'n Sela lɛ ko mɛn i Siɔn oka'n su lɔ. Amun `sin aawlɛ'n nun lɔ nan amu'an wɔ .

Ezai 18:2

Amun Etiopifuɛ mun, amun sunman amun nuan jranfuɛ mun mɛnmɛn'm be nun. Kɛ sunmanfuɛ sɔ'm be ´kɔ'n, be fu nzue'n nyin su alie bɔ be fa ndɛma be yo'n be nun. Amun bɔ amun ti Etiopifuɛ'm be nuan jranfuɛ'n, amún wun yo mmlɛ o. Sran nga be o yɛ'n, bɔ be ti jajraajra'n, bɔ bé kplo'n ɔ ti mlanmlan'n, nvle nga nunfuɛ bɔ be yo sro lele ju mɛn'n i awieliɛ'n, bɔ be kwla be kpɔfuɛ mun nyrɛnnɛnnɛn'n, bɔ be di-man be mɛn'n nun nzue ba'm be yalɛ'n, amun `sa amun sin bla bé wun wa.

Ezai 18:4

Afin Anannganman seli min kɛ yoo: «Kɛ n wo min tranwlɛ'n nun lɔ'n, n su keje-man mín wun, n ´nian sa nga be ´ju'n. N ´tran diin kɛ aunyɛyɛ b'ɔ ba wia kpa'n nun bɔ lika'n ɔ jran diin'n sa. N ´tran diin kɛ bɔlɛ ufue munnduun b'ɔ ba ble kpɛlɛ blɛ'n nun aunyɛyɛ nun'n sa.»

Ezai 45:14

Izraɛlfuɛ mun, Anannganman wan yoo: «Eziptfuɛ'm be junman'n i su mmlusuɛ'n, yɛ Etiopifuɛ'm be ninnge nga be nyannin be'n be su mmlusuɛ'n, ɔ nin Sebafuɛ bɔ be ti sran jajraajra'n be kusu be ninnge'm be su mmlusuɛ'n, i kwlaa sɔ'n ɔ ´sin amun ja su, yɛ i kwlaa sɔ'n ɔ ´yo amun liɛ. Sran sɔ'm be ´su amun su, be ´ci be, be ´koto amún bo, yɛ ndɛ nga be ´kan kle amun'n, ɔ ´yo kɛ srɛlɛ bɔ be srɛ'n sa. Be ´se kɛ: ‹Amun kunngba cɛ amún wun lɔ yɛ Nyanmiɛn'n wo-ɔ. Uflɛ fi nun-mɛn i sin .› »

Mise 4:13

«Siɔnfuɛ mun, an `jaso be `kpukpu ble'n. Ɔ ti wunmiɛn-ɔn, m ´man amun. Amun ´nyan wunmiɛn kɛ nannin b'ɔ lɛ blalɛ wɛ'n sa, kɛ nannin b'ɔ lɛ aaba ja bui'n sa. Amun ´nunnun nvle dandan mun, kpɛkuun bé bo ninnge nga an isa'n, an ´fa man min bɔ n sie mɛn wunmuan'n .»

Abakik 1:7

Be yo sro tɛ kpa, be tu-man bé wun ngowa, be lɛ be tiaun mmla yɛ be nanti su-ɔ.

Sofoni 3:10

Min sufuɛ bɔ n yoli man b'a bo b'a sanndi'n, wie'm be ´jaso Etiopi nzue ba'n sin lɔ be wa cɛ min like.»

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Matthieu 2:11

Be wluli sua lɔ, be wunnin bakan'n nin i nin Mari, be kotoli i bo, be mɛnmɛnnin i. Be nyannjili be trɔ mun, be cɛli i sika ɔkwlɛ, nin ansans, ɔ nin mir.