Ezai 18:6 - NYANMIƐN NDƐ'N 1998

⁶ Be ´yaci Asirifuɛ'm be kwlaa anunman dandan nga be o oka'm be su bɔ be di nnɛn'n bé sa nun. Be ´yaci be blo nnɛn'm bé sa nun. Anunman nga be di nnɛn'n, saka'm be ti be ´ba wawa nun, lɛ yɛ be ´ka-a. Blo nnɛn'm be kusu be ´ba ayrɛ blɛ'n nun, be kusu lɛ yɛ be ´tran-an.

Ezai 18:6 ပူးပေါင်းရင်းမြစ်များ

Ezai 14:19

Sanngɛ ɔ liɛ'n, be yili ɔ saka'n i blo. A ti kɛ tete ba bɔ wa wu i nin klun'n sa, w'a nyan-man asieliɛ. A ti kɛ fuɛn b'ɔ b'a tiatia su'n sa. A ti kɛ be nga be fali tokofi be kunnin be'n, bɔ be suli be saka'm bé bo guali kunman wie nun lɔ yɛbuɛ'm be su'n sa.

Ezai 23:13

Amun `nian, Kaldefuɛ'm be lɛ-man nyrun kun, Asirifuɛ'm be fali bé mɛn'n mannin aawlɛ flɛnnɛn'n nun nnɛn mun. Kaldefuɛ sɔ'm be su kplan like fleinflein mun nan be ´jran su be kun alɛ. Be su saci Tir lɔ sua kpakpa mun, be su bubu be weiin.

Ezai 46:11

N flɛ anunman nyin kun wia afiliɛ lɔ kɛ ɔ bla, n flɛ sran ng'ɔ ´yo min klun sa'n mɛn mmua-mmua wie nun kɛ ɔ bla. Sa nga n kan'n, n yo i su sa'n. Sa nga m bu i akunndan'n, n yiɛ i nuan.

Ezai 56:9

Aawlɛ nun nnɛn mun, bo nun nnɛn mun, amun kwlaa amun `bla wa di like.

Zeremi 15:3

Anannganman'n waan: «N wa fa nyrɛnnɛn wafa nnan n ´yi be su. Alɛ'n ´di be, alua'm be ´cuɛn be fuɛn'm be ase, anunman nin bo nun nnɛn tɛtɛ'm be ´di be, be ´nunnun be.

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 7:33

Fuɛn sɔ mun yɛ be ´kaci apɛtɛkuasi nin nsoso'm be aliɛ-ɔ. Be ´di i sa-a sran fi su kankan-man be bo.

Ezekiɛl 31:13

I sama nga be kpɛkpɛli'n, anunman'm be wa trannin be su. Blo nnɛn'm be kwlaa be yoli be lawlɛ i nnya'm bé nun.