Ezai 18:4 - NYANMIƐN NDƐ'N 1998

⁴ Afin Anannganman seli min kɛ yoo: «Kɛ n wo min tranwlɛ'n nun lɔ'n, n su keje-man mín wun, n ´nian sa nga be ´ju'n. N ´tran diin kɛ aunyɛyɛ b'ɔ ba wia kpa'n nun bɔ lika'n ɔ jran diin'n sa. N ´tran diin kɛ bɔlɛ ufue munnduun b'ɔ ba ble kpɛlɛ blɛ'n nun aunyɛyɛ nun'n sa.»

Ezai 18:4 ပူးပေါင်းရင်းမြစ်များ

2 Samiɛl 23:4

ɔ ti kɛ nglɛmun wia b'ɔ ´fite'n, wuun nyanmiɛn ble'n nun-man lɛ'n sa'n. Ɔ kpaja weiin. Kɛ nzue'n ɔ'a tɔ ɔ'a kpɛ'n, i sɔ wia liɛ'n yɛ man ijre nga be o asiɛ'n bo'n be fu-ɔ.›

2 Be Nyoliɛ 6:21

Kɛ a o ɔ tranwlɛ'n nun nyanmiɛn su lɔ'n, sie ɔ́ su tie aunnvuɛ srɛlɛ bɔ min bɔ n ti ɔ sufuɛ'n e nin Izraɛlfuɛ mun bɔ be ti ɔ nvle'n nunfuɛ mun e ´jran wa e ´srɛ wɔ'n. Tie nan yaci e wun sa mun cɛ ye.

Jue Mun 72:6

Man ɔ yo kɛ nzue b'ɔ tɔ ijre bɔ b'a kpɛkpɛ'n su'n su sa. Man ɔ yo kɛ nzue dan b'ɔ lualua asiɛ'n sa.

Nyanndra Mun 19:12

Kɛ famiɛn kun ko fa ya'n, ɔ yo sro kɛ asɔmɔli b'ɔ su kpan'n sa. Sɛ kusu ɔ nian ɔ nyrun klanman'n, ɔ ti kɛ bɔlɛ b'ɔ gua nnya'm bé su'n sa.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 14:32

?Be ´tɛ Filistifuɛ'm be sunmanfuɛ'm be su sɛ? Be ´tɛ be su kɛ: «Anannganman kplannin Siɔn klɔ'n, ɔ man be nga be ti yalɛfuɛ i sran'm be nun'n, be ´nyan fiawlɛ lɔ.»

Ezai 18:7

I blɛ sɔ nun'n, nvle nga i nun sran'm be ti jajraajra'n, bɔ bé kplo'n ti mlanmlan'n, bɔ be yo sro kɛ ɔ fin i bo bolɛ nun lele b'ɔ ´fa ju ndɛ'n, bɔ be kwla be kpɔfuɛ mun nyrɛnnɛnnɛn'n, bɔ be di-man be mɛn'n nun nzue ba'm be yalɛ'n, sran sɔ'm be ´fa like be wa cɛ Anannganman. Be ´fa ba Siɔn oka'n su kan Anannganman kleli kɛ ɔ tran lɛ'n.

Ezai 26:19

Amun fuɛ nga be wuli'n be ´sa bé sin wa ekun. Min sran nga be sinnin wie nun'n be ´cɛn. Amun nga amun o ndutre'n nun'n, amun `tinnge, man amun klun jɔ, yɛ amun `bo sro. Anannganman, ɔ bɔlɛ ufue'n ɔ ti kɛ like b'ɔ kpaja weiin'n sa, yɛ asiɛ'n ɔ man be nga be wuli'm be ´sa bé sin wa ekun.

Ezai 26:21

Afin Anannganman fin i tranwlɛ'n nun lɔ su ba kɛ ɔ wa tu be nga be wo asiɛ'n su'n be fɔ sa tɛ bɔ be yo'n ti. Mmoja ng'ɔ guali asiɛ'n su'n, be ´wun i, sran nga be wuli'n, like fi su kata-man be su kun.

Ezai 31:9

Be safunyrɛn'm be ´wanndi, srɛ ´kun famiɛn i awlo lɔ sran dandan mun, be ´yaci be flanga'm be lɛ be ´wanndi. Anannganman bɔ i sin'n wo Siɔn lɔ'n, bɔ i sin dan'n wo Zerizalɛm'n yɛ ɔ kan sɔ-ɔ.

Ezai 46:13

N su wa di nanwlɛ'n, n su cɛ-man kun. Sran'm bɔ min waan n `de be'n, bé ti nyanlɛ blɛ'n ɔ'a mantan. N ´de Siɔnfuɛ mun, yɛ n ´yo man Izraɛlfuɛ'm be ´nyan nyrun.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ndɛ Nga Nyanmiɛn I Nuan Ijɔfuɛ Oze Kannin'n 14:5

«N ´yo man Izraɛlfuɛ'm be ´yaci bé nyin nyɔnnyɔn siesielɛ. N wa klo be klolɛ kpa, n su fa-man bé wun ya tɛ kun.

Ndɛ Nga Nyanmiɛn I Nuan Ijɔfuɛ Oze Kannin'n 5:15

N ´kɔ, n ´sa mín sin min tranwlɛ'n nun lɔ lele san bé tɛ nga be yoli'n ɔ ´fite bé nuan. Ɔ ´fite bé nuan kpɛkuun be ´sa be sin mín wun. Cɛn nga nyrɛnnɛn'n tɔ bé su'n, be ´usa min osu.»

Amɔs 3:7

Nanwlɛ, sa kwlaa nga Anannganman waan ɔ ´yo'n, san ɔ ´dun mmua kan kle i sufuɛ nga be ijɔ i nuan'n .