Ezai 18:3 - NYANMIƐN NDƐ'N 1998

³ Amun nga amun wo mɛn wunmuan nun'n, amun bɔ amun tran asiɛ'n su'n, amun `nian nzɔliɛ nga be kplɛnnin i oka'm be su'n, amun `sie amún su kɛ be ´fita nnɛn wɛ nun'n.

Ezai 18:3 ပူးပေါင်းရင်းမြစ်များ

Jue Mun 50:1

Jue nga ti Azaf liɛ. I waan: Nyanmiɛn'n, Nyanmiɛn'n, Anannganman'n su kan ndɛ. Kɛ ɔ fɛ i wia afiliɛ lɔ lele b'ɔ fa ju wia atɔliɛ lɔ'n, ɔ flɛ asiɛ wunmuan'n i sufuɛ mun.

Ezai 1:2

Nyanmiɛn su lɔ lika'n, tie! Asiɛ, sie ɔ su kpa! Afin Anannganman su ijɔ. I waan: N tali ba wie mun, b'a nyin, sanngɛ b'a jaso min wun.

Ezai 11:12

Ɔ ´kplan nzɔliɛ kun fa man nvle-nvle mun. Ɔ wa flɛflɛ Izraɛlfuɛ nga be kannin bé bo bé mɛn nun'n. Ɔ wa tian Zidafuɛ nga be bo sanndili asiɛ'n i bue nnan'n su'n be nuan.

Ezai 13:2

«Amun `kplan nzɔliɛ kun oka bɔ like fi fifi-man su'n i su, amun `kpan kekle be flɛ be, amun `fa amún sa flɛ be. Man be sin Babilɔni anuan'm be nun be bla.

Ezai 13:4

Amun `sie amún su be tie nganniɛn ng'ɔ tɛ oka'm be su lɔ'n, ɔ waan sran kpanngban kpa be nganniɛn-ɔn. Amun `tie famiɛn diwlɛ mun nin nvle-nvle'm be nun sran bɔ b'a yia'n be nganniɛn b'ɔ tɛ'n. Anannganman b'ɔ sie mɛn wunmuan'n, ɔ su nian-nian be nga be su wa kɔ alɛ'n i kunlɛ mun ´sin.

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezai 31:9

Be safunyrɛn'm be ´wanndi, srɛ ´kun famiɛn i awlo lɔ sran dandan mun, be ´yaci be flanga'm be lɛ be ´wanndi. Anannganman bɔ i sin'n wo Siɔn lɔ'n, bɔ i sin dan'n wo Zerizalɛm'n yɛ ɔ kan sɔ-ɔ.

Ezai 49:22

Anannganman Nyanmiɛn'n wan yoo: «Amun `nian, m ´man ń sa'n su nvle-nvle'm bé su, n ´kplan min flanga'n, n ´kaci i nyin mɛnmɛn'n bé su. Yɛ be ´fa amun mma yasua mun bé sa su be ´ba. Be ´fa amun wa bla mun be wati su be ´sa bé sin ba.

Ezai 5:26

Anannganman ɔ'a man nzɔliɛ kun su ɔ'a man nvle nga be o muamua lɔ'n. Ɔ bo feliman flɛ be nun kun kɛ be wo asiɛ'n i bue kun'n su lɔ'n. Yɛ amun `nian, ɔ su kɛn i wun ba ndɛndɛ kpa. Ɔ tu glaunglaun yɛ ɔ ba-a.

Ezai 7:18

Blɛ sɔ nun'n, Anannganman ɔ ´bo feliman flɛ ngɔnsiɛn nga be o kan Nil nzue'n ɔ ko gua jenvie'n nun lɔ'n, ɔ nin awɛma nga be o Asiri mɛn nun'n.

Zeremi 22:29

Asiɛ, asiɛ, asiɛ, sie ɔ́ su tie Anannganman i nuan su ndɛ'n.

Zeremi 51:27

«An `kplan flanga mɛn'n nun. An `fita nnɛn wɛ'n nun nvle-nvle'm be nun lɔ. An `kpa sran kpanngban kpa man be nin Babilɔni be ko kun. An `flɛflɛ nvle-nvle'm be nunfuɛ mun. Ɔliɛ Ararat lɔfuɛ mun nin Mini lɔfuɛ mun, ɔ nin Askenazfuɛ mun. An `siesie sran man be kpa sonja i sɔ mɛn liɛ'm be nun. An `fa nnɛn kpanngɔ kpanngban kpa kɛ lalo mun sa man be nin i wɔ kunlɛ.

Mise 1:2

Nvle-nvlefuɛ mun, amun kwlaa amun `sie amun su `tie. Asiɛ, a nin be nga be tran ɔ su'n be kwlaa amun `sie amún su kpa! Anannganman'n fin i tranwlɛ lɔ ´ba, ɔ nin amun be wa yia nun.

Mise 6:2

Oka mun nin asiɛ bɔ oka'm be bo'n taka su'n, amun `sie amún su, Anannganman nin i mma'm b'a nyan ndɛ, ɔ'a fa ndɛ ɔ'a mian Izraɛlfuɛ'm bé sa. I waan Izraɛlfuɛ'm b'a yo i sa.

Mise 6:9

Anannganman se klɔfuɛ'm be kɛ be nga bé nyin yi i'n, be ´nyan bé ti. «Zida akpasua sufuɛ mun, amun kwlaa nga amun yia klɔ'n su yɛ'n, an `tie!

Zakari 9:14

Anannganman'n ´fite i sran'm bé ti su nglo. I ta mma'n ɔ ´tu kɔ kɛ nyanmiɛn b'ɔ su kpa sin'n sa. Anannganman Nyanmiɛn'n ɔ ´bo awɛ, kpɛkuun ɔ ´ba mɛn'n i ngua lɔ lika'n nun lɔ aunngban dan'n i nun.

Matthieu 13:16

Sanngɛ amun liɛ'n, amun liɛ su ti ye, afin an wun ase, yɛ an ti sa!

Matthieu 13:9

Man sran ng'ɔ si fa sie'n, ɔ fa sie.»