Ezai 17:8 - NYANMIƐN NDƐ'N 1998

⁸ Ɔ su kpɛ-mɛn i nyin amuɛn sɔwlɛ nga i bɔbɔ yoli'n be su. Amuɛn b'ɔ fɛli i bɔbɔ sa yoli be'n nin waka b'ɔ takali be'n, ɔ nin ansans yrawlɛ mun, ɔ su fɛ-mɛn i nyin sie-man be su kun.

Ezai 17:8 ပူးပေါင်းရင်းမြစ်များ

2 Samiɛl 22:42

Be nian-nian, be wun-man sran fi b'ɔ ´de be-ɔ. Be kpan flɛ Anannganman, ɔ tɛ-man bé su.

2 Be Nyoliɛ 14:5

I afuɛ sɔ'm be nun'n, sran fi nin i b'a kun-man alɛ, yɛlɛ kɛ Anannganman bɔbɔ man i wun jɔli i fɔuun. Ɔ fali aunjuɛ blɛ sɔ'n fa sisili Zida klɔ kpanngban bé wun.

2 Be Nyoliɛ 31:1

Kɛ cɛn dilɛ'n wieli'n, Izraɛlfuɛ nga be o lɛ'n be ɔli Zida klɔ'm be su. Be ko sacili yɛbuɛ nga be takali be'n. Be bubuli waka nga be kplannin be bɔ be sɔ be'n mun. Be sacili be nga be si-man Nyanmiɛn'n be sraka yiwlɛ lika nga be o kpɔlɛ'm be su'n mun nin amuɛn sɔwlɛ mun. Be yoli i sɔ Zida nin Bɛnzamɛn akpasua'n, nin Efraim nin Manase be akpasua'm be su. I sin be sali bé sin be ɔli be klɔ'm be su sɛsɛsɛ.

2 Be Nyoliɛ 34:4

Be bubuli amuɛn nga be flɛ be Baal'n be sɔwlɛ mun i bɔbɔ nyrun lɛ. Yɛ ɔ bubuli ansans yrawlɛ mun nin waka nga be kplan be bɔ be sɔ be'n, ɔ nin amuɛn wafa-wafa'n kwlaa. Ɔ fufuli i kwlaa sɔ nun ɔ yoli sanmlɛn. Be nga be yili sraka mannin amuɛn sɔ mun'n, ɔ fali sanmlɛn sɔ'n ko guali be ndia'n su.

Ezipt Lɔ Tulɛ'n 34:13

Amun `bubu be amuɛn sɔwlɛ mun. Amun `bubu be yɛbuɛ nga be takali be'n, ɔ nin be waka nga be sɔ be'n.

Ezai 1:29

Waka dandan bɔ amun klo be sɔlɛ'n, amún sa sin wa bubu amun be ti. Amuɛn bo bɔ amun kpɛ be'n, nyannzuɛn wa kun amun be dunman nun.

Ezai 10:20

I cɛn sɔ nun'n, Izraɛlfuɛ onga mun nin Zakɔb i osu'n nunfuɛ nga be kali lɛ'n, be wa yaci sran ng'ɔ kleli be yalɛ'n i su kisalɛ. Be wa fa bé wla'n ngba be ´guɛ i Anannganman b'ɔ ti Izraɛl Nyanmiɛn'n i su.

Ezai 17:9

I cɛn sɔ nun'n, Izraɛl klɔ nga be sili bé wun'n, be ´ka lɛ ngbɛn. Be ´yo kɛ laa nga bo mun nin kacɛ'm be nun tɔli koun blɛ bɔ Izraɛlfuɛ'm be juli lɛ'n sa. Lika'n ɔ ´yo srolololo.

Ezai 2:8

Be di-man amuɛn'm be yalɛ bé mɛn'n nun. Be koto ninnge nga be fa bé sa be yi'n be bo. Be su ninnge nga be fa bé sama be yo'n mun.

Ezai 27:9

Sanngɛ siɛn'n, wafa nga be ´yaci Izraɛlfuɛ'm bé wun sa'n cɛ be'n, yɛ wafa nga be ´nunnun bé sa tɛ'n su'n yɛ: be wa bubu sraka yiwlɛ lika'm be yɛbuɛ'm be nun, be ´nunkun be kɛ like pɔpɔ wie sa, be ´yo kɛ ndutre sa. Be su taka-man yɛbuɛ nga be sɔ be'n kun, be su kplan-man sraka yiwlɛ nga be yra ansans su'n mun kun.

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Ezai 37:19

Be guali lɔ amuɛn'm be sin nun, be wɔli be nun, yɛlɛ kɛ be ti-man Nyanmiɛn, afin sran sa yɛ ɔ yoli be-ɔ, waka ɔ nin yɛbuɛ yɛ be fa yoli be-ɔ.

Ezai 41:29

Amun `nian, be ti-man like fi mlɔnmlɔn, yɛ ninnge nga be yo be'n be ti ninnge ngbɛn-ngbɛn ngunmin. Be amuɛn'm be ti kɛ aunngban b'ɔ fita vuu ngbɛn'n sa, nán like fi yɛlɛ be.

Ezai 44:15

Yɛ sran'n ɔ trɔ waka sɔ mun. Ɔ fa wie, ɔ kplɛ i nuan tɔn sin. Ɔ trɔ wie fa tɔn kpaun. Yɛ ɔ fa wie yo amuɛn, ɔ koto i bo. Ɔ fa wie sɛ waka sran, ɔ su i.

Zeremi 17:2

Ɔ man be mma'm be wla su fi-man sraka yiwlɛ nin waka nga be taka be bɔ be sɔ be'n, nin waka nga be lɛ fɔnvɔ'n, ɔ nin kpɔlɛ kendenglein mun.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ndɛ Nga Nyanmiɛn I Nuan Ijɔfuɛ Oze Kannin'n 14:8

Be nga be ti min liɛ'n, sɛ n ´kwla se'n be wa tran min fɔnvɔ'n bo, be wa lua ble mma, be ´nyin kɛ vinyi sa, be dunman'n ´fu kɛ Liban nzan'n sa.

Ndɛ Nga Nyanmiɛn I Nuan Ijɔfuɛ Oze Kannin'n 14:9

?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Sofoni 1:3

N ´nunnun sran nin nnɛn mun, anunman nga be tu be sin nglo'n nin kpatra nga be o jenvie nun'n, n ´nunnun be, klunwifuɛ mun nin bé sa nuan ninnge tɛtɛ nga be yoli'n, n ´nunnun be. N su yaci-man sran ba kun sa asiɛ'n su.» Anannganman'n yɛ ɔ kan sɔ-ɔ.

Zakari 13:2

«I sɔ blɛ nun'n, n ´yo man amuɛn'm be dunman'n ´nunnun mɛn'n nun, ɔ man be su bo-man be dunman be di-man jɔlɛ kun. Be nga be tɔn bé wun suɛn kɛ be ti min nuan ijɔfuɛ'n, n ´nunnun be. Kpɛkuun amuɛn'm be akunndan bulɛ'n, n ´yi i sran'm bé ti nun.» Anannganman b'ɔ sie mɛn wunmuan'n yɛ ɔ kan sɔ-ɔ.

Mmla'n 7:5

Ng'ɔ fata kɛ amun yo'n yɛ: amun `bubu be amuɛn sɔwlɛ mun, amun `bubu be yɛbuɛ nga be takali mun'n, ɔ nin be ninnge nga be sɔ be mun'n, yɛ amun `yra be amuɛn mun.