Ezai 17:6 - NYANMIƐN NDƐ'N 1998

⁶ Ble ja kunngun yɛ ɔ ´ka lɛ-ɔ. Ɔ wa yo kɛ olivie bɔ be fa waka be ti gua'n sa. Sɛ mma nnyɔn o annzɛ sɛ mma nsan o, be ´ka olivie'n i ti'n su lɔ. Yɛ sɛ mma nnan o annzɛ sɛ nnun o, be ´ka i sama'm be su. Ndɛ nga bɔ Anannganman b'ɔ ti Izraɛl Nyanmiɛn'n ɔ kan'n yɛ ɔ o lɛ-ɔ.

Ezai 17:6 ပူးပေါင်းရင်းမြစ်များ

1 Famiɛn Mun 19:18

sanngɛ n ´yaci sran akpi nso (7.000) Izraɛl mɛn'n nun. Sran sɔ'm be liɛ'n b'a koto-man Baal nyrun, yɛ b'a tafi-mɛn i wun.»

Ezai 1:9

Sɛ Anannganman b'ɔ sie mɛn wunmuan'n ɔ'a yaci-man e nun sran wie'm be lɛ'n, wuun e wieli nunnun kɛ Sodɔmfuɛ'm be sa, sɛ ɔ'a yaci-man be lɛ'n, wuun e wieli wu kɛ Gomɔrfuɛ'm be sa .

Ezai 10:22

Izraɛlfuɛ mun, kannzɛ amun sɔnnin kɛ jenvie nuan aunnyan sa'n, amun nun sran kaan nga be kali lɛ'n be yɛ be ´sa bé sin be ba Anannganman sin-ɔn. Sran'm be nunnunlɛ'n, kɛ ɔ yoli yɛ ɔ yoli-ɔ, san ɔ ´ju, san mmla'n i su sa'n ɔ ´yo .

Ezai 24:13

Asiɛ'n su wa nvle-nvle'm be nun'n, be wun-man like dan kun, Ɔ ti kɛ olivie bɔ be fa waka be ti i mma'm be gua wuun ɔ'a wie'n sa. Ɔ ti kɛ vinyi i mma kunngun ng'ɔ ka i waka'n su bɔ b'a ti ɔ'a wie'n sa.

Ezai 27:12

I cɛn sɔ nun'n, waka nga be o nzue dan'n i nuan lele fa ju Ezipt nzue ba'n i nuan'n, Anannganman ´keje waka sɔ mun sa uya-uya-uya. Yɛ amun Izraɛlfuɛ mun, ɔ ´isa amun kunngunngun.

Zeremi 4:27

Anannganman'n kannin kɛ yoo: «Mɛn wunmuan'n ɔ ´wie saci, sanngɛ n su wie-mɛn i nunnun mlɔnmlɔn.

Ezekiɛl 39:29

N su kaci-man min sin n ko si-man be kun, afin n wa fa min Wawɛ'n m ´man be.» Anannganman Nyanmiɛn yɛ ɔ kan sɔ-ɔ.

Abdias 1:5

Sɛ awiefuɛ mun, wie kusu-ɔ sɛ be nga be fɛn sran'm bé wun ninnge'n be wa fu wɔ nun kɔnguɛ'n, ninnge nga be kwla fa kɔ'n yɛ be ´fa-a. Kɛ be ko fɛ i sɔ'n, wuun b'a di wɔ yalɛ mlɔnmlɔnmlɔn. Nzan yifuɛ'm be kusu, sɛ be kɔ ɔ vinyi fie nun'n, san vinyi mma kpatrɛ wie mun sa yɛ be ´yaci be lɛ-ɔ.

Mise 7:1

Be `nian nyrɛnnɛn bɔ n wo nun-ɔn! M'an yo kɛ sran bɔ b'a ti waka mma b'a sin, kpɛkuun ɔ'a ɔ i osu nun nian-nianlɛ'n sa. M'an ɔ vinyi sɔsɔwa kunndɛlɛ. N ´ju lɔ-ɔ vinyi sɔsɔwa waan: ?A sieli min nin? Figie mma nga min konvi o su'n ɔ'a tu anunman.

Rɔmfuɛ Mun 11:26

Kɛ ɔ ko yo sɔ'n, ndɛ nga be klɛli i kɛ Izraɛlfuɛ'm be kwlaa be ´nyan bé ti'n, ɔ ´kpɛn su. Afin be klɛli i kɛ: «Bé Defuɛ'n ´fin Siɔn, ɔ ´yo man Zakɔb anunman'm bɔ be sro-man Nyanmiɛn'n be ´sro i .

Rɔmfuɛ Mun 9:27

Ezai kusu kannin Izraɛl i ndɛ, ɔ kpan seli kɛ: «Kannzɛ man Izraɛlfuɛ'm be trɛ kɛ jenvie nuan aunnyan sa'n, be nun kaan sa yɛ be ´ka lɛ, be sɔfuɛ yɛ be ´nyan bé ti-ɔ.

Mmla'n 4:27

Anannganman ɔ ´yo man amun ´bo sanndi nvle kun nga'm be nun. Amun ´ka kaan sa mɛn nga Anannganman ´fa amun ´kɔ nun sɔ'n i nun lɔ.

Jɔlɛ Difuɛ Mun 8:2

Zedeɔn tɛli be su kɛ: «?Nán amun li yɛ amun kunnin alɛ nin-ɔn? Abiezɛr i crolo'n ɔ'a ju-man sɛ'n i lika fi, sanngɛ Efraim i akpasua'n su sran'm be kpɔkpɔ'n ɔ yili sɛ'n.