Ezai 17:2 - NYANMIƐN NDƐ'N 1998

² Sran'm b'a tu Arɔɛr klɔ'm be su. Klɔ sɔ'm be o nnɛn'm bé sa nun siɛn'n, b'a kaci be lawlɛ. Sran fi kle-man be yalɛ.

Ezai 17:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:19

Sɛ a ´lafi'n, sran fi su kle-man wɔ yalɛ. Ɔ lakalɛ yɛ be wa laka wɔ siɛn'n nin-ɔn, kɛ ɔ ´yo nan w'a uka be'n ti.

Ezai 27:10

Klɔ nga be sili i wun'n, ɔ ´tɔ kouun, sran fi su tran-man nun kun, ɔ ´tɔ srololo kɛ aawlɛ flɛnnɛn'n sa. Nannin ba'm be ´didi lɔ, be ´la lɔ, yɛ be ´di susrɛ'm be nun nnya-nnya mun.

Ezai 5:17

Bua'm be wa didi klɔ nvuɛn'n nun kɛ be fa yo i be didiwlɛ'n nun'n sa. Yɛ boli ba nga be ta be bé sa nun'n, be ´didi kan anyanbeunfuɛ'm be ninnge'm be o lɛ laa bɔ be sacili'n.

Ezai 7:21

Blɛ sɔ nun'n, sran kun ɔ ´ta nannin bla kun nin boli bla nnyɔn, sran kun ɔ ta nannin bla kun nin boli bla nnyɔn.

Ezai 7:22

Nɔnnɔn nga be ´nyɛn i'n ɔ ´sɔn dan ti be ´nɔn i nyin su ngo'n kpanngban. Be kwlaa nga be ´ka mɛn'n nun lɛ'n, nɔnnɔn i nyin su ngo'n nin awɛma nzue'n yɛ be ´fa ta bé wun-ɔn.

Zeremi 48:19

Arɔɛrfuɛ mun, an `jran atin'n su be nian. Be bɔ b'a nyan-man be b'a kun-man be bɔ be wanndi'n, amun usa be kɛ: ‹?Nguɛ sa-a?›

Zeremi 7:33

Fuɛn sɔ mun yɛ be ´kaci apɛtɛkuasi nin nsoso'm be aliɛ-ɔ. Be ´di i sa-a sran fi su kankan-man be bo.

Ezekiɛl 25:5

N ´fa Raba lika'n n ´kaci nyɔnngɔnmɛn'm be didiwlɛ, yɛ n ´fa Amɔn lika'n n ´kaci bua'm be didiwlɛ, yɛ amun wa si jrɛiin kɛ min yɛ n ti Anannganman nin-ɔn.

Ezekiɛl 39:26

I liɛ'n, bé wla su kpɛn-man be nyannzuɛn dan'n bɔ be wunnin i'n i su kun. Yɛ bé wla su kpɛn-man bé sa tɛtɛ nga be yoli min'n be su kun. Be ´tran diin bé mɛn'n nun. Sran fi su kle-man be yalɛ kun.

Mise 4:4

Sran'm be ´di vinyi fie nin be olivie fie fɔuun, sran fi su wla-man bé nyin nglo-nglo kun. Anannganman b'ɔ sie mɛn wunmuan'n yɛ ɔ kɛn sɔ kle wɔ-ɔ .

Sofoni 2:6

Wɔ asiɛ ng'ɔ la jenvie'n nuan lɔ'n, ɔ ´kaci nnɛn'm be didiwlɛ, lɛ yɛ nnɛn kankanfuɛ'm be ´fa be nnɛn mun be ´sin-ɔn, lɛ yɛ be ´sisi be bua'm be kuku'n yɛ be ´fa be ´gua nun-ɔn.»

Kalɛ 32:34

Gad i osu nunfuɛ'm be kplannin klɔ nga'm be uflɛ: Dibɔn, Atarɔt, Arɔɛr,

Mmla'n 2:36

Kɛ ɔ fɛ i Arɔɛr b'ɔ o Arnɔn nzue ba'n i nuan'n, ɔ nin klɔ ng'ɔ o kongo nun'n lɔ lele b'ɔ ´fa ju Galaad mɛn'n nun'n, klɔ ba kun sa ɔ'a kwla jran-man e nyrun. Anannganman e Nyanmiɛn'n fali be kwlakwla mannin ye.

Mmla'n 3:12

I blɛ sɔ'n nun yɛ e fali lika ng'ɔ o Arɔɛr i nglo lɔ Arnɔn nzue ba'n i nuan lɔ nin-ɔn. N kpacili Galaad b'ɔ ti oka-oka lika'n i nun kpla, n fɛli i bue kun m mannin Ribɛnfuɛ mun nin Gadfuɛ'm be osu nunfuɛ mun. N fali lɛ klɔ mun m mannin be.

Zozie 13:16

i nuan su yɛlɛ Arɔɛr klɔ'n b'ɔ o Arnɔn nzue ba nuan'n ɔ nin klɔ ng'ɔ o kongo i afiɛn'n. Lika kpɛtɛkplɛɛ ng'ɔ sin yia Medɛba'n,

Zozie 13:25

Zaɛzɛr, nin Galaad klɔ'm be ngba, nin Amɔn i osu'n nun sran'm be mɛn'n i bue bɔ i nuan yɛlɛ Arɔɛr b'ɔ o Raba i ndɛnman lɛ'n.