Ezai 17:12 - NYANMIƐN NDƐ'N 1998

¹² Ee! Be nian kɛ sran kpanngban kpa be su kplin-ɔn, be kplinlɛ'n ɔ tɛ kɛ jenvie'n yɛ ɔ su bo sa. Be nganniɛn'n ɔ tɛ kɛ nzue dan b'ɔ sonji kekle kpa b'ɔ klu wuu'n sa.

Ezai 17:12 ပူးပေါင်းရင်းမြစ်များ

Jue Mun 18:4

Man be manman Anannganman! Kɛ n kpan flɛ i'n, ɔ de min min kpɔfuɛ'm bé sa nun .

Jue Mun 29:3

Anannganman i nɛn'n ɔ tɛ nzue'm be su. Nyanmiɛn bɔ i nyrun'n yo sro'n, i yɛ man nyanmiɛn'n ɔ kpla-a. Anannganman yɛ ɔ sie nzue mun-ɔn, be wo i bo.

Jue Mun 83:2

Ee, Nyanmiɛn, nán tran lɛ bliin sɔ! Ee Nyanmiɛn, nán muan ɔ nuan sɔ, nán tran ase de wunmiɛn.

Ezai 13:4

Amun `sie amún su be tie nganniɛn ng'ɔ tɛ oka'm be su lɔ'n, ɔ waan sran kpanngban kpa be nganniɛn-ɔn. Amun `tie famiɛn diwlɛ mun nin nvle-nvle'm be nun sran bɔ b'a yia'n be nganniɛn b'ɔ tɛ'n. Anannganman b'ɔ sie mɛn wunmuan'n, ɔ su nian-nian be nga be su wa kɔ alɛ'n i kunlɛ mun ´sin.

Ezai 28:17

Sɛ n kwla ´se'n, min nyanman nga n ´fa sunnzun like'n yɛlɛ sa i nuan su yolɛ'n, yɛ min nyanman bɔ sunmun wo i nuan, bɔ n nian su bɔ man kɛ n ´kplan talɛ'n ɔ yo seiin'n, yɛlɛ mmla'n.» Sɛ e fa ato'n e sunnzun fiawlɛ'n e `se kɛ nzraama bɔ kɛ nzue ´tɔ'n ɔ gua'n, ɔ ´saci i. Sɛ e fa gblɛ'n e sunnzun sua'n, e se kɛ nzue'n ɔ sonji wlu nun'n, ɔ ´yi.

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Ezai 8:9

Sran mun, amun `kpan, srɛ dan kpa ɔ wa kun amun! Amun kwlaa nga amun wo asiɛ'n i muamua lɔ'n, amun `sie amún su, alɛ'n ti amun `buabua amún wun, srɛ dan kpa ɔ wa kun amun!

Ezai 9:5

Afin b'a wu ba kun b'a man ye, b'a fa ba yasua kun b'a man ye. Nyanmiɛn fali sielɛ'n wlɛli i sa nun. Be ´flɛ i kɛ Abonuan, Sa'm be siesiefuɛ, Nyanmiɛn b'ɔ kwla, Siɛ b'ɔ o lɛ titi, Aunjuɛ wlengbi .

Zeremi 6:23

Ta nin cua o sonja sɔ'm bé sa nun. Be yo be ninnge liɛ sinnzin su, be si-man aunnvuɛ. Nganniɛn nga be yo'n ɔ tɛ kɛ jenvie yɛ ɔ su bo sa. B'a fu b'a tran be nnɛn kpanngɔ'm be su. B'a jranjran tɔɔn! A wun be sa-a, ɔ waan sran kunngba-a. Siɔnfuɛ mun be nin be su wa kun.»

Ezekiɛl 43:2

N wunnin Izraɛl Nyanmiɛn i nyrun nyannyan'n b'ɔ fin wia afiliɛ lɔ'n kɛ ɔ su ba. Kɛ ɔ ´ba'n, ɔ tɛ kɛ jenvie'n yɛ ɔ su bo sa, kɛ ɔ kpaja'n ti, asiɛ'n su kpajali wauun .

Daniɛl 7:2

Ɔ seli kɛ: «Kɔnguɛ kɛ n ´cɛn laliɛ'n, n wunnin kɛ aunngban'n ɔ fin mɛn'n i bue nnan'n su ba sa vuu yɛ ɔ wa fitali jenvie dan'n su.

Mise 4:11

Kɛ e ´se yɛ'n, mɛnfuɛ nga bé bo ɔ'a yo kun amún wun'n be sɔnnin. Be ijɔ be se kɛ: «Man Izraɛl sokpa nan e niɛn i.»

Kalɛ 10:35

Kɛ be ´fa alaka'n be ´kɔ'n, Moiz seli kɛ: «Anannganman, jaso kɛ ɔ ´yo nan ɔ kpɔfuɛ'm b'a bo b'a sanndi'n ti. Man be kwlaa nga be kpɔ wɔ'n be wanndi ɔ nyrun .»

JÉSUS-CHRIST I DYASIN FE'N BO LUC KLELI'N 21:25

«Be wa wun like wie wia'n nin anglo'n, ɔ nin nzraama'm bé su, awlaboɛ'n ´yo dan nvle'm be nun. Jenvie'n i bolɛ b'ɔ ´bo b'ɔ ´tɛ'n ti'n, ɔ man sran'm be su si-man sa nga be ´fa yo bé wun-ɔn .

Sa nglô yile 17:1

I sin anz nso bɔ klowa nso'n wo bé sa nun'n be nun kun wa seli n kɛ: «Bla man n kle wɔ fɔ nga be wa fa tu tekle bla dan'n b'ɔ ti nzue'm be anyialiɛ'n su'n .

Sa nglô yile 17:15

Anz'n seli min ekun kɛ: «Nzue nga a wunnin be lika nga tekle bla'n ti lɛ'n, be ti sran wafa-wafa mun, nin sran kpanngban, nin mɛnmɛnfuɛ mun, nin be bɔ be aniɛn'n ti wafa-wafa'n.