Ezai 17:10 - NYANMIƐN NDƐ'N 1998

¹⁰ Afin Izraɛlfuɛ mun, amun wla fili Nyanmiɛn b'ɔ deli amun'n i su. Amun wla ɔ'a kpɛn-man Anannganman b'ɔ ti kɛ yɛbuɛ sa b'ɔ man amun fanngan'n i su. I ti amun dili fie be mannin amun amuɛn'n. Waka kanngan bɔ be bo nnyrɛ'n, bɔ be wu ndɛndɛ'n, yɛ amun luali be fie sɔ'n be su-ɔ. Yɛ amun luali mɛn uflɛ'm be nun waka mma mun fie sɔ'm bé su wie.

Ezai 17:10 ပူးပေါင်းရင်းမြစ်များ

Zeremi 2:32

?Talua kun wla kwla fi i talua ninnge'm be su? ?Talua bɔ b'a jɛ i uflɛ'n i wla kwla fi i njuaba'n su? Sanngɛ min nvlefuɛ'm be liɛ'n, be wla fili min, be si-mɛn i afuɛ.

Ezai 26:4

Amun `fa amún wla gua Anannganman su tititi. Afin ɔ ti kɛ yɛbuɛ sa, i yɛ be talo i-ɔ, ɔ o lɛ anannganman anannganman.

Mmla'n 32:18

«Izraɛl, ɔ́ wla fili ɔ sasafuɛ bɔ i yɛ ɔ wuli wɔ'n. Ɔ wla fili Nyanmiɛn bɔ i yɛ ɔ mannin ɔ nguan'n.»

Jue Mun 106:21

Bé wla fili Nyanmiɛn b'ɔ ti be defuɛ'n, be wla fili i b'ɔ yoli like dandan mun Ezipt mɛn'n nun lɔ'n.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

Ndɛ Nga Nyanmiɛn I Nuan Ijɔfuɛ Oze Kannin'n 8:14

Izraɛl i wla fili i yifuɛ'n, ɔ ko kplannin sua kpakpa mun. Zida kusu kplannin klɔ kpanngban bɔ be si bé wun . Sanngɛ i sɔ klɔ liɛ mun'n, n wa fa sin n yi be nun. I sɔ sua kpakpa liɛ mun'n, sin'n yɛ ɔ ´di be-ɔ.»

Zeremi 17:13

Anannganman, wɔ bɔ ɔ su yɛ Izraɛl i wla'n wo'n, be bɔ be kaci be sin be si wɔ'n be ´wun nyannzuɛn. Be bɔ be yaci wɔ lɛ kɔ like uflɛ sin'n, be ti kɛ dunman bɔ b'a klɛ i aunnyan nun bɔ i nunnunlɛ ɔ yo-man ya'n sa. Afin Anannganman b'ɔ ti kɛ nzue ti kun bɔ i nun nzue'n ti klengle b'ɔ wie-man nun le sa'n, b'a yaci i lɛ.

Zeremi 12:13

Be guali ble, sanngɛ like nga be kpɛ'n yɛlɛ owie. Be fɛli lele ngbɛn, be su nyan-man like. Anannganman i ya dan b'ɔ fali'n ti'n like nga amun luali'n i su mma nga amun tili'n ti, man nyannzuɛn ´kun amun.»

Ezai 51:13

Anannganman b'ɔ yili amun'n, b'ɔ tinngɛli nglo lɔ ng'ɔ la plaii'n nun kɛ bɛ sa'n, b'ɔ wlali asiɛ'n i bo ase'n, amún wla fi i su. Cɛn kwlaa amun usu, srɛ b'ɔ kun amun be nga be tin amun su'n be ya bɔ be fa'n ti, ɔ waan be su wa nunnun amun sa! ?Sanngɛ be ya sɔ'n bɔ be fa'n, ɔ yo nzu ye?

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Jue Mun 106:13

Sanngɛ i sin ɔ'a cɛ-man, be wla wa fili sa dandan ng'ɔ yoli'n. Like ng'ɔ guguli kɛ ɔ ´yo be'n, b'a minndɛ-man be yolɛ blɛ'n.

Jue Mun 85:4

A guali ɔ ya'n kwlaa i ase, a yacili ɔ ya dan sɔ'n nun.

Mmla'n 32:31

Afin be kpɔfuɛ'm be bɔbɔ be si kɛ be sasafuɛ'n nin be liɛ'n be ti-man kun.

Jue Mun 79:9

Nyanmiɛn, wɔ bɔ a de ye'n, bla wa uka ye, nian ɔ dunman'n b'ɔ ti fuwa'n ti. Nian ɔ dunman dan'n ti de ye, yɛ yaci e wun sa'n cɛ ye.

1 Be Nyoliɛ 16:35

Amun `se kɛ: «Nyanmiɛn, wɔ bɔ a ti e Defuɛ'n, de ye. Kan e bo nun. De ye nvle-nvle'm be nunfuɛ'm bé sa nun man e bo flɛ wɔ, afin ɔ dunman'n lɛ-man wunsu, yɛ man e fa ɔ manmanlɛ bɔ e manman wɔ'n di é nuan.»

Mmla'n 32:15

Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.

Mmla'n 28:30

Sɛ amun nun sran wie tra bla wie ase kɛ ɔ ´jɛ i'n, yasua uflɛ yɛ ɔ ´kunndɛ i-ɔ. Amun ´kplan sua, sanngɛ amun su tran-man nun. Amun ´ta vinyi, sanngɛ amun su ti-mɛn i su mma.

Mmla'n 8:19

Sɛ amún wla fi Anannganman amun Nyanmiɛn'n nan amun su amuɛn'm bé su amun sɔ be'n, nan amun koto bé bo'n, n ´kan kle amun ndɛkɛn weiin kpa kɛ amun ´wie wu.

Mmla'n 8:14

amun `nian amun wun, nán amun tu amún wun. Nán amún wla fi Anannganman amun Nyanmiɛn'n b'ɔ fali amun kanga nun Ezipt lɔ bali'n.

Mmla'n 8:11

Amun `nian amún wun kpa. Nán amún wla fi Anannganman amun Nyanmiɛn'n. Nán amun kpa i ndɛ nin i mmla fanunfanun nga n ´fa man amun ndɛ yɛ'n bé su falɛ'n su.

Mmla'n 6:12

Sanngɛ amun `nian amún wun kpa, nán amún wla fi Anannganman su. Afin i yɛ ɔ yili amun kanga'n nun fiteli Ezipt mɛn'n nun lɔ-ɔ.

Saun Yolɛ 26:20

Amun ´kle amún wun yalɛ amun ´di junman ngbɛn: asiɛ'n ´su yo-man like fi ye, yɛ waka'm be su su-man mma.

Saun Yolɛ 26:16

sa nga n ´fa wla amun nun'n yɛ o yɛ: sa sroesroe mun bɔ be kun srɛ'n, ɔ nin nzisi koklo'n, ɔ nin ayrɛ ng'ɔ gua bé wun'n yɛ n ´to n yi amún su-ɔ. I sɔ ninnge liɛ mun'n, be man sran'n ɔ tu i ba nun, yɛ be man ngokoɛ ɔ kun i. Amun ´di fie ngbɛn, san be nga be nin amun be kun'n, be yɛ be ´fɛ i su ninnge'm be ´di-ɔ.

Sofoni 1:13

Be wa fɛn bé bo ninnge kpakpa mun, bé sua'm be wa bubu. Sua nga be wa kplan'n, be su tran-man nun, vinyi nga be wa ta'n, be su nɔn-mɛn i nzan .»

Abakik 3:18

sanngɛ n liɛ'n, n lɛ aklunjuɛ Anannganman dunman nun, kɛ Nyanmiɛn ti min defuɛ'n ti n lɛ aklunjuɛ .

Amɔs 5:11

Amun di be nga be lɛ-man wie'n be lufle. Be ble kan nga be kpɛ'n, kpɛkuun amu'an ko de wie bé sa nun. I sɔ'n ti, sua kpakpa nga an kplannin'n, an su tran-man be nun. Amun anwlɛn su vinyi nga an tali'n, bɔ be su mma fɛfɛ'n, amun su nɔn-man vinyi sɔ'm be su mma'n be nzue wie.

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Jue Mun 65:5

Sran nga a kpɛ i bɔ a fɛ i mantan ɔ wun nan ɔ tran ɔ sua nun'n, i liɛ su ti ye! Ɔ sua'n nun lɔ ninnge kpakpa'n bɔ be man sran muae'n, e waan e ´fa wie é ti é wun nyanman nun!

Jue Mun 31:2

Anannganman, ɔ sin yɛ m ba fialɛ-ɔ. Nán man n wun nyannzuɛn le! Wɔ bɔ a di nanwlɛ'n, de min.

Jue Mun 18:2

Ee! Anannganman, n klo wɔ! Wɔ yɛ a man min wunmiɛn-ɔn.

Jue Mun 9:17

Anannganman ɔ'a fa wafa ng'ɔ ti'n ɔ'a kle, ɔ di jɔlɛ weinwein. Anannganman man sa tɛ yofuɛ'n ɔ'a tɔ aya nga i bɔbɔ suali'n nun.

Ezai 17:9

I cɛn sɔ nun'n, Izraɛl klɔ nga be sili bé wun'n, be ´ka lɛ ngbɛn. Be ´yo kɛ laa nga bo mun nin kacɛ'm be nun tɔli koun blɛ bɔ Izraɛlfuɛ'm be juli lɛ'n sa. Lika'n ɔ ´yo srolololo.

Ezai 18:5

Afin kɛ vinyi'n ɔ'a wie nyrɛ bo'n, kɛ ɔ ko su'n bɔ i mma'n ko tin'n, i sin nan b'a ti vinyi mma sɔ'n, be fa bese be kpɛkpɛ vinyi ja'n i sama nga b'a su-man'n, yɛ be kpɛkpɛ i sama kanngan nga be su mma'n.

Ezai 25:4

Afin a sasali be nga be lɛ-man wunmiɛn'n, a sasali yalɛfuɛ bɔ be o nyrɛnnɛn nun'n. A yoli kɛ lika bɔ be kata su'n, bɔ kɛ nzue'n ɔ tɔ dan'n, be fiɛ i bo'n sa. A yoli kɛ fɔnvɔ bɔ kɛ wia'n ɔ bo'n be trɛn i bo'n sa. Afin be nga be sie sran mun, bɔ be tin be su'n, be ya bɔ be fa'n ɔ ti kɛ nzue dan b'ɔ tɔ fin talɛ kun'n sa.

Ezai 30:29

Sanngɛ amun liɛ'n, amun wa to jue kɛ cɛn bɔ be di i kɔnguɛ'n sa. Amun klun wa jɔ kɛ be su bo blo nan amun su kɔ Anannganman b'ɔ ti kɛ Izraɛlfuɛ'm be yɛbuɛ sa'n i oka'n su lɔ sa.

Ezai 33:2

Anannganman, si ye aunnvuɛ, e wla'n wo ɔ su. Nglɛmun kwlaa man e wunmiɛn. Sɛ e o nyrɛnnɛn nun'n, de ye.

Ezai 44:8

Nán srɛ kun amun, yɛ nán amun usu. ?M'an kan-man sa sɔ mun m'an kle-man amun laa? ?M'an bo-man bé su m'an kle-man amun? ?Nyanmiɛn uflɛ o mín sin ekun? Amun ti min lalofuɛ: Yɛbuɛ uflɛ fi nun-man lɛ kun, n si-man wie fi kun.»

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Ezai 62:11

Amun `nian, kɛ ɔ fɛ i asiɛ'n i bue kun lele fa ju i bue kun lɔ'n. Anannganman kan ndɛ kle sran mun. I waan be `se Siɔnfuɛ'm be kɛ: «Sran'n b'ɔ ´de amun'n ɔ su ba, akatua'n wo i sa nun, i junman'n i su like ng'ɔ nyɛnnin i'n ɔ ´fa ba .»

Zeremi 3:21

Nganniɛn kun tɛ oka'm be su, Izraɛlfuɛ mun yɛ be sun be kpata min-ɔn. Sunlɛ bɔ be sun'n yɛlɛ kɛ be tuli ajalɛ tɛ. Be wla fili min Anannganman b'ɔ n ti be Nyanmiɛn'n.

Ezekiɛl 23:35

I sɔ'n ti, Anannganman Nyanmiɛn wan yoo: ‹Kɛ bɔ ɔ wla fili n su, bɔ a kacili ɔ sin a sili min'n ti, ɔ kusu a wa fɛ ɔ́ wlaka nin ɔ tekle i su afɛ'n.› »

Zoɛl 1:17

Ninnge nga be luali'n, be kplɔli asiɛ'n nun. Ble'n ɔ'a wie, tanngannin'm b'a ka ngbɛn, like siewlɛ'm b'a saci.

Ezekiɛl 22:12

Ɔ lɔ'n, be tua sran kalɛ kɛ ɔ ko kun sran. Kɛ be bo sran bosia'n, be kwla-man i asubo'n nun. Be bo be wiengu'm be akpo be fa nyan bé wun. Yɛ min liɛ'n bé wla fi min su mlɔnmlɔnmlɔn. Nga n wunnin i'n yɛ ɔ o lɛ-ɔ.› » Anannganman Nyanmiɛn'n yɛ ɔ kan sɔ-ɔ.