Ezai 16:6 - NYANMIƐN NDƐ'N 1998

⁶ E tili Moabfuɛ'm bé wun tulɛ ndɛ'n. E tili bé wun kpakpa yolɛ ndɛ'n, ɔ nin bé wun dandan yolɛ'n, nin be nuan dilɛ'n, ɔ nin be wun ngbli-ngbli yolɛ'n.

Ezai 16:6 ပူးပေါင်းရင်းမြစ်များ

Amɔs 2:1

Anannganman'n wan yoo: «Moabfuɛ'm bé sa tɛtɛ nga b'a yo'n sɔnnin. Be yrali Edɔm famiɛn'n i owie'n kɔlikɔlikɔli. Ɔ man e nin be y'a nyɛn i.

Zeremi 48:42

Moab nunnunnin. Kɛ b'ɔ buli i wun dan tra Anannganman'n ti yɛ man be kɛ-mɛn i wla-man nvle'm be nun kun nin-ɔn.

Zeremi 48:26

«Sɛ Moab ti sran'n, wuun n ´se kɛ ɔ yoli i wun dandan. Ɔ yoli Anannganman'n finfin. Be `mɛn i nzan man ɔ nɔn bo nan ɔ `fi nan ɔ `la kondo i fiɛ'n nun nan be `yo i finfin wie .

Zeremi 50:36

«Be ´fa alɛ tu be wunnzue yifuɛ mun, nan be `yo kɛ sran bɔ be si-man ngwlɛlɛ sa. Be ´fa alɛ `tu be alɛ kunfuɛ mun, nan bé sa sin `bubu be.

Ezai 44:25

Ato nzɔliɛ nga be kan be ndɛ'n min yɛ man be kpɛ be bo-ɔ. Min yɛ n yo man wunnzue yifuɛ'm be kan ndɛ finfin mun nin-ɔn. N ´yo man ngwlɛlɛfuɛ'm be ´cuɛn kɔ siɛn, yɛ bé sa nga be si i'n, ɔ ´kaci sinnzin like .

Ezai 28:18

Aenguɛ bɔ amun nin wie'n amun trali'n, ɔ ´saci, yɛ janvuɛ bɔ amun nin blɔlɔ'n amun trali'n, ɔ su yo-man ye kun. Blɛ bɔ sa kekle'n ɔ ´ba'n, ɔ ´tɔ amun su wie.

Ezai 28:15

Amun waan amun nin wie'n b'a tra aenguɛ, amun waan amun nin blɔlɔ'n b'a tra janvuɛ, ɔ man kɛ sa kekle'n ɔ ´ba'n, ɔ ´to fuan amun, afin amun waan amun ´fia ato'n i sin, yɛ amun fa gblɛ'n ´kata amún nyin.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

Nyanndra Mun 21:24

Sran nga b'ɔ bu-man sran fi sran'n, bɔ i nuan nun ndɛ'n ti tɛtɛ'n, i sɔ sran liɛ'n, be flɛ i kɛ sran finfin yofuɛ. Ɔ tu i wun sa kwlaa nun.

Ezai 25:11

Yɛ lika kunngba sɔ'n nun lɛ'n, be ´man be sa'n su kɛ nzue wɛfuɛ'n tinngɛ i sa'n nun wɛ nzue'n sa. Sanngɛ ɔ nin bé sa bɔ be man su'n i ngba'n, Anannganman kan be wun tulɛ'n i ase.

Ezai 15:1

Sa ng'ɔ tɔli Moabfuɛ'm be su'n yɛ. Kɔnguɛ afiɛn kunngba bɔ be sacili Ar-Moab'n, ɔ kali lɛ nunnunnin. Kɔnguɛ afiɛn kunngba bɔ be sacili Kir-Moab'n, ɔ kali lɛ mlinnin sa weiin.

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Zeremi 48:14

«?Ɔ ju sɛ yɛ man amun ko se kɛ yoo: ‹E ti safunyrɛn, e si alɛ kun nin-ɔn?›