Ezai 16:5 - NYANMIƐN NDƐ'N 1998

⁵ i blɛ sɔ nun'n, amun klun kpa'n ti, amun famiɛn diwlɛ'n ɔ ´taka kpa. Yɛ jɔlɛ difuɛ kun b'ɔ ti sran kpa'n, ɔ ´tran famiɛn bia'n su David i awlo'n nun. Jɔlɛ difuɛ sɔ'n, ɔ ´yo sa ng'ɔ ti i nuan su'n tititi, ɔ ´nian mmla'n su, ɔ ´fa cici i ti .»

Ezai 16:5 ပူးပေါင်းရင်းမြစ်များ

2 Samiɛl 23:3

Izraɛl Nyanmiɛn'n ijɔli. Nyanmiɛn b'ɔ ti kɛ Izraɛl i yɛbuɛ'n sa'n b'ɔ talo i'n, ɔ seli min kɛ: ‹Sran ng'ɔ sie sran mun'n, sɛ ɔ ti nanwlɛfuɛ'n yɛ sɛ i nyin yi min'n,

2 Samiɛl 5:9

David trannin fiawlɛ lika'n nun lɛ. Ɔ tɔnnin i dunman kɛ David Klɔ. Ɔ kplannin sua mun Milo b'ɔ ti fiawlɛ'n i klun lɔ. Ɔ kplannin wie kusu sin yiɛli i.

2 Samiɛl 7:16

Wɔ awlo'n nin ɔ sielɛ'n be ´taka a nin wɔ osufuɛ mun amun sa nun tititi, a ´tran famiɛn bia'n su yɛ ɔ sielɛ'n su kan-man ase le .› »

1 Famiɛn Mun 10:9

Anannganman ɔ Nyanmiɛn'n, bɔ ɔ́ wun yoli i fɛ b'ɔ kpali wɔ kɛ a yo Izraɛl famiɛn'n, n ´yo i mo. Anannganman i klolɛ ng'ɔ fa klo Izraɛlfuɛ mun'n, ɔ lɛ-man awieliɛ. I ti yɛ ɔ fali wɔ sieli famiɛn kɛ ɔ ´yo nan ɔ'a di sran'm be jɔlɛ kɛ ɔ fata sa'n ti.»

2 Be Nyoliɛ 31:20

Sa nga Ezekias yoli be Zida mɛn wunmuan'n nun'n, be yɛ be o lɛ-ɔ. Ɔ yoli sa kpa. Ɔ yoli sa bɔ be ti su, ɔ yoli nanwlɛ difuɛ, Anannganman wunnin i sɔ.

Jue Mun 85:10

Nanwlɛ, be nga be sro i'n, ɔ ka kaan-an, ɔ wa uka be, kɛ ɔ ´yo nan i anyrunnyan'n ɔ'a tran e mɛn'n su'n ti.

Jue Mun 89:14

A lɛ wunmiɛn, a kwla, a man ɔ sa fama'n su nglo .

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Jue Mun 98:9

be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.

Jue Mun 99:4

Man be manman famiɛn'n b'ɔ kwla'n, b'ɔ klo nanwlɛ dilɛ'n. Wɔ yɛ a sieli mmla ng'ɔ ti bɔ e nanti su nin-ɔn. Wɔ yɛ a sieli ndɛ siesielɛ'n i wafa'n nin sa nuan su yolɛ'n Izraɛl mɛn'n nun-ɔn.

Nyanndra Mun 20:28

Kɛ famiɛn kun ´cɛ i bia'n su'n, ɔ fin i klun-ufue'n ɔ nin i nanwlɛ b'ɔ di'n. Klun-ufue'n yɛ man ɔ cɛ bia'n su-ɔ.

Nyanndra Mun 29:14

Famiɛn kun nga b'ɔ di yalɛfuɛ'm be ndɛ klanman'n, i sielɛ'n taka kpa.

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 55:4

N fɛ i sieli kɛ ɔ `kan min ndɛ kle nvle-nvle'm be nunfuɛ mun nan ɔ `yo mɛnmɛn'm be nyrun dunfuɛ, yɛ ɔ `sie be.

Daniɛl 7:14

Be fali kwlalɛ'n be mɛnnin, be mɛnmɛnnin i, yɛ be fali famiɛn diwlɛ'n be wlɛli i sa nun. Nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa'n, be suli i. I kwlalɛ sɔ'n ɔ ´tran lɛ tititi, i blɛ'n su sin-man le, yɛ i sielɛ'n su nunnun-man le .»

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Amɔs 9:11

Anannganman'n waan: «David i famiɛn klɔ'n bɔ ɔ'a bubu'n, cɛn kun n ´siesie i ye. N ´tannin tannin i toklo mun, i lika nga be bu guali'n, m ´man be su n ´sie be osu, n ´kplɛn i uflɛ, kɛ laa'n sa.

Mise 4:7

N ´tian be nga be ja buli'n, be nuan kɛ ɔ ´yo nan nvle'n ɔ'a nunnun-man'n ti. Be nga be ɔli mmua'n be kusu, n ´fa be n ´yo nvle dan kpa. Kpɛkuun m bɔbɔ min Anannganman'n, kɛ ɔ fɛ i sɔ cɛn liɛ'n nun lele b'ɔ ´fa yo kɛ ɔ ´yo'n, min yɛ n ´yo be siefuɛ Siɔn oka'n su lɔ-ɔ.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .