Ezai 16:4 - NYANMIƐN NDƐ'N 1998

⁴ Amun `kplin su kɛ e sran nga mianlɛ ti be su kunndɛ lika be tran nun'n be `nyan kisawlɛ amún wun lɛ. Amun `sasa be sran ng'ɔ saci like'n i lika. Kɛ sran'm be mianlɛ bɔ be mian be'n ko wie'n, kɛ sran'm be bo ninnge fɛnlɛ'n ko wie'n, kɛ sran b'ɔ tin sran'm be su kplɔlɔlɔ'n ɔ ko tu mɛn'n nun'n,

Ezai 16:4 ပူးပေါင်းရင်းမြစ်များ

Ezai 14:4

amun `sro jue ng'ɔ o yɛ'n wɔ Babilɔni famiɛn'n. Amun `se kɛ: Ai! ?Sran ng'ɔ sie sran mun bɔ tin be su'n, i liɛ a wie? ?Mianlɛ bɔ be mian sran mun kplɔlɔlɔ'n, i blɛ'n ɔ'a sin?

Ezai 15:6

Afin Nimrim nzue ba'n ɔ'a wie nun, afin ijre'n ɔ'a wu kee. Ijre mɔnnɛn fi nun-man lɛ kun, nnya-nnya fi nun-man lɛ kun.

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Ezai 49:26

N ´yo man be nga be kle amun yalɛ'n, be ´di be bɔbɔ be wunnɛn'n, yɛ be ´nɔn be bɔbɔ be mmoja'n be ´bo kɛ be nɔn nzan lɔflɛ'n be bo'n sa. Yɛ sran'm be kwlaa be ´si kɛ min Anannganman min yɛ n de amun-ɔn, yɛ be ´si kɛ min bɔ n ti Zakɔb i Nyanmiɛn bɔ n kwla'n, min yɛ n kpɔ amún ti-ɔ.»

Ezai 51:13

Anannganman b'ɔ yili amun'n, b'ɔ tinngɛli nglo lɔ ng'ɔ la plaii'n nun kɛ bɛ sa'n, b'ɔ wlali asiɛ'n i bo ase'n, amún wla fi i su. Cɛn kwlaa amun usu, srɛ b'ɔ kun amun be nga be tin amun su'n be ya bɔ be fa'n ti, ɔ waan be su wa nunnun amun sa! ?Sanngɛ be ya sɔ'n bɔ be fa'n, ɔ yo nzu ye?

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezai 58:7

Sran ng'ɔ lɛ-man aliɛ'n, amun `mɛn i wie. Be nga be ti yalɛfuɛ bɔ be lɛ-man lawlɛ'n, amun `fa be sie. Sɛ amun wun sran wie bɔ i wun ti kplɛn'n, amun `mɛn i tannin man ɔ kla. Nán amun `kaci amún sin si amun wiengu klɔ sran'n .

Ezai 9:4

Be kpɔfuɛ'm be ngbabua nga be sili be ase gbugbu be fa ko kunnin alɛ'n nin tralɛ nga be kondoli mmoja nun'n, sin yɛ ɔ ´di be-ɔ, be ´yra kɔlikɔlikɔli.

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Zeremi 40:11

Zidafuɛ nga be tran Moab, nin Amɔnfuɛ mun, nin Edɔmfuɛ'm be mɛn'n nun'n, be kusu be tili i kɛ Babilɔni famiɛn'n yacili sran'm be wie Zida mɛn'n nun nan ɔ fali Safan i wa Asikam i wa liɛ Gɛdalia fa sieli be su.

Zeremi 48:18

Dibɔnfuɛ mun, Moab i nunnunfuɛ'n su ba amun su wie. Ɔ wa saci talɛ ng'ɔ sasa amun klɔ'n. Amun `jaso amun anyrunnyan dan'n nun amun tran asiɛ kee'n su.

Zeremi 48:8

Like sacifuɛ'n ´wlu amun klɔ'n kwlaa be nun. Klɔ kun sa su ka-man lɛ. Ɔ ´funndan kongo'm be nun. Ɔ ´saci lika kpɛtɛkplɛɛ'n.» Anannganman'n yɛ ɔ kannin-ɔn.

Abdias 1:14

?Ɔ fata kɛ be nga be ´wanndi'n, amun ko sa anngɔnda'm be su kun be? ?I sɔ nyrɛnnɛn blɛ liɛ'n be nga be fin nun fiteli'n, ɔ fata kɛ amun tra be fa man be kpɔfuɛ mun?

Zakari 10:5

Be wa yo safunyrɛn, be ´tiatia be kpɔfuɛ'm be su kɛ be tiatia klɔ nun akpɔ'n nun aunnyan'n su'n sa. Be ´kun alɛ'n kɛ ng'ɔ o lɛ'n sa, afin m bɔbɔ min Anannganman'n n jin bé sin.

Zakari 9:8

Alɛ kunfuɛ nga be sin'n, be ti n ´sasa min mɛn'n. Sran fi sa su yo-mɛn i nunfuɛ'm be tɛtɛ kun, afin mín nyin o be su siɛn'n.»

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Rɔmfuɛ Mun 16:20

Ɔ cɛ kaan Nyanmiɛn b'ɔ man sran di alaje'n, ɔ man amun ´tia Satan su yɛ amun ´nunkun i. Man e Min Jésus yo amun ye tititi!

Mmla'n 24:14

Nán amun nian kɛ amun junman difuɛ'n ti yalɛfuɛ b'ɔ lɛ-man nyrun'n ti amun bu i lufle. Sɛ ɔ ti Izraɛlfuɛ o, sɛ ɔ ti aofuɛ wie b'ɔ tran amun mɛn'n nun klɔ kun su o, nán amun bu i lufle.

Sa nglô yile 11:2

Sanngɛ yaci Nyanmiɛn i sua'n i awlo klun'n lɛ, nán sunnzun. Afin be fa mannin be nga be ti-man Zuif'n, be ´wlan-wlan Nyanmiɛn klɔ'n su anglo ablanan-nin-nnyɔn, be ´saci i .