Ezai 15:9 - NYANMIƐN NDƐ'N 1998

⁹ Dimɔn nzue ba'n ɔ ti mmoja ngunmin. N wa fa nyrɛnnɛn uflɛ n ´yi i Dimɔnfuɛ'm be su. Moabfuɛ nga be kali lɛ'n, asɔmɔli kun ɔ wa jaso bé wun, ɔ wa jaso be nga be kali Moab asiɛ'n su'n bé wun.

Ezai 15:9 ပူးပေါင်းရင်းမြစ်များ

2 Famiɛn Mun 17:25

Kɛ be wa trannin lɛ'n, klikli nun'n, bé nyin ɔ'a yi-man Anannganman. Yɛ Anannganman man asɔmɔli'm be bali, be wa kunnin be nun sran sunman.

Ezai 15:8

Afin be kpanlɛ i nganniɛn'n ɔ kɔ lele ju Moab mɛn'n i bue kwlakwla su. Be ngwlɛ bɔ be yi'n ɔ kɔ lele ju Eglaim. Be ngwlɛ bɔ be yi'n ɔ kɔ lele ju Beɛr-Elim.

Zeremi 15:3

Anannganman'n waan: «N wa fa nyrɛnnɛn wafa nnan n ´yi be su. Alɛ'n ´di be, alua'm be ´cuɛn be fuɛn'm be ase, anunman nin bo nun nnɛn tɛtɛ'm be ´di be, be ´nunnun be.

Zeremi 50:17

Izraɛl ti kɛ bua bɔ asɔmɔli'm b'a fuɛn i bɔ ɔ'a mlin'n sa. Sran ng'ɔ dun mmua dili i'n yɛlɛ Asiri famiɛn'n. Kpɛkuun Babilɔni famiɛn'n kusu ɔ wa boboli i owie'n.

Saun Yolɛ 26:18

Sɛ i sɔ sa liɛ nga n ´fa wla amun nun'n ɔ'a ju-man amun'n, fɔnlɛ nga amun fɔn'n, i su fɔ nga n ´fa tu amun ekun'n, i kekle'n ɔ ´tra laa liɛ'n i sɔ kpɛ nso.

Saun Yolɛ 26:24

min kusu e nin amun e wa si su ekun. Fɔ nga n ´fa tu amun'n, ɔ ´tra ng'ɔ o lɛ'n i sɔ kpɛ nso.

Saun Yolɛ 26:28

min kusu kɛ n ko fa ya'n, min nin amun e ´yia nun. Fɔ nga n ´tuli amun'n, n ´uka su, ɔ ´tra laa liɛ'n i sɔ kpɛ nso.

Amɔs 5:19

Amun ´yo kɛ sran wie bɔ i waan ɔ su wanndi asɔmɔli i nyrun kpɛkuun ɔ'a kɔ fu kangale su'n sa. Kɛ ɔ fɛ i lɛ ju i awlo lɔ, ɔ ´fɛ i sa fua talɛ wun-ɔn, wuo ɔ'a kɛ i.

Kalɛ 21:30

E toli e ta mma mun bé wun. Kɛ ɔ fɛ i Ɛsbɔn lele b'ɔ ´fa ju Dibɔn'n, ninnge'n kwlaa ɔ'a saci. E sacili i kwlaa lele fa juli Nɔfak, yɛ ɔ juli Medɛba lɔ.»