Ezai 15:5 - NYANMIƐN NDƐ'N 1998

⁵ N koko Moabfuɛ mun, be wanndi kɔ lele Zɔar, be wanndi kɔ lele Eglat-Sɛlisiza. Kɛ be ´fu Lisit oka'n, wuun be ´sun, afin sa kekle o be su. Kɛ be ´fa Kɔrɔnaim atin'n be ´kɔ'n, wuun be ´kpan kekle kpa.

Ezai 15:5 ပူးပေါင်းရင်းမြစ်များ

Bo Bolɛ 13:10

Lɔt mɛnnin i nyin'n su. Ɔ wunnin kɛ Zurdɛn lika kpɛkplɛkpɛ'n ɔ ti nzue bo lika. Kɛ ɔ ´yo sɔ'n, wuun Anannganman nian nunnun-man Sodɔm nin Gomɔr. Kɛ ɔ fɛ i lika sɔ'n nun lele b'ɔ fa ju Zɔar'n, lika'n ti klanman kɛ Anannganman i fie wie sa, i kunngba'n ɔ ti kɛ Ezipt lika'n sa.

Bo Bolɛ 14:2

be nin Sodɔm famiɛn Bera, nin Gomɔr famiɛn Birsa, nin Adma famiɛn Sineab, nin Zɛbɔim famiɛn Semɛebɛr, ɔ nin Bela famiɛn'n, be kunnin alɛ. Bela klɔ'n i dunman'n kun ekun yɛlɛ Zɔar.

Bo Bolɛ 19:22

Sanngɛ kɔ ndɛndɛ ko fia lɔ. Sɛ a nian ju-man lɔ'n, like nga n waan n ´yo'n n nian yo-man.» I ti yɛ be flɛli klɔ sɔ'n kɛ Zɔar nin-ɔn.

2 Samiɛl 15:23

Kɛ sran'm be ´sin be ´kɔ'n, be sunnin kekle kpa. Famiɛn'n kpɛli Sedrɔn nzue'n. Ɔ nin Izraɛlfuɛ'm be fali aawlɛ flɛnnɛn'n i atin'n.

2 Samiɛl 15:30

David ´fu Olivie Oka'n kɔ'n, wuun ɔ ´sun. Tannin kɛtɛ i ti, ɔ nanti i ja ngbɛn. Tannin kata be kwlaa nga be nin i fu kɔ'n bé ti. Be ´kɔ'n, wuun be ´sun.

Ezai 16:14

Siɛn'n Anannganman wan yoo: «Kannzɛ Moabfuɛ'm be sɔnnin bɔbɔ'n, ɔ'a ka afuɛ nsan sɛsɛsɛ be anyrunnyan'n ɔ ´wie. Be ´yo sran kaan nga be ´ka lɛ'n be finfin, be nyrun'n ɔ ´wie.»

Ezai 22:5

Afin ndɛkɛn Anannganman b'ɔ sie mɛn wunmuan'n, ɔ'a fa sannganlɛ nin nyrɛnnɛn, ɔ nin nyannzuɛn ɔ'a yi e su.» Kongo nga be wun aolia nun ninnge'm be lɔ'n, be su bubu talɛ'n i nun lɔ, yɛ sran'm be kpan lɔ, be kpanlɛ'n ɔ kɔ lele ju oka'n i wun lɔ.

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Zeremi 13:17

Sɛ amu'an tie-man ndɛ nga'n, sunlɛ yɛ n ´fia n sun-ɔn amún wun tulɛ dan bɔ an tu'n ti. Anannganman i bua'm be lomuɛn bɔ be ´tra be kɔ'n ti, mín nyinmuɛn'n wie to wie atin nun.

Zeremi 17:16

Kusu nán kɛ min yɛ n suli wɔ bo kɛ a fa nyrɛnnɛn'n yi ye su-ɔ. Nán kɛ n klo kɛ nyrɛnnɛn sa'n bla-a. Ndɛ ng'ɔ fin mín nuan fite'n yɛ ɔ wo lɛ-ɔ, ɔ bɔbɔ a si.

Zeremi 4:19

N klun o, n klun o! Be `nian kɛ min anwlɛn'n yra min fiaan kɛ ɔ su wa ti sa-a. Be `nian kpitalɛ bɔ n ´kpita-a. N wun-man mín wun fɛ mlɔnmlɔn. Kɛ n ti nnɛn wɛ bɔ be fita nun'n, kɛ n ti alɛ kpanlɛ bɔ be ´kpan'n, m muan mín nuan-an ɔ yo-man ye.

Zeremi 4:20

E ´ti-ɔ, be waan lika nga ɔ'a nunnun o, nga kusu ɔ'a nunnun o! Mɛn wunmuan'n ɔ'a wie saci. E nyin bɔ e ´bo i sa-a, e tannin sua'm b'a wie saci, yɛ e lawlɛ'm b'a saci.

Zeremi 48:3

Be bo awuyomo Kɔrɔnaim lɔ. Be se kɛ: ‹Cuekee! Sa wie yo-man sɔ.›

Zeremi 48:5

Awuyomo tɛ Lisit kpɔlɛ'n su lɔ. Be ´tro Kɔrɔnaim kongo'n, wuun be ´kpan: ‹Be de min o! Be de min o.›

Zeremi 50:46

Kɛ be boli ndolo kɛ: ‹Babilɔni ɔ'a tɔ oo!› Asiɛ'n lɛ kejelɛ. Be ti i nganniɛn'n nvle-nvle'm be nun.»

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Kalɛ 21:29

Ɔo, Moab yako! W'a mlin. Kɛmɔs i sufuɛ mun, amun lɛ-man manndran kun. Moab yacili i mma'm be lɛ be yoli Siɔn b'ɔ ti Amɔr famiɛn'n i bisuafuɛ mun.