Ezai 15:1 - NYANMIƐN NDƐ'N 1998

¹ Sa ng'ɔ tɔli Moabfuɛ'm be su'n yɛ. Kɔnguɛ afiɛn kunngba bɔ be sacili Ar-Moab'n, ɔ kali lɛ nunnunnin. Kɔnguɛ afiɛn kunngba bɔ be sacili Kir-Moab'n, ɔ kali lɛ mlinnin sa weiin.

Ezai 15:1 ပူးပေါင်းရင်းမြစ်များ

2 Famiɛn Mun 3:25

Be sacili klɔ mun. Be kwlakwla be fali yɛbuɛ fa guali fie kpakpa'm be kwlaa be su, ɔ man yɛbuɛ'n truli fie'm be nun sɔ trutrɛɛ. Be tanninnin nzue ti'm be ngba. Be kpɛli waka kpakpa nga be di be su mma'm be kwlaa bé bo. Klɔ kunngba nga i talɛ'm be kali lɛ'n yɛlɛ Kir-Erɛs, sanngɛ kpafloko tofuɛ'm be sin yiɛli i nan b'a bubu i. Klɔ sɔ'n, yɛbuɛ ngunmin yɛ ɔ kali su-ɔ.

Ezai 11:14

Bé bo ´yo kun, be ´tɔ Filistifuɛ mun bɔ be o wia atɔliɛ lɔ'n bé su. Yɛ be ´fɛn be nga be o wia afiliɛ lɔ'n bé bo ninnge mun. Bé sa ´kan Edɔmfuɛ mun nin Moabfuɛ mun. Yɛ Amɔnfuɛ'm be ´yo be kanga.

Ezai 13:1

Sa nga Anannganman waan ɔ ´fa wla Babilɔnifuɛ'm be nun'n, bɔ Amɔz i wa Ezai wunnin i, b'ɔ tili'n yɛ:

Ezai 14:28

Afuɛ nga bɔ famiɛn Akaz wuli nun'n, be kannin ndɛ ng'ɔ o yɛ'n:

Ezai 16:11

I sɔ'n ti, min anwlɛn'n ɔ keje min klun kɛ jru nyanman sa Moabfuɛ'm be ti. Min anwlɛn'n kpɛ min klun Kir-Erɛsfuɛ'm be ti.

Ezai 16:6

E tili Moabfuɛ'm bé wun tulɛ ndɛ'n. E tili bé wun kpakpa yolɛ ndɛ'n, ɔ nin bé wun dandan yolɛ'n, nin be nuan dilɛ'n, ɔ nin be wun ngbli-ngbli yolɛ'n.

Ezai 16:7

I sɔ'n ti Moabfuɛ be sun be bɔbɔ bé wun. Be kwlaa be yi ngwlɛ. Amun sun Kir-Arezɛt i sacilɛ'n b'ɔ sacili'n ti, ɔ yo amun ya lele tra su.

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Ezai 25:12

Moabfuɛ mun, amun klɔ'm bé wun talɛ'm bɔ be ti kekleke'n, bɔ be ti nglo-nglo'n, Anannganman ɔ wa bubu be guɛ i asiɛ wun ndutre nun.

Kalɛ 21:28

Afin sin kun fiteli Siɔn i klɔ'n su lɔ, sin taaman kun fiteli Siɔn i klɔ'n su lɔ. Ɔ yrali Ar-Moab. Ɔ yiali be nga be sie Arnɔn oka-oka lika'n.

Mmla'n 2:18

«Amun `kpɛ Moab awɛ'n siɛn'n, amun `sin Ar mɛn'n nun.

Mmla'n 2:19

Amun ´kpɛn Amɔnfuɛ'm be mɛn'n i nyrun ndɛnman su, sanngɛ nán amun klɔklɔ be, nán amun se kɛ amun nin be ´kun alɛ. N su fa-man be osu nunfuɛ'm be mɛn'n nun lika'n wie m man-man amun. Lika sɔ'n ɔ ti Lɔt i osu nunfuɛ'm be liɛ, n fa mannin be.»

Mmla'n 2:9

Yɛ Anannganman seli min kɛ: «Nán amun klɔklɔ Moabfuɛ mun. Nán amun se kɛ amun nin be ´kun alɛ. N su man-man amun lika fi be mɛn'n nun. Afin Ar mɛn'n ti Lɔt i osu nunfuɛ'm be liɛ, n fa mannin be.»