Ezai 14:4 - NYANMIƐN NDƐ'N 1998

⁴ amun `sro jue ng'ɔ o yɛ'n wɔ Babilɔni famiɛn'n. Amun `se kɛ: Ai! ?Sran ng'ɔ sie sran mun bɔ tin be su'n, i liɛ a wie? ?Mianlɛ bɔ be mian sran mun kplɔlɔlɔ'n, i blɛ'n ɔ'a sin?

Ezai 14:4 ပူးပေါင်းရင်းမြစ်များ

2 Be Nyoliɛ 36:18

Nyanmiɛn i sua'n nun ninnge'm be ngba, i dandan mun o, i kanngan mun o, ɔ nin lɔ ninnge kpakpa mun o, ɔ nin famiɛn'n i ninnge kpakpa mun o, ɔ nin famiɛn'n i awlo lɔ sran dandan'm bé ninnge kpakpa mun o, Nɛbikadnɛzar fɛli i ngba ɔli Babilɔni.

Ezai 13:1

Sa nga Anannganman waan ɔ ´fa wla Babilɔnifuɛ'm be nun'n, bɔ Amɔz i wa Ezai wunnin i, b'ɔ tili'n yɛ:

Ezai 13:19

Yɛ Babilɔni b'ɔ ti kɛ famiɛn diwlɛ'm be afle klanman sa'n, b'ɔ ti kɛ Kaldefuɛ'm bé wun fafalɛ like sa'n, bɔ be fa di bé nuan'n, ɔ wa yo kɛ Sodɔm nin Gomɔr bɔ Nyanmiɛn sacili be laa'n sa.

Ezai 14:17

?Sran b'ɔ yo man mɛn'n ɔ kaci kɛ aawlɛ flɛnnɛn sa'n, sran b'ɔ saci klɔ mun'n, sran b'ɔ kplin-man su kɛ ɔ ´yaci i bisuafuɛ'm be nun'n, sran sɔ'n yɛ ɔ o yɛ?»

Ezai 14:5

Klunwifuɛ mun bɔ be sie sran mun klunwi su'n, Anannganman ɔ'a bu be sielɛ'n i bue. Be nga be tin sran'm be su'n, Anannganman ɔ'a bubu be nyantiaan'm be nun.

Ezai 14:6

Sran b'ɔ fali ya'n, b'ɔ di sran'm be tɛtɛ'n, b'ɔ bo be tititi'n, sran sɔ'n b'ɔ fali ya'n, b'ɔ tinnin nvle-nvle'm be nunfuɛ'm be su kplɔlɔlɔ'n, be nin i be lɛ i, be yo-mɛn i blɛblɛ.

Ezai 16:4

Amun `kplin su kɛ e sran nga mianlɛ ti be su kunndɛ lika be tran nun'n be `nyan kisawlɛ amún wun lɛ. Amun `sasa be sran ng'ɔ saci like'n i lika. Kɛ sran'm be mianlɛ bɔ be mian be'n ko wie'n, kɛ sran'm be bo ninnge fɛnlɛ'n ko wie'n, kɛ sran b'ɔ tin sran'm be su kplɔlɔlɔ'n ɔ ko tu mɛn'n nun'n,

Ezai 21:2

Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Ezai 47:5

Kaldefuɛ'm bé wa bla, tran ase diin, yɛ fia aosin'n nun! Be su flɛ-man wɔ kɛ Famiɛn Diwlɛ'm Be Nun Dan'n kun.

Ezai 49:26

N ´yo man be nga be kle amun yalɛ'n, be ´di be bɔbɔ be wunnɛn'n, yɛ be ´nɔn be bɔbɔ be mmoja'n be ´bo kɛ be nɔn nzan lɔflɛ'n be bo'n sa. Yɛ sran'm be kwlaa be ´si kɛ min Anannganman min yɛ n de amun-ɔn, yɛ be ´si kɛ min bɔ n ti Zakɔb i Nyanmiɛn bɔ n kwla'n, min yɛ n kpɔ amún ti-ɔ.»

Ezai 51:13

Anannganman b'ɔ yili amun'n, b'ɔ tinngɛli nglo lɔ ng'ɔ la plaii'n nun kɛ bɛ sa'n, b'ɔ wlali asiɛ'n i bo ase'n, amún wla fi i su. Cɛn kwlaa amun usu, srɛ b'ɔ kun amun be nga be tin amun su'n be ya bɔ be fa'n ti, ɔ waan be su wa nunnun amun sa! ?Sanngɛ be ya sɔ'n bɔ be fa'n, ɔ yo nzu ye?

Ezai 51:23

Be nga be kle amun nyrɛnnɛn'n, bɔ be se amun kɛ: ‹Amun `la man e sin amún su,› n ´fa n ya sɔ'n gua be su. Amun fali amun wunnɛn'n mannin, yɛ sran'm be fa yoli kɛ klɔ'n nun atin'm bɔ be sin nun'n sa, be nantili su.»

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezai 9:4

Be kpɔfuɛ'm be ngbabua nga be sili be ase gbugbu be fa ko kunnin alɛ'n nin tralɛ nga be kondoli mmoja nun'n, sin yɛ ɔ ´di be-ɔ, be ´yra kɔlikɔlikɔli.

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 48:17

Nvle nga amun mɛntɛn i lɛ'n, amun bɔ amun si i'n, an `yo i yako, an `se kɛ: ‹Ee! ?Nan sɛ ti yɛ nvle sroesroe nga i liɛ wieli sɔ-ɔ? ?Ɔ yo sɛ ti yɛ like klanman nga i liɛ wieli sɔ-ɔ?›

Ngwlɛ Yilɛ 4:1

Ɔoo! ?Kɛ ɔ o yɛ'n, sika ɔkwlɛ'n ɔ'a kpa? ?Kɛ ɔ o yɛ'n, sika ɔkwlɛ jrɛiin'n ɔ'a saci? ?Kɛ ɔ o yɛ'n, Nyanmiɛn i sua i nun yɛbuɛ'm be tru klɔ'n nun anngɔnda'm be kwlaa be su? Cuekee!

Ezekiɛl 5:15

N ´fa ya dan kpa ɔ man n kle amun Zerizalɛmfuɛ'm amun nun, n ´kputu amun tɛtɛ kpa. Mɛnmɛn nga be sin yia Zerizalɛm'n be ´yo i wannzo, be ´kpɛ amun nzowa. Sanngɛ sa ng'ɔ juli Zerizalɛm klɔ'n su'n, be ´fa tu bé wun fɔ, kpɛkuun srɛ wa kun be kpa .› M bɔbɔ min Anannganman'n yɛ m'an kan kle amun-ɔn.

Daniɛl 2:38

Ɔ fali sran mun, nin nnɛn mun, ɔ nin anunman mun wlali ɔ́ sa nun. Lika kwlaa nga be o lɛ'n, wɔ yɛ a ti be min nin-ɔn. Like ng'ɔ ti kɛ waka sran sa'n, i ti'n b'ɔ ti sika ɔkwlɛ'n yɛlɛ wɔ .

Abakik 2:17

Sa kekleekle nga an yoli be Liban lɔ'n, ɔ wa kaci ´tɔ amun bɔbɔ su. Nnɛn nga an kunnin be abɔlɛ kunlɛ'n, i ti amun wawɛ ´wanndi amun wun. Sa ti bɔ sa sɔ'n ´tɔ amun su'n, yɛlɛ sran bɔ an kunnin be beblebe'n, ɔ nin sa kekleekle nga an yoli i mɛn'm be nun nin klɔ'm be su, ɔ nin sran'm be su'n.

Sa nglô yile 17:6

N wunnin bla sɔ'n, Nyanmiɛn i sran mun nin be nga be lafi Jésus su bɔ i ti be kunnin be'n, be mmoja'n ɔ'a bo bla sɔ'n kɛ nzan sa. Kɛ n wunnin i'n, ɔ boli mín nuan dan kpa.

Sa nglô yile 18:16

´se kɛ: ‹?Eee, nzu nyrɛnnɛn sa yɛlɛ nga? ?Nzu nyrɛnnɛn sa yɛlɛ nga bɔ ɔ'a tɔ klɔ dan nga su yɛ'n? Ɔ klali lɛn kplɔkɔɔ, ɔ klali ago, nin tannin ɔkwlɛ kankankan, nin tannin ɔkwlɛ youun, ɔ wlali sika ɔkwlɛ, nin yɛbuɛ kpakpa bɔ be ti nyannyan'n, ɔ nin afle kpakpa mun !

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »