Ezai 14:2 - NYANMIƐN NDƐ'N 19982 Aofuɛ'm be wa fa Izraɛlfuɛ mun ba Izraɛl asiɛ'n su. Izraɛlfuɛ'm be ´sɔ aofuɛ sɔ'm be nun kɛ be aja like sa Anannganman i asiɛ'n su. Be ´fa be ´yo kanga bla mun nin kanga yasua mun. Be nga bɔ be wlali Izraɛlfuɛ'm be bisua'n, be ´wla be bisua wie. Yɛ be wa sie be nga be tinnin be su laa'n. အခန်းကိုကြည့်ပါ။ |
I blɛ sɔ nun'n, nvle nga i nun sran'm be ti jajraajra'n, bɔ bé kplo'n ti mlanmlan'n, bɔ be yo sro kɛ ɔ fin i bo bolɛ nun lele b'ɔ ´fa ju ndɛ'n, bɔ be kwla be kpɔfuɛ mun nyrɛnnɛnnɛn'n, bɔ be di-man be mɛn'n nun nzue ba'm be yalɛ'n, sran sɔ'm be ´fa like be wa cɛ Anannganman. Be ´fa ba Siɔn oka'n su kan Anannganman kleli kɛ ɔ tran lɛ'n.
Izraɛlfuɛ mun, Anannganman wan yoo: «Eziptfuɛ'm be junman'n i su mmlusuɛ'n, yɛ Etiopifuɛ'm be ninnge nga be nyannin be'n be su mmlusuɛ'n, ɔ nin Sebafuɛ bɔ be ti sran jajraajra'n be kusu be ninnge'm be su mmlusuɛ'n, i kwlaa sɔ'n ɔ ´sin amun ja su, yɛ i kwlaa sɔ'n ɔ ´yo amun liɛ. Sran sɔ'm be ´su amun su, be ´ci be, be ´koto amún bo, yɛ ndɛ nga be ´kan kle amun'n, ɔ ´yo kɛ srɛlɛ bɔ be srɛ'n sa. Be ´se kɛ: ‹Amun kunngba cɛ amún wun lɔ yɛ Nyanmiɛn'n wo-ɔ. Uflɛ fi nun-mɛn i sin .› »
Afin Anannganman waan: «Sɛ aunjuɛ'n ti nzue ba'n, wuun n ´yo man ɔ ´sonji ba Zerizalɛm. Sɛ nvle-nvle'm be nyrun bɔ be lɛ i'n ti nzue ba bɔ ɔ'a yi a kpa su'n, wuun n ´yo man ɔ ´sonji kpuu ba lɛ wie. N wa nian amun lika kɛ bla ta'n fa nian i wa b'ɔ mɛn i nyɔnflɛn'n i lika'n sa, ɔ fɛ i i sa su, ɔ fɛ i sie i ja su, yɛ ɔ kɛn i nyrun ngowa.