Ezai 14:1 - NYANMIƐN NDƐ'N 1998

¹ Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 14:1 ပူးပေါင်းရင်းမြစ်များ

Ɛstɛr 8:17

Akpasua'n kwlaa nin klɔ kwlaa nga be tili famiɛn'n i ndɛ'n, Zuif nga be o be su'n, be klun jɔli. Be bo sroli, be fali aklunjuɛ sa sɔ'n yoli be cɛn be dili. Zuif'm bé wun srɛ ti, mɛn'n nun sran sunman be kacili Zuif.

Jue Mun 102:13

Sanngɛ Anannganman, ɔ liɛ'n a ti famiɛn tititi. Bé wla fi ɔ su-ɔ ɔ yo-man ye.

Jue Mun 102:14

A su tran-man diin sa. A ´si Siɔnfuɛ'm be aunnvuɛ, afin be aunnvuɛ silɛ blɛ'n ɔ'a ju lele be flɛ-mɛn i julɛ kun.

Jue Mun 143:12

Nunnun min kpɔfuɛ mun ɔ klun-ufue'n ti. Be nga be nin min kun'n, yo man be kwlaa be wu, afin ɔ sufuɛ yɛlɛ min.

Jue Mun 98:3

Izraɛlfuɛ'm be ye b'ɔ yo i cɛn kwlaa nin be nanwlɛ b'ɔ di i tititi'n, i wla a fi-man su le. Kɛ ɔ ´fɛ i asiɛ'n i bue kun su lele b'ɔ ´fa ju i bue kun su lɔ'n, sran'm be kwlaa be wunnin delɛ nga e Nyanmiɛn'n deli ye'n .

Ezai 19:18

I blɛ sɔ nun'n, Ezipt lɔ klɔ nnun'm be sufuɛ'm be ´kan ebre aniɛn'n, yɛ be ´ta nda kɛ be ti Anannganman b'ɔ sie mɛn wunmuan'n i liɛ. Be wa flɛ klɔ sɔ'm be nun kun kɛ Wia-Klɔ.

Ezai 21:1

Sa ng'ɔ wa ju jenvie'n i nuan aawlɛ flɛnnɛn'n i su'n. E kpɔfuɛ'm be fin aawlɛ flɛnnɛn'n nun mɛn ng'ɔ yo sro'n i nun lɔ be ba kɛ seke b'ɔ kpɛ b'ɔ sin mɛn'n i ngua lɔ kɔ'n sa.

Ezai 27:6

Sɛ Zakɔb ti waka'n, wuun n ´se kɛ cɛn wie lele i osu'n nunfuɛ'm be ´nyan olui, be ´fɛfɛ, yɛ be ´bo nyrɛ, yɛ be mma'n be ´tru mɛn'n nun .

Ezai 41:8

Sanngɛ Izraɛlfuɛ mun, amun bɔ amun ti min sran mun'n, amun, Zakɔb i osu'n nunfuɛ mun, amun bɔ amun fin min janvuɛ Abraam i osu nun'n ,

Ezai 41:9

amun bɔ n ko fali amun asiɛ'n i awieliɛ lɔ'n, amun bɔ n ko flɛli amun mmua-mmua lɔ m bali'n, amun bɔ n seli amun kɛ: «Amun ti min sran mun, n kpali amun, n su yi-man amun blo,»

Ezai 44:1

Sanngɛ siɛn'n, amun Zakɔb i osu nunfuɛ bɔ amun ti min sufuɛ'n, amun Izraɛlfuɛ amun yɛ n kpali amun-ɔn, amun `sie amun su.

Ezai 45:14

Izraɛlfuɛ mun, Anannganman wan yoo: «Eziptfuɛ'm be junman'n i su mmlusuɛ'n, yɛ Etiopifuɛ'm be ninnge nga be nyannin be'n be su mmlusuɛ'n, ɔ nin Sebafuɛ bɔ be ti sran jajraajra'n be kusu be ninnge'm be su mmlusuɛ'n, i kwlaa sɔ'n ɔ ´sin amun ja su, yɛ i kwlaa sɔ'n ɔ ´yo amun liɛ. Sran sɔ'm be ´su amun su, be ´ci be, be ´koto amún bo, yɛ ndɛ nga be ´kan kle amun'n, ɔ ´yo kɛ srɛlɛ bɔ be srɛ'n sa. Be ´se kɛ: ‹Amun kunngba cɛ amún wun lɔ yɛ Nyanmiɛn'n wo-ɔ. Uflɛ fi nun-mɛn i sin .› »

Ezai 47:1

Babilɔni, sɛ a ti bla'n, wuun n ´se kɛ: «Ɔ bɔ a ti talua bɔ a si-man bian'n, jra, tran ase ndutre'n nun. Kaldefuɛ'm bé wa bla, tran ase asiɛ wun, afin a ti-man famiɛn kun. Be su flɛ-man wɔ kɛ Babilɔni Klanman kun. Be su flɛ-man wɔ kɛ Babilɔni Klanman Lɛkɛlɛkɛ kun.

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Ezai 49:13

Nyanmiɛn su lɔ lika, bo ndɛ, asiɛ, bo sro, oka mun, amun `to jue. Afin min Anannganman n fɔnvɔ min nvle nunfuɛ mun, n si be nga be ti nyrɛnnɛnfuɛ'm be aunnvuɛ.»

Ezai 49:15

Anannganman tɛli su kɛ: «?Bla ta kun wla fi i wa'n su? ?Ɔ si-mɛn i bɔbɔ i klun ba'n i aunnvuɛ? Kannzɛ i wla fi i wa'n su bɔbɔ'n, sanngɛ min liɛ'n, mín wla su fi-man amun su le.

Ezai 49:25

Ɛɛn, sran nga safunyrɛn'n trɛli i'n, ɔ ´flo i sa nun, like nga be bɔ be sie sran mun kekle su'n be fali'n, be ´de bé sa nun. E nin amun kpɔfuɛ mun e ´kun, yɛ n ´de amun mma mun, Anannganman yɛ ɔ kan sɔ-ɔ.

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Ezai 54:3

Afin amun wa trɛ kɔ fama su nin bɛ su. Amun osu'n nunfuɛ'm be ´fa nvle-nvle mun, yɛ be ´tran klɔ nga be ´ka lɛ ngbɛn'n bé su.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Ezai 56:3

Nán aofuɛ b'ɔ fɛ i wun mantan Anannganman'n ɔ se kɛ: «Kannzɛ ɔ yo sɛ, Anannganman ɔ ´yi min i sran'm be nun!» Nán sran'n bɔ be sɛli i'n ɔ se kɛ: «N liɛ waka kee yɛlɛ min!»

Ezai 60:10

Mɛn uflɛ nun mma'm be yɛ be ´kplan ɔ́ wun talɛ'n i uflɛ-ɔ, yɛ be famiɛn'm be wa su wɔ, kɛ n fali ya dan'n ti, n tuli wɔ fɔ, sanngɛ kɛ bɔ n yo sran'm be ye'n ti, n si wɔ aunnvuɛ.

Ezai 60:14

Be nga be yoli wɔ tɛtɛ'n, be mma'm be ´ba ɔ nyrun, yɛ be ´kluklu bé ti'n, yɛ be kwlaa nga be yoli wɔ finfin'n, be ´koto ɔ́ bo, be ´flɛ wɔ kɛ Anannganman i Klɔ, be ´flɛ wɔ ekun kɛ Izraɛl Nyanmiɛn'n i Siɔn'n .

Ezai 66:20

Sran sɔ'm bɔ n ´sunman be'n, be ´fa amun niaan bɔ be o nvle-nvle'm be kwlaa be nun lɔ mun ´ba: be ´ba nnɛn kpanngɔ'm bé su, nin kakaklolo'm bé su, nin kakaklolo bɔ be kata bé su'm be su, nin milɛ'm bé su, ɔ nin nyɔnngɔnmɛn'm bé su. Be ´fa be ba lele ´ju min oka'n su Zerizalɛm wa. Ɔ ´yo kɛ be sraka liɛ yɛ be su yi be man min sa. N ´sɔ nun kɛ Izraɛlfuɛ'm be sraka ninnge'm bɔ be guɛ i like saun nun be fa blɛ min min sua'n nun lɔ'n sa.» Anannganman yɛ ɔ se sɔ-ɔ.

Zeremi 16:15

Be wa se kɛ: ‹N kan Nyanmiɛn b'ɔ fali Izraɛlfuɛ mun mɛn'n i nglo lɔ lika'n nin mɛnmɛn ng'ɔ man be bo sanndili nun'n be nun bali'n.› Afin n ´fa be n ´sa be sin lika nga n fa mannin be nannan mun'n i nun.»

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 30:8

Anannganman'n wan yoo: «Cɛn sɔ nun'n, waka nga be fa sieli be kɔmin su'n, m ´bu nun. Nyanman nga be fa cili be'n, n ´nyannji. Be su su-man nvle uflɛ kun.

Zeremi 31:4

Izraɛl, min adeba, n ´yo man a ´kpɛn ɔ osu laa'n nun. A wa fa ɔ klɛn klanman'n ekun. A ´wlu be nga be klun ɔ'a jɔ bɔ be si able'n be nun.

Zeremi 50:33

Anannganman b'ɔ sie mɛn wunmuan'n wan yoo: «Izraɛlfuɛ mun nin Zidafuɛ mun'n, kɛ be ko fɛ'n yɛ b'a fɛ-ɔ. Be bɔ be trali be lomuɛn be ɔli'n be lɛ be nun cinnjin be waan be yaci-man be nun.

Zeremi 51:51

«Ee! Kɛ e ko wun nyannzuɛn'n yɛ e wunnin i-ɔ. Kɛ aofuɛ'm be wluli Anannganman'n i sua nun'n, bɔ be ´kpɛ nzowa'n, é nyin'n guali ase kekleke!»

Ezekiɛl 16:60

Sanngɛ n liɛ fuɛ'n, n wla su fi-man aenguɛ nga e nin wɔ e trɛli i blɛ bɔ a tɛ yo bakan'n i su. Yɛ n ´kaci i aenguɛ uflɛ b'ɔ ´ka lɛ tititi .

Ezekiɛl 47:22

Amun `tu fɔtɔ be fa cɛcɛ, yɛ nán amún wla fi aofuɛ nga be tran amun afiɛn bɔ be wu ba mɛn'n nga nun'n mun. B'a yo ɔnvuɛ amun afiɛn. Amun `bu be akunndan. Man be nyan asiɛ'n wie Izraɛlfuɛ'm be akpasua'm be su.

Zakari 1:17

Kan gua su kɛ: ‹Anannganman b'ɔ sie mɛn wunmuan'n waan: Min klɔ'n su ninnge'm be wa yo ye. N ´fɔnvɔ Siɔn, n ´fɛ i n ´fa yo min liɛ ekun kɛ laa'n sa.› »

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

JÉSUS-CHRIST I DYASIN FE'N BO LUC KLELI'N 1:54

Ɔ jrɛn i sran Izraɛlfuɛ'm be sin. Yɛ ndɛ b'ɔ kan kleli e nannan mun'n, nin Abraam nin i osufuɛ mun kɛ ɔ ´si be aunnvuɛ titi'n, i wla o su .»

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .