Ezai 13:8 - NYANMIƐN NDƐ'N 1998

⁸ Srɛ'n ɔ'a kun be kpo. Be wunnɛn'n ɔ'a yo be sa zizrizi, bé kplo'n nun yo be ya, be kluklu kɛ bla bɔ ɔ'a koto awuliɛ'n sa. Be nian be wiengu siin, srɛ kun be, bé nyrun'n ɔ'a kpa fuaii.

Ezai 13:8 ပူးပေါင်းရင်းမြစ်များ

2 Famiɛn Mun 19:26

Klɔ sɔ'm be nun sran'm be yo like fi-ɔ, ɔ yo-man ye. Be wawɛ'n wanndi bé wun, nyannzuɛn'n kun be kpo. Be ti kɛ blo lɔ ijre, annzɛ nnya mɔnnɛn flɛkpɛ-flɛkpɛ wie sa. Be ti kɛ ijre ng'ɔ fu sua'n i ti'n su'n sa. Kɛ ɔ fite cɛ bɔ wia'n ´bo'n, kpɛkuun ɔ'a wu.

Jue Mun 48:7

E ´ijɔ wa-a, be su usu kɛ aklunya ɔ'a to wunnzɛfuɛ b'ɔ su wu ba'n su'n sa.

Ezai 26:17

Anannganman, kɛ bla wunnzɛfuɛ bɔ ɔ'a koto awuliɛ'n ɔ kpan'n, kɛ ɔ wun nyrɛnnɛn'n, i kunngba nin-ɔn, i nun bɔ e o ɔ́ wun mmua'n kɛ e ti sɔ-ɔ.

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 30:6

Amun `usa-usa be nian, sɛ yasua ɔ'a cinnjin ɔ'a wu ba le o. ?Yɛ wuun ɔ yo sɛ ti yɛ yasua'm be lɛ be wi'n nun kɛ wunnzɛfuɛ bɔ ba wulɛ ɔ'a to i sa nin-ɔn? ?Ɔ yo sɛ ti yɛ be nyrun'n wa yo sukusuku sɔ-ɔ?

Zeremi 4:31

N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Zeremi 46:5

«?Nguɛ sa-a? ?Nguɛ yɛ n sun i-ɔ? Be wawɛ yɛ ɔ'a wanndi bé wun yɛ. B'a kaci bé ja sin. Be alɛ kunfuɛ'm b'a gua flɛnnɛnnɛn! Be ´wanndi be ´kɔ siɛn nin-ɔn be nian-man bé sin kun. Lika'n kwlaa ɔ'a sanngan.» Anannganman yɛ ɔ kan sɔ-ɔ.

Zeremi 48:41

Be klɔ'm b'a tɔ. Be klɔ nga be si be wun'n b'a tɔ. Siɛn'n Moab safunyrɛn'm be wla ɔ'a bo yɛ srɛ kun be kɛ wunnzɛfuɛ wie b'ɔ o ba wulɛ su'n sa.

Zeremi 49:22

Like'n ɔ'a trɛtrɛ i ndɛwa'n nun kɛ anunman nyin sa ɔ su tu sin Bɔzra lika'n su. I le kun sɔ nun'n, Edɔm lɔ sonja'm be nun kpakpa'm be anwlɛn'n ɔ ´si kpukpukpu kɛ wunnzɛfuɛ wie bɔ i klun su yo i ya'n sa.»

Zeremi 49:24

Damasfuɛ mun be tra be anwlɛn-ɔn ɔ tra-man kun. B'a kaci bé ja sin be o wanndilɛ. Bé wun'n usu-man be ngowa. Be anwlɛn'n si kpukpukpu kɛ wunnzɛfuɛ bɔ i ku nun su yo i ya'n sa.

Zeremi 50:43

Kɛ Babilɔni famiɛn'n tili i sɔ ndɛ liɛ'n, i sa sin bubuli i. Srɛ'n ɔ'a kun i kpo. I klun'n kɛnndɛn i kɛ wunnzɛfuɛ wie bɔ i ba wulɛ ɔ'a ju sa.

Zeremi 51:30

Babilɔni alɛ kunfuɛ kpakpa'm b'a kun-man alɛ'n kun. B'a wluwlu be fiawlɛ'm be nun sɛsɛsɛ. Bé wun ɔ'a fɔ mlɔnmlɔn. B'a kaci kɛ bla sin sa siɛn'n. Be kpɔfuɛ'm b'a bubu be klɔ'n i wun anuan mun. B'a fa sin b'a yi bé sua'm be nun.

Ndɛ Nga Nyanmiɛn I Nuan Ijɔfuɛ Oze Kannin'n 13:13

Nyrɛnnɛn b'ɔ ti kɛ wunnzɛfuɛ bɔ ɔ'a koto awuliɛ'n i aklunya sa'n, ´tɔ i su'n. Ɔ ´yo kɛ wunnzɛfuɛ wie bɔ sɛ i ba wulɛ ju-ɔ, ba'n i sinnzin ti ɔ kle i yalɛ bɔ nán balɛ yɛ ɔ kɔ ba'n sa.

Zoɛl 2:6

Kɛ be ´ba'n, sran'm be usu sa tutututu, kpɛkuun be nyrun'n ɔ ka lɛ kacili srɛ bɔ kun be'n ti.

Naɔm 2:10

Be `fɛn jɛtɛ ufue'n nin sika ɔkwlɛ'n. Klɔ'n su aunnyan'n su wie-man le, afin ninnge kpakpa'm be yi klɔ'n piɛ!

Jean 16:21

Kɛ bla kun koto awuliɛ'n, wuun afɛ'n ɔ'a to i, sanngɛ kɛ ɔ ko wu ba'n, i wla fi i afɛ'n, i klun jɔ ba bɔ ɔ'a wu i'n ti.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.