Ezai 13:7 - NYANMIƐN NDƐ'N 1998

⁷ I sɔ'n ti sran'm bé sa'm be kwlaa b'a glɔ bé wun. Yɛ be kwlaa bé sa sin ɔ'a bubu be.

Ezai 13:7 ပူးပေါင်းရင်းမြစ်များ

Jue Mun 58:7

Nyanmiɛn, bubu be je'n bé nuan'n nun, min Min, be asɔmɔli je sɔ'n, bubu be.

Ezipt Lɔ Tulɛ'n 15:15

Srɛ'n kun Edɔm lɔ kpɛnngbɛn mun kpo. Srɛ b'ɔ kun Moab sran dandan mun'n ti'n, be usu sa tututu. Kanaanfuɛ'm be kwlaa bé wla'n boli bé wun mlɔnmlɔnmlɔn.

Ezai 19:1

Ezipt i wun ndɛ. Amun `nian, Anannganman o nyanmiɛn ble kun b'ɔ ba luu kpa'n su, ɔ su ba Ezipt. Ezipt amuɛn'm be usu i nyrun sa tututu, yɛ Eziptfuɛ'm be wla'n ɔ bo bé wun.

Ezai 37:27

Klɔ sɔ'm be nun sran'm be yo like fi-ɔ ɔ yo-man ye. Sran sɔ'm be wawɛ'n wanndi bé wun, nyannzuɛn'n kun be kpo. Be ti kɛ blo lɔ ijre, annzɛ nnya mɔnnɛn flɛkpɛ-flɛkpɛ wie sa. Be ti kɛ fie bɔ i su ninnge'm be nian fifi-man'n sa.

Ezai 51:20

Amun mma'm be lala klɔ'n nun anngɔnda'm be kwlaa su, be o lɛ, be keje-man bé wun. B'a yo kɛ wannzannin bɔ aya ɔ'a trɛ i'n sa. Anannganman i ya'n wo be su, ɔ kan ndɛ kekle kle be.

Zeremi 50:43

Kɛ Babilɔni famiɛn'n tili i sɔ ndɛ liɛ'n, i sa sin bubuli i. Srɛ'n ɔ'a kun i kpo. I klun'n kɛnndɛn i kɛ wunnzɛfuɛ wie bɔ i ba wulɛ ɔ'a ju sa.

Zeremi 51:30

Babilɔni alɛ kunfuɛ kpakpa'm b'a kun-man alɛ'n kun. B'a wluwlu be fiawlɛ'm be nun sɛsɛsɛ. Bé wun ɔ'a fɔ mlɔnmlɔn. B'a kaci kɛ bla sin sa siɛn'n. Be kpɔfuɛ'm b'a bubu be klɔ'n i wun anuan mun. B'a fa sin b'a yi bé sua'm be nun.

Ezekiɛl 21:12

Kɛ be ´usa wɔ kɛ: ‹?Ɔ yo sɛ ti yɛ a kplin-ɔn?› Tɛ be su kɛ: ‹Yɛlɛ kɛ ndɛ kun su ba, sran'm be kwlaa be anwlɛn'n ɔ wa kpɔtɔ be klun. Sran'm be kwlaa bé sa'm be ´glɔ be wun, sran'm be su nyan-man anwlɛn kun. Bé ja nannglunman'm be ´sisi be wiengu. Yɛ ɔ ba lɛ-ɔ, ɔ'a ba!› » Anannganman Nyanmiɛn'n yɛ ɔ kan sɔ-ɔ.

Ezekiɛl 21:7

«Klɔ sran, kpɛ ɔ́ nyin Zerizalɛm su lɔ, kan min ndɛ'n wɔ min sua mun. Kan sa ng'ɔ wa ju Izraɛl mɛn'n su'n i ndɛ.

Ezekiɛl 7:17

Bé sa'm be kwlaa be ´kpɔ. Bé ja nannglunman'm be ´sisi be wiengu.

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Naɔm 2:10

Be `fɛn jɛtɛ ufue'n nin sika ɔkwlɛ'n. Klɔ'n su aunnyan'n su wie-man le, afin ninnge kpakpa'm be yi klɔ'n piɛ!

Naɔm 2:11

Be de ninnge mun, be saci-saci be, be fɛn be! Sran'm bé sa sin ɔ'a bubu be, be jran bé ja'm be su-ɔ, ɔ jran-man kun, be usu sa kpɛkpɛkpɛ, kɛ a wun be nyrun'n a si kɛ srɛ kun be .

Zozie 2:11

Kɛ e tili i sɔ nganniɛn'n, ayrɛ guali e wun. E kwlaa e wawɛ'n wanndili e wun. Nanwlɛ Anannganman amun Nyanmiɛn yɛ ɔ ti nglo lɔ nin asiɛ'n su wa Famiɛn nin-ɔn .