Ezai 13:6 - NYANMIƐN NDƐ'N 1998

⁶ Amun `bo awuyomo, afin Anannganman i cɛn'n ɔ'a mantan koko. Ɔ ´ba kɛ Anannganman b'ɔ kwla like'n kwlaa yo'n i like b'ɔ saci like'n kwlaa'n sa .

Ezai 13:6 ပူးပေါင်းရင်းမြစ်များ

Zɔb I Nyrɛnnɛn Wunlɛ 31:23

Afin Nyanmiɛn ti famiɛn. N su kwla suɛn-mɛn i fɔ b'ɔ fa tu sran'n i bo .

Ezai 10:25

Afin ɔ cɛ kan-an, min ya nga n fɛli i amun wun'n, ɔ ´wie. Ɔ ´kaci tɔ be su, ɔ ´nunnun be mlɔnmlɔn.»

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 13:9

Amun `nian, Anannganman i cɛn'n ɔ su ba, i ya dan'n i cɛn'n su ba, i ya ble'n i cɛn'n su ba, cɛn sɔ'n ti-man blɛblɛ. Anannganman ´yo man asiɛ'n su ´tɔ koun, ɔ ´nunnun sa tɛ yofuɛ mun .

Ezai 14:23

«N wa yo man Babilɔni ɔ ´yo kɛ fɔkɔ sa, ɔ ´yo jukunin'm be lawlɛ. N ´nunnun i, be su wun-mɛn i osu'n kɛ b'a fa kuanwla b'a cuan-cuan lika sa.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezai 14:31

Anuan nga amun wo klɔ bɔ be si bé wun'n be nun'n, amun ´bo awuyomo, amun ´kpan kekle kpa. Filistifuɛ'm be kwlaa bé sa sin ɔ'a bubu be, afin sin wɛnsrɛn'n fin mɛn'n i nglo lɔ ba. Be kpɔfuɛ'm bé nuan ti yiawa, sran fi a ka-man siɛn.

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Ezai 23:1

Sa ng'ɔ ´ju Tir klɔ'n su'n. Sɛ Tarsis lɔ mmeli'm be ti sran'n, wuun n ´se be kɛ be `sun kpa, afin Tarsis klɔ'n ɔ'a saci: sua nun-man lɔ kun, be wlu klɔ'n nun-ɔn, ɔ yo-man ye kun. Kɛ be fin Kitim mɛn'n nun lɔ bali'n yɛ be tili ndɛ sɔ nin-ɔn.

Ezai 34:2

Anannganman'n i ya'n ɔ wa tɔ nvle-nvle'm be nunfuɛ'm be su. I ya dan'n ɔ wa tɔ be alɛ kunfuɛ akpasua'm be kwlaa be su. Anannganman wa kun be kwlaa, ɔ wa nunnun be ngba.

Ezai 34:8

Cɛn sɔ'n, ɔ ti Anannganman'n i klunngbɔ tulɛ cɛn. Afuɛ sɔ'n ɔ ti Siɔnfuɛ'm be ti ngondin tulɛ afuɛ.

Ezai 47:11

Nyrɛnnɛn sa kun wa tɔ wɔ su, a su si-mɛn i finwlɛ. Sa kekle kun wa tɔ ɔ su, a su kwla yi-mɛn i ɔ́ su. Yalɛ'n wa fu ɔ nun, ɔ ´di wɔ.

Ezai 52:5

?Yɛ siɛn'n, kɛ bɔ be trali min nvlefuɛ mun lomuɛn sa ngbɛn'n, nzu sa yɛ n wa yo-ɔ?» Anannganman yɛ ɔ usa sɔ-ɔ. «Yɛ be nga be kwlali min nvlefuɛ mun'n, be bo sro, ɔ lɛ-man cɛn bɔ be yo-man min dunman'n i finfin-ɔn .» Anannganman yɛ ɔ se sɔ-ɔ.

Ezai 61:2

I waan n wa kan afuɛ nga Anannganman ɔ ´yo sran'm be ye'n nin cɛn ng'ɔ ´tu i klunngbɔ i kpɔfuɛ'm be su'n, be ndɛ. I waan n wa fɔnvɔ be nga be o sɛ nun'n mun .

Ezai 63:4

Afin ɔ o min anwlɛn'n nun kɛ n ´tu min klunngbɔ cɛn kun. Blɛ'n ɔ'a ju kɛ n de min sran mun.

Ezai 65:14

Be klun ´jɔ lele tratra su, i ti be ´bo sro, sanngɛ amun liɛ'n, nyrɛnnɛn b'ɔ wa tɔ amun su'n ti amun ´kplin. Yɛ awlaboɛ b'ɔ ´kun amun kpo'n ti, amun ´fɛfɛ.

Zeremi 25:34

Izraɛl su kpɛn mun, an `sun, an `kpan. Min nvle'n i su nianfuɛ mun, an `la kondo. Amun kɔmin kpɛlɛ liɛ'n ɔ'a ju. Be wa kun amun kɛ be fa kun bua nene kpakpa mun'n sa.

Zeremi 49:3

«Ɛsbɔnfuɛ mun, amun `sun, b'a nunkun Ai klɔ'n. Rabat asa'n su klɔ mun, an `kpan kɛ: ‹Be `de ye o, be `de ye o! Amun `wla bajɛ tralɛ, amun `yi ngwlɛ sɛ b'ɔ o amun su'n ti.› Be su fa Milkɔm nin i nyrun tranfuɛ, ɔ nin i famiɛn i awlo lɔ sran dandan mun be ´kɔ kanga. An `wanndi wɔ wa, an `wanndi wɔ wa, amun `san talɛ'n.

Zeremi 51:8

Kpɛkuun Babilɔni yɛ ɔ'a a tɔ yɛ, yɛ klowa'n yɛ ɔ'a bo yɛ. Be `sun i! Be `kunndɛ ayre tɛ i kannin'n nun. Sɛ i kannin sɔ'n ɔ ´fafa mɛn i o !

Ezekiɛl 13:5

B'a ko tannin-man talɛ'n i nun toklo mun, b'a kplan-man talɛ nga be fa sisi klɔ'n wun bɔ Anannganman'n i ya blɛ'n nun kɛ alɛ'n ko tɔ'n, ɔ sasa sran mun'n.

Ezekiɛl 21:12

Kɛ be ´usa wɔ kɛ: ‹?Ɔ yo sɛ ti yɛ a kplin-ɔn?› Tɛ be su kɛ: ‹Yɛlɛ kɛ ndɛ kun su ba, sran'm be kwlaa be anwlɛn'n ɔ wa kpɔtɔ be klun. Sran'm be kwlaa bé sa'm be ´glɔ be wun, sran'm be su nyan-man anwlɛn kun. Bé ja nannglunman'm be ´sisi be wiengu. Yɛ ɔ ba lɛ-ɔ, ɔ'a ba!› » Anannganman Nyanmiɛn'n yɛ ɔ kan sɔ-ɔ.

Daniɛl 5:26

LIKE KALƐ'n i bo'n yɛlɛ kɛ: Nyanmiɛn ɔ'a ka ɔ sielɛ'n i blɛ'n yɛ ɔ'a sie i nuan.

Daniɛl 5:9

Kɛ ɔ yoli sɔ'n, srɛ kunnin famiɛn Bɛlsazar trali su, kpɛkuun i nyrun'n kacili. I sran dandan'm be kwlaa bé wla boli bé wun.

Zoɛl 1:11

Fie difuɛ'm bé wun ɔ'a fɔ, vinyi fie difuɛ'm be su fɛfɛ. Ble nin ɔrz bɔ b'a saci'n ti be su fɛfɛ. Like nga afuɛ nuan'n yiali bɔ be nyɛnnin i fie su lɔ'n, i sɔ like'n kwlaa sacili.

Zoɛl 1:13

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Zoɛl 1:15

Cuekee! Nguɛ cɛn liɛ yɛlɛ nga! Anannganman i ya cɛn'n yɛ ɔ'a mantan yɛ. Cɛn sɔ'n ´ba, Anannganman'n b'ɔ kwla like kwlaa yo i ninnge'm be sacilɛ b'ɔ guguli kɛ ɔ ´saci be'n yɛ be ´ba-a .

Zoɛl 1:5

Nzannunmunfuɛ mun, an `tinnge nan amun `sun! Nzan nɔnfuɛ mun, amun ngba an `koko, afin vinyi mma nzue'n ɔ'a wie. Amun su nyan-man nzan lɔflɛ be ko nɔn-mɛn i kun.

Zoɛl 2:1

An `bo awɛ Siɔn lɔ, an `bo ndolo min oka'n su lɔ. Mɛn nga nunfuɛ mun, an `usu, afin Anannganman'n i cɛn'n wo balɛ, ɔ'a mantan koko .

Zoɛl 2:11

Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Amɔs 5:18

Amun bɔ an wo Anannganman i cɛn'n i minndɛlɛ'n, amun yako lele! ?Amun klun lɔ'n, an bu i kɛ i sɔ cɛn'n nun'n muae yɛ amun wa nyɛn i Anannganman sa nun-ɔn? Ɔ siɛ i mlɔnmlɔn! Amún nyin yɛ ɔ ´si amun ble-ɔ.

Sofoni 1:14

Anannganman i cɛn dan'n ɔ'a mantan koko, ɔ ba ndɛndɛ kpa, ɔ'a mantan koko. Cɛn sɔ nun'n, alowa'n ´jaso woo, awuyomo'n ´tɛ. Safunyrɛn'n bɔbɔ ɔ ´kpan kɛ: «Be `de min o, be `de min o!»

Sofoni 1:7

An `muan amún nuan Anannganman Nyanmiɛn nyrun, Anannganman'n i ya cɛn'n ɔ'a mantan koko. Anannganman'n ɔ'a siesie tɛ yilɛ'n, be nga ɔ ko flɛ be'n, ɔ'a yo be saun .

Zakari 14:1

Zerizalɛmfuɛ mun, Anannganman i ya cɛn'n ɔ'a mantan koko. Sɛ cɛn sɔ'n ɔ ju'n, be ´cɛ amún wun ninnge kpakpa'm be nun amun nyrun lɛ be ´fa.

Jacques 5:1

Anyanbeunfuɛ mun, an `sie amún su! Nyrɛnnɛn b'ɔ wa tɔ amún su'n ti'n, an `bo awuyomo, yɛ an `sun!

Sa nglô yile 18:10

Kɛ be ´wun nyrɛnnɛn b'ɔ su wun i'n b'ɔ ´yo be sro'n ti'n, be ´jran mmua lɔ be ´se kɛ: ‹?Eee, nzu nyrɛnnɛn sa yɛlɛ nga? ?Nzu nyrɛnnɛn sa yɛlɛ nga? Babilɔni klɔ dan'n b'ɔ ti famiɛn klɔ'n, dɔ kunngba su i sufuɛ'm b'a nyan sa nga be yoli'n i nuan akatua!›