Ezai 13:5 - NYANMIƐN NDƐ'N 1998

⁵ Be fin mɛn kun nun mmua kpa, be fin asiɛ'n i tiwa lɔ yɛ be ba-a. Anannganman nin be ng'ɔ fa be yi i ya'n i nglo'n be ´fa nyrɛnnɛn be ´yi mɛn wunmuan'n su.

Ezai 13:5 ပူးပေါင်းရင်းမြစ်များ

2 Samiɛl 1:27

?Ɔ yo sɛ ti yɛ safunyrɛn'm be tɔli sɔ-ɔ? ?Ɔ yo sɛ ti yɛ be alɛ kunlɛ ninnge'm be mlinnin sɔ-ɔ?

Ezai 10:5

Asirifuɛ'm bɔ be ti kɛ min nyantiaan sa'n, be yako! Waka'n b'ɔ o bé sa nun'n, yɛ n ´fa di min ya'n i su junman-an.

Ezai 13:17

Anannganman waan: «Medifuɛ bɔ be ndɛ nun-man jɛtɛ ufue ndɛ nun'n, bɔ be bu-man sika ɔkwlɛ'n i like fi'n, n ´yo man be jaso sran sɔ'm bé wun.

Ezai 24:1

Amun `nian, Anannganman wa saci asiɛ'n, ɔ man asiɛ'n i sufuɛ'm be ´wie. Ɔ ´utu i nyin ase, yɛ ɔ ´sanngan be nga be o su'n be nun.

Ezai 26:20

Min nvle'n nunfuɛ mun, amun `ko wlu amún sua ba'm be nun, amun `nyin amun sin anuan. Amun `fia lele man Anannganman i ya'n ɔ jɔ ka nan amu'an fite.

Ezai 30:27

Amun `nian, Anannganman'n bɔbɔ fin mmua lɔ su ba. Ɔ'a fa ya dan kpa. Ndɛ ng'ɔ fin i nuan fite'n ti ya ndɛ, i nuan nun ndɛ'n ti kɛ sin sa.

Ezai 34:2

Anannganman'n i ya'n ɔ wa tɔ nvle-nvle'm be nunfuɛ'm be su. I ya dan'n ɔ wa tɔ be alɛ kunfuɛ akpasua'm be kwlaa be su. Anannganman wa kun be kwlaa, ɔ wa nunnun be ngba.

Ezai 48:14

Amun kwlakwla amun `yia, yɛ amun `tie! ?Amun nun'n, wan mun yɛ be dun mmua boli sa nga'm be su-ɔ? Sran sɔ'n, n klo i, ɔ wa yia sa nga min waan ɔ ´fa yo Babilɔnifuɛ mun'n i nuan, yɛ i sa wa ´ti Kaldefuɛ mun.

Ezai 5:26

Anannganman ɔ'a man nzɔliɛ kun su ɔ'a man nvle nga be o muamua lɔ'n. Ɔ bo feliman flɛ be nun kun kɛ be wo asiɛ'n i bue kun'n su lɔ'n. Yɛ amun `nian, ɔ su kɛn i wun ba ndɛndɛ kpa. Ɔ tu glaunglaun yɛ ɔ ba-a.

Ezai 66:14

N ´yo i sɔ sakpa, amun ´wun i, yɛ amun klun wa jɔ, yɛ amun wunnɛn'n nun wa yo amun kpa kɛ munngun nun ijre uflɛ'n sa.» Anannganman ɔ ´yi i kwlalɛ b'ɔ kwla'n i nglo ´kle i sufuɛ mun, yɛ ɔ ´yi i ya'n kusu i nglo ´kle i kpɔfuɛ mun.

Ezai 7:18

Blɛ sɔ nun'n, Anannganman ɔ ´bo feliman flɛ ngɔnsiɛn nga be o kan Nil nzue'n ɔ ko gua jenvie'n nun lɔ'n, ɔ nin awɛma nga be o Asiri mɛn nun'n.

Zeremi 50:25

Sɛ e kwla se'n, Anannganman'n ɔ'a tike i alɛ ninnge guawlɛ'n i anuan. Ɔ'a fa alɛ ninnge'n. Ɔ'a fa ya kpa sa kɛ safunyrɛn'n ɔ fɛ i alɛ ninnge'n ya su'n sa. Anannganman b'ɔ sie mɛn wunmuan'n, ɔ wa yo sa Babilɔni mɛn nun'n.

Zeremi 50:3

Nvle kun fin nglo lɔ lika liɛ'n nun su ba. Sɛ n ´kwla se'n, ɔ nin i be wa yia nun. Ɔ wa saci lika'n, ɔ ´kaci kɛ aawlɛ flɛnnɛn sa! Sran su tran-man su kun. I sran o, i nnɛn o, be ´bo sanndi.

Zeremi 50:9

Yɛlɛ kɛ m bɔbɔ min n wa yia nglo lɔ lika'n nun nvle-nvle dandan mun. Man be nin Babilɔni be wa kun. Be wa jrɛn i wun sɛsɛsɛ. Be ta'm be ´yo kɛ alɛ kunfuɛ kpakpa'm be liɛ'n sa. Sɛ be to be-ɔ be su to fuan-man.

Zeremi 51:11

Akunndan nga Anannganman'n ɔ'a fa'n yɛlɛ Babilɔni nunnunlɛ. I yɛ ɔ wlawla Medi famiɛn mun kɛ be nin i be `yia nun nin-ɔn. Ɔ ´kunndɛ kɛ ɔ `tu i klunngbɔ i sua'n dunman nun. An `kpita amun cua'm bé nuan. An `sua be klɔun an `gua be amun pata'm be nun.

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Ezekiɛl 22:31

Yɛ n fali min ya dan'n n guali be su-ɔ, min ya b'ɔ ti kɛ sin sa'n, n fa sacili be, n yoli man be suali be nzuɛn tɛ'n i su afɛ'n.» Anannganman Nyanmiɛn'n yɛ ɔ kan sɔ-ɔ.

Matthieu 24:31

Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»