Ezai 13:4 - NYANMIƐN NDƐ'N 1998

⁴ Amun `sie amún su be tie nganniɛn ng'ɔ tɛ oka'm be su lɔ'n, ɔ waan sran kpanngban kpa be nganniɛn-ɔn. Amun `tie famiɛn diwlɛ mun nin nvle-nvle'm be nun sran bɔ b'a yia'n be nganniɛn b'ɔ tɛ'n. Anannganman b'ɔ sie mɛn wunmuan'n, ɔ su nian-nian be nga be su wa kɔ alɛ'n i kunlɛ mun ´sin.

Ezai 13:4 ပူးပေါင်းရင်းမြစ်များ

Ezai 17:12

Ee! Be nian kɛ sran kpanngban kpa be su kplin-ɔn, be kplinlɛ'n ɔ tɛ kɛ jenvie'n yɛ ɔ su bo sa. Be nganniɛn'n ɔ tɛ kɛ nzue dan b'ɔ sonji kekle kpa b'ɔ klu wuu'n sa.

Ezai 48:14

Amun kwlakwla amun `yia, yɛ amun `tie! ?Amun nun'n, wan mun yɛ be dun mmua boli sa nga'm be su-ɔ? Sran sɔ'n, n klo i, ɔ wa yia sa nga min waan ɔ ´fa yo Babilɔnifuɛ mun'n i nuan, yɛ i sa wa ´ti Kaldefuɛ mun.

Ezai 5:26

Anannganman ɔ'a man nzɔliɛ kun su ɔ'a man nvle nga be o muamua lɔ'n. Ɔ bo feliman flɛ be nun kun kɛ be wo asiɛ'n i bue kun'n su lɔ'n. Yɛ amun `nian, ɔ su kɛn i wun ba ndɛndɛ kpa. Ɔ tu glaunglaun yɛ ɔ ba-a.

Ezai 5:30

I cɛn sɔ nun'n, nganniɛn dan kun ɔ ´tɛ sran sɔ'm be dunman nun wie, ɔ ´tɛ kɛ jenvie yɛ ɔ su bo sa. Kɛ be ´nian mɛn'n, aosin tuun yɛ be ´wun i-ɔ. Nyanmiɛn ble likiliki kpa kun ´kata wia'n i nyrun.

Zeremi 21:4

‹Anannganman b'ɔ ti Izraɛl Nyanmiɛn'n wan yoo: Amun sonja nga alɛ ninnge'n wo bé sa nun bɔ be jin klɔ'n wun talɛ'n sin be nin Babilɔnifuɛ'm be ´kun yɛ'n, n wa yo man siɛn'n klɔ'n nun wa yɛ be ´jran be kun-ɔn.

Zeremi 25:14

Babilɔnifuɛ'm be bɔbɔ be wa su nvle wie mun bɔ be lɛ wunmiɛn kpa'n, be ´su famiɛn dandan kpa mun. Sa nga be yoli'n, n ´nian su n ´yo be wie.› »

Zoɛl 2:25

Anannganman'n waan: «Amun ninnge nga be sacili'n, n ´sie be osu. Amun fie su ninnge nga ndro'm be dili, nga lalo'm be wa sacili be'n, nga klannan nin aɛcɛ mun be dili'n, i sɔ ninnge liɛ nga kakaa fa ɔklɔɔ nga n sunmannin be'n be wa sacili be'n, n ´sie be kwlaa be osu.

Sa nglô yile 18:8

I sɔ'n ti nyrɛnnɛn nga wa tɔ i su cɛn kunngba: wie'n, nin sɛ'n, nin awe'n, yɛ ɔ ´yra. Afin e Min Nyanmiɛn b'ɔ buli i fɔ'n, ɔ kwla like kwlaa yo .