Ezai 13:11 - NYANMIƐN NDƐ'N 1998

¹¹ Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 13:11 ပူးပေါင်းရင်းမြစ်များ

Zɔb I Nyrɛnnɛn Wunlɛ 40:12

Kɛ ɔ nyinma'n ɔ gua wun tufuɛ'm be su bɔ cɛ'n, kpɛkuun kan be ase. Ka lɛ nunkun sran nga be bu-man min Nyanmiɛn min like fi mun.

Nyanndra Mun 11:31

Sran kpa'n ɔ nyɛn i kpa yolɛ'n su nvasuɛ asiɛ'n su wa. Klunwifuɛ'n nin sran tɛfuɛ'n be kusu san be ´nyan be akatua liɛ .

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Ezai 14:21

Amun `bu ba'm be kunlɛ akunndan bé si bɔ be kunnin sran mun'n be ti. Amun `yo i sɔ, kɛ ɔ ´yo nan b'a man-man bé wun su kun, nan b'a fa-man asiɛ'n nan b'a kplan-man klɔ mun i lika kwlaa'n ti.

Ezai 14:5

Klunwifuɛ mun bɔ be sie sran mun klunwi su'n, Anannganman ɔ'a bu be sielɛ'n i bue. Be nga be tin sran'm be su'n, Anannganman ɔ'a bubu be nyantiaan'm be nun.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 22:14

Anannganman b'ɔ sie mɛn wunmuan'n ɔ kannin ndɛ kleli min. I waan: «Fɔnlɛ nga amun fɔnnin yɛ'n, n su yaci cɛ-man nan amu'an wu.» Sa nga Anannganman b'ɔ sie mɛn wunmuan'n ɔ kannin'n yɛ ɔ o lɛ-ɔ.

Ezai 23:9

Anannganman b'ɔ sie mɛn wunmuan'n i yɛ man sa sɔ'n ɔ juli-ɔ kɛ ɔ ´yo nan be kwlaa nga be tu bé wun'n, bé wun tulɛ'n ɔ'a wie'n ti, kɛ ɔ ´yo nan ɔ'a kan be nga sran'm be bu be sran asiɛ su'n be ase'n ti.

Ezai 24:21

I cɛn sɔ nun'n, Anannganman ɔ ´tu nglo lɔ ninnge'm be fɔ nyanmiɛn su lɔ. I cɛn sɔ nun'n, ɔ ´tu asiɛ'n su famiɛn'm be fɔ .

Ezai 25:3

I sɔ'n ti, nvle'n b'ɔ yo sro'n i nunfuɛ'm be manman wɔ. Klɔ bɔ i su sran'm be tin sran'm be su'n, lɛfuɛ'm be sro wɔ.

Ezai 25:5

Kɛ a jran wia'n b'ɔ bo asiɛ kee'n su fiaan'n, i kunngba nin-ɔn, a yoli man aofuɛ'm be kpankpanlɛ bɔ be kpankpan'n, ɔ kpɛli sa kpe. Kɛ nyanmiɛn ble'n ɔ kan wia'n b'ɔ bo fiaan'n i ase'n, i kunngba nin-ɔn, be nga be sie sran mun, bɔ be tin be su'n, kɛ a jrannin be jue'n bɔ be to'n i sɔ-ɔ.

Ezai 26:21

Afin Anannganman fin i tranwlɛ'n nun lɔ su ba kɛ ɔ wa tu be nga be wo asiɛ'n su'n be fɔ sa tɛ bɔ be yo'n ti. Mmoja ng'ɔ guali asiɛ'n su'n, be ´wun i, sran nga be wuli'n, like fi su kata-man be su kun.

Ezai 29:20

Be nga be sie sran mun bɔ be tin be su'n, be ´wie. Be nga be yo sran'm be finfin'n, be su wun-man be kun. Yɛ be nga sran'm be tɛtɛ yolɛ'n yɛ be kunndɛ'n, be su tran-man lɛ kun.

Ezai 29:5

Amun kpɔfuɛ'm be ´yo kpanngban kɛ ndutre sa, sran'm bɔ be kle amun yalɛ'n, be ´yo kɛ ijre'n b'ɔ jaso yengeiin blɛ bɔ aunngban'n ɔ fita'n sa. Amun nyin bɔ amun ´bo i bla-a, be yɛ be o yɛ.»

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Ezai 5:15

I sɔ'n ti, be wa kan sran'm be ase, yɛ be wa gua be nyin ase. Sran nga be ti wun tufuɛ'n, be ´kan be ase.

Ezai 65:7

Min Anannganman, min wan yoo: «Bé sa tɛtɛ'm bɔ be yo be'n nin be nannan'm be liɛ'n, m ´bubu be n ´sie nan n ´si be nuan, be nannan'm be yra ansans be mannin amuɛn mun oka'm be su, be sɔtɔ i sɔ yolɛ'n, ɔ'a cɛ. Be klɔklɔli min kpɔlɛ'm bé su. Bé sa tɛtɛ nga be yoli i laa'n, n ´tannin i nuan kalɛ'n m ´man be. Ɔ ´ti be kpa.»

Zeremi 48:29

Moab i wun tulɛ ng'ɔ tu, i wun ng'ɔ nyinmɛn-nyinmɛn i'n, i wun blɔlɛ ng'ɔ blɔ'n, i wun dandan nin i wun kpakpa ng'ɔ yo'n, e tili.

Daniɛl 4:34

I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Abakik 2:4

Klɛ i kɛ: Nian, wun tufuɛ'n, i klun akunndan'n ti-man kpa. Sanngɛ sran ng'ɔ lafi n su b'ɔ man ɔ kaci sran kpa'n, ɔ ´nyan nguan .