Ezai 13:1 - NYANMIƐN NDƐ'N 1998

¹ Sa nga Anannganman waan ɔ ´fa wla Babilɔnifuɛ'm be nun'n, bɔ Amɔz i wa Ezai wunnin i, b'ɔ tili'n yɛ:

Ezai 13:1 ပူးပေါင်းရင်းမြစ်များ

2 Famiɛn Mun 9:25

Yɛ Zei seli Bidkar b'ɔ ti i sonja kpɛn'n kɛ: «Fɛ i fuɛn'n to yi Nabɔt b'ɔ ti Zizreɛlfuɛ'n i fie nun lɔ. Nán man ɔ wla fi fualɛ nga Anannganman fua kleli i si Akab'n su. Kɛ ɔ ´fua kle i sɔ'n, wuun e nin wɔ e o nnɛn kpanngɔ su e su i su.

Ezai 1:1

Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 13:19

Yɛ Babilɔni b'ɔ ti kɛ famiɛn diwlɛ'm be afle klanman sa'n, b'ɔ ti kɛ Kaldefuɛ'm bé wun fafalɛ like sa'n, bɔ be fa di bé nuan'n, ɔ wa yo kɛ Sodɔm nin Gomɔr bɔ Nyanmiɛn sacili be laa'n sa.

Ezai 14:28

Afuɛ nga bɔ famiɛn Akaz wuli nun'n, be kannin ndɛ ng'ɔ o yɛ'n:

Ezai 15:1

Sa ng'ɔ tɔli Moabfuɛ'm be su'n yɛ. Kɔnguɛ afiɛn kunngba bɔ be sacili Ar-Moab'n, ɔ kali lɛ nunnunnin. Kɔnguɛ afiɛn kunngba bɔ be sacili Kir-Moab'n, ɔ kali lɛ mlinnin sa weiin.

Ezai 17:1

Damas i wun ndɛ. Damas su yo-man klɔ kun bɔbɔ, ɔ ´kaci klɔ nvuɛn.

Ezai 19:1

Ezipt i wun ndɛ. Amun `nian, Anannganman o nyanmiɛn ble kun b'ɔ ba luu kpa'n su, ɔ su ba Ezipt. Ezipt amuɛn'm be usu i nyrun sa tututu, yɛ Eziptfuɛ'm be wla'n ɔ bo bé wun.

Ezai 20:2

I blɛ sɔ'n nun yɛ Anannganman fali ndɛ wlɛli i Amɔz i wa Ezai i nuan kɛ ɔ kan nin-ɔn. Ɔ dun mmua seli i laa kɛ: «Ko yi bajɛ tralɛ b'ɔ ci wɔ afiɛn'n, yɛ yi ngbabua b'ɔ wo ɔ́ ja'n.» Ezai yoli i sɔ. Kɛ ɔ ´wlan-wlan sin'n, tralɛ nun-mɛn i wun, yɛ ngbabua nun-mɛn i ja.

Ezai 21:13

Arab mɛn'n i wun ndɛ. Dɛdanfuɛ mun, amun bɔ amun wlan-wlan sin'n, kɔnguɛ amun la Arabfuɛ'm bé bo'n nun.

Ezai 22:1

Sa b'ɔ ´ju Kongo nga be wun aolia nun ninnge'm be lɔ'n i su'n. ?Zerizalɛmfuɛ mun, nguɛ ti yɛ amun kwlakwla amun fu sua'm be su-ɔ,

Ezai 22:25

Anannganman b'ɔ sie mɛn wunmuan'n wan yoo: «I cɛn sɔ nun'n, kpɛngbɛ'n bɔ be boboli i talɛ kekleke wun'n, ɔ ´tu, yɛ ɔ ´tɔ. Yɛ ninnge'm bɔ be sende su bɔ be yo nɔnnin'n, be ´tɔ yɛ be ´bubu.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezai 43:14

Anannganman b'ɔ kpɔ amun ti'n, b'ɔ ti Izraɛl Nyanmiɛn'n waan: «Amun ti yɛ n sunmannin sran kun Babilɔni lɔ nin-ɔn. N ´yo man lɔfuɛ'm be kwlaa be ´wanndi be ko fia be mmeli'm bɔ be fa di be nuan laa'n be nun.

Zeremi 24:1

Kɛ Nɛbikadnɛzar b'ɔ ti Babilɔni famiɛn'n trali Zida famiɛn Zozakim i wa Zekɔnias nin Zida famiɛn'n i awlo lɔ sran dandan mun, ɔ nin sua su bofuɛ nin lakle yofuɛ mun be lomuɛn b'ɔ fali be ɔli Babilɔni'n, le kun Anannganman'n kleli min figie mma gbogbo nnyɔn. Be fa be jinjinnin Nyanmiɛn i sua'n nyrun lɛ.

Zeremi 28:8

Kɛ ɔ fin lalafuɛ nun'n, Nyanmiɛn nuan ijɔfuɛ nga be dunnin mmua wɔ nin min e nyrun'n, be kannin alɛ nin nyrɛnnɛn ɔ nin tukpacɛ b'ɔ sa ndɛndɛ ng'ɔ wa ju mɛn dandan nin famiɛn diwlɛ kpakpa'm be su'n.

Zeremi 50:1

Ndɛ nga Anannganman'n fa wlɛli i nuan ijɔfuɛ Zeremi nuan kɛ ɔ kan man Babilɔni nin i mɛn mun'n yɛ:

Zeremi 51:51

«Ee! Kɛ e ko wun nyannzuɛn'n yɛ e wunnin i-ɔ. Kɛ aofuɛ'm be wluli Anannganman'n i sua nun'n, bɔ be ´kpɛ nzowa'n, é nyin'n guali ase kekleke!»

Ezekiɛl 12:10

Se be kɛ: ‹Anannganman Nyanmiɛn'n wan yoo: Like nga ti sran ng'ɔ sie Zerizalɛm klɔ'n nin Izraɛlfuɛ'm be kwlaa be jɔ bolɛ like.

Daniɛl 5:28

LIKE NUN BUBULƐ'n i bo'n yɛlɛ kɛ: be bubuli ɔ famiɛn diwlɛ'n nun be mannin Medifuɛ mun nin Pɛrsfuɛ mun .»

Daniɛl 5:6

Kpɛkuun i wunnɛn kplo'n ɔ kali lɛ kacili, srɛ kunnin i dan kpa. I ngbaliɛ'n kwlaa nyanjili i wun, siɛn'n i ja nannglunman'm be sisi be wiengu sa kpɛkpɛkpɛkpɛ.

Naɔm 1:1

Niniv klɔ'n i wun ndɛ nga bɔ Anannganman fa wlali Naɔm b'ɔ fin Ɛlkɔs, i nuan kɛ ɔ kan'n yɛ. Aolia nun yɛ Nyanmiɛn kan ndɛ sɔ'n kleli i-ɔ.

Abakik 1:1

Sa nga Anannganman'n yili i nglo kleli Abakik b'ɔ ti i nuan ijɔfuɛ yɛ ɔ o yɛ:

Zakari 12:1

Ndɛ cinnjin'n yɛ, Anannganman b'ɔ boli nglo nin asiɛ'n, b'ɔ mannin sran nguan'n, i ndɛ ng'ɔ kan Izraɛl wun'n yɛ:

Zakari 9:1

Ndɛ cinnjin yɛ'n, Anannganman'n kan man Adrak lɔ lika'n i nunfuɛ mun. I sɔ ndɛ liɛ'n, ɔ kan man Damas klɔ lɔfuɛ mun kusu, afin nán Izraɛl akpasua'm be ngunmin yɛ be ti Anannganman'n liɛ-ɔ. Klɔ sran'm be kwlaa be ti i liɛ.

Malasi 1:1

Ndɛ nga Nyanmiɛn fa wlali Malasi nuan kɛ ɔ kan kle Izraɛlfuɛ mun yɛ.

Matthieu 1:11

Blɛ bɔ be fa Izraɛlfuɛ mun ɔli Babilɔni'n, i blɛ sɔ'n nun yɛ Zozias wuli Zekɔnias nin i niaan mun-ɔn.

Sa nglô yile 14:8

Anz kun ekun suli i su, ɔ se kɛ: «Babilɔni klɔ dan'n ɔ'a saci, ɔ'a saci! Ɔ man nvle-nvlefuɛ'm be kwlaa b'a nɔn i nzan'n. I nzan sɔ'n yɛlɛ i tekle bolɛ dan'n .»