Ezai 12:6 - NYANMIƐN NDƐ'N 1998

⁶ Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 12:6 ပူးပေါင်းရင်းမြစ်များ

Jue Mun 132:14

I waan: «Wa ti min wunmiɛn dewlɛ lika tititi. N ´tran wa, afin wa yɛ tranlɛ yo min fɛ-ɔ.

Jue Mun 135:21

Man be la Anannganman b'ɔ o Siɔn'n, b'ɔ tran Zerizalɛm'n i ase. An `manman Anannganman!

Jue Mun 46:5

Nzue ba kun wo lɛ bɔ kɛ ɔ ´sonji'n, ɔ man aklunjuɛ Nyanmiɛn i klɔ'n nun. Ɔ yo man aklunjuɛ o Nyanmiɛn b'ɔ like fi nun-mɛn i sin'n i tranwlɛ'm be nun lika kpa i nun.

Jue Mun 68:16

Be sɔ ninnge Bazan oka'n su. Oka sɔ'n i ti'm be sɔnnin.

Jue Mun 71:22

Min Nyanmiɛn, n kusu m ´bo sanngo m ´manman wɔ ɔ nanwlɛ'n ti. Izraɛl Nyanmiɛn, wɔ bɔ a ti-man kɛ klɔ sran sa'n, m ´bo jru'n m ´manman wɔ.

Jue Mun 89:18

Afin wɔ yɛ a man be fanngan dan nin-ɔn. Ɔ ukalɛ bɔ a uka ye'n yɛ man e kwla-a.

Jue Mun 9:11

Be nga be si wafa bɔ a ti'n, be fa bé wun wla ɔ sa nun. Afin Anannganman, be bɔ be fa bé wun man wɔ'n, a yi-man be ase .

Jue Mun 99:2

Anannganman yɛ ɔ ti dan Siɔn lɔ-ɔ. Ɔ o nvle'm be kwlakwla bé ti su.

Ezai 1:24

I sɔ'n ti, Izraɛlfuɛ mun, amun nun-man min sin, amun ti min kpɔfuɛ, n wa kle amun nun, n ´tu n klunngbɔ amun su, amun yako! Min bɔbɔ min Anannganman bɔ n sie mɛn wunmuan'n, bɔ n ti Izraɛl Nyanmiɛn'n bɔ be su min-ɔn ɔ su-man'n, min yɛ n kan sɔ-ɔ.

Ezai 10:24

I sɔ'n ti, ndɛ nga Anannganman b'ɔ sie mɛn wunmuan'n ɔ kan'n yɛ, i waan: «Min sran mun, amun bɔ amun wo Siɔn'n, nán amun sro Asirifuɛ mun bɔ be fa waka bo amun, bɔ be fa ngble fin amun kɛ Eziptfuɛ'm be yoli i laa'n sa'n.

Ezai 24:14

Be nga be kali lɛ'n, be to jue be manman Anannganman, i dan'n ti. Kɛ be fin mɛn nga be o wia atɔliɛ lɔ be nun be ´ba'n, be klun b'ɔ ti jɔwa'n ti'n, be bo sro.

Ezai 24:23

Sɛ anglo'n ti sran'n, wuun e ´se kɛ nyannzuɛn ´kun i. Sɛ wia'n kusu ti sran'n, wuun e ´se kɛ i nyin ɔ ´gua ase. Afin Anannganman bɔ sie mɛn wunmuan'n, ɔ ´sie Zerizalɛm b'ɔ o Siɔn oka'n su'n. Yɛ i nyrun'n ɔ ´yo nyɛnnyɛnnyɛn i anyia nunfuɛ'm be nyrun lɛ.

Ezai 30:19

Siɔnfuɛ mun, amun bɔ amun tran Zerizalɛm, amun su sun-man mlɔnmlɔn kun le. Sɛ amun kpan flɛ Anannganman'n, ɔ ´si amun aunnvuɛ. Sɛ ɔ ti amun ngan'n, ɔ ´ka lɛ tɛ amun su.

Ezai 33:21

Lɛ yɛ Anannganman wa kle e kɛ ɔ ti dan sakpa nin-ɔn. Nzue ba kanngan mun nin nzue ba dandan'm be ´tran lɛ. Mmeli bɔ be fa tɛbua be fa kan'n be su sin-man be su. Mmeli ngbli-ngbli'm be su sin-man lɛ.

Ezai 33:24

Zerizalɛmfuɛ'n wie fi su se-mɛn kɛ: «N kpinndin-man.» B'a yaci be bɔ be tran Zerizalɛm'n bé sa tɛ'n ɔ'a cɛ be.

Ezai 40:9

Siɔnfuɛ mun, amun ti jasin fɛ'n i bofuɛ, amun `fu oka fleiin kun su. Zerizalɛmfuɛ mun, amun ti jasin fɛ'n i bofuɛ, amun `man amun nɛn'n su kekle kpa. Amun `man amun nɛn'n su, nán srɛ kun amun. Amun `se Zida klɔ'm be sufuɛ'm be kɛ: «Amun Nyanmiɛn'n yɛ ɔ o yɛ !»

Ezai 41:14

Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Ezai 41:16

sɛ n ´kwla se'n, amun wa kpaja be nun kɛ awie sa, seke kun wa sanndi-sanndi be nun, yɛ aunngban'n ´fa be kɔ. Sanngɛ amun liɛ'n, amun klun wa jɔ Anannganman ti, amun wa fa Izraɛl Nyanmiɛn'n ´di amun nuan.

Ezai 49:26

N ´yo man be nga be kle amun yalɛ'n, be ´di be bɔbɔ be wunnɛn'n, yɛ be ´nɔn be bɔbɔ be mmoja'n be ´bo kɛ be nɔn nzan lɔflɛ'n be bo'n sa. Yɛ sran'm be kwlaa be ´si kɛ min Anannganman min yɛ n de amun-ɔn, yɛ be ´si kɛ min bɔ n ti Zakɔb i Nyanmiɛn bɔ n kwla'n, min yɛ n kpɔ amún ti-ɔ.»

Ezai 54:1

Zerizalɛmfuɛ mun, amun bɔ amun ti kɛ klun kpanfuɛ mun sa'n, amun bɔ amu'an nyan-man ba kun'n, amun `bo sro. Amun bɔ amu'an wu-man ba kun'n, man amun wun blibli amun, yɛ man amún wun nyrɛn amun! Afin Anannganman wan yoo: «Amun bɔ amun ti kɛ bla nga b'a yaci be'n sa'n, amun mma'm be wa sɔn tra bla nga be tɛ o bé wun'm bé bo'n !»

Ezai 60:16

A wa nɔn nvle'm be nun nɔnnɔn'n, famiɛn'm be wa ta wɔ. I liɛ'n, a wa wun i wlɛ weiin kɛ n ti Anannganman, nan min yɛ n de wɔ-ɔ, yɛ min yɛ n kpɔ ɔ́ ti-ɔ, yɛ kusu n ti Zakɔb i Nyanmiɛn, n kwla.

Ezai 8:18

Min nin ba nga Anannganman fa be mannin min'n, e ti nzɔliɛ Izraɛl mɛn'n nun, E bo sa'm be su e kle Izraɛlfuɛ mun. Anannganman b'ɔ sie mɛn wunmuan'n, b'ɔ tran Siɔn oka'n su'n i dunman nun.

Zeremi 10:6

Anannganman, like fi nin wɔ sɛ-man. A ti dan kɛ a kwla bɔ ɔ dunman'n fa fu ju'n sa.

Ezekiɛl 35:10

Kɛ bɔ a seli kɛ: «Izraɛl mɛn'n nin Zida mɛn'n be ´yo min liɛ'n yɛ e ´fa kaci e liɛ'n,» sanngɛ wuun Anannganman o lɛ'n,

Ezekiɛl 39:7

N ´yo man min sran'm be ´si kɛ min nzuɛn'n nin klɔ sran liɛ'n ti-man kun, yɛ n su kplin-man su kun kɛ be saci min dunman fɛ'n. Yɛ nvle-nvlefuɛ'm be kusu be wa si jrɛiin kɛ n ti Anannganman Izraɛl Nyanmiɛn bɔ min nzuɛn nin klɔ sran liɛ'n ti-man kun.

Ezekiɛl 43:7

Anannganman seli min kɛ: «Klɔ sran, wa yɛ n wa jin min famiɛn bia nin-ɔn, lika nga nun yɛ n ja'n ɔ wa tia-a. N ´tran nun lɛ adudua Izraɛlfuɛ'm be afiɛn. Izraɛlfuɛ mun nin be famiɛn'm be su saci-man min dunman fɛ'n ɔ nin be amuɛn tatrata sɔlɛ'n, nin be famiɛn'm be fuɛn nga be tru be amuɛn bo'm be nun'n kun.

Ezekiɛl 48:35

Talɛ ng'ɔ sin yia klɔ'n i kwlaa i tɛnndɛn nun'n ɔ ´yo mɛtri akpi ngwlan (9.000). Kɛ ɔ fin lɛ'n, be wa flɛ klɔ'n kɛ: Anannganman'n Wo Lɛ .

Ezekiɛl 48:8

«Zida lika liɛ i nuan'n su lɛ'n, kɛ ɔ fɛ i wia afiliɛ b'ɔ fa ju wia atɔliɛ'n, man be yaci lika kun lɛ bɔ i tɛnndɛn nun'n nin akpasua onga'm be lika liɛ be tɛnndɛn nun ɔ `sɛ, yɛ man i tɛtrɛ nun'n ɔ `yo kilo blu-nin-nnyɔn nin sin. Be `kplan Nyanmiɛn i sua'n lika sɔ'n i afiɛn sɛsɛ.

Ndɛ Nga Nyanmiɛn I Nuan Ijɔfuɛ Oze Kannin'n 11:9

Min ya dan nga n fali'n, n su yo-mɛn i su sa, n su saci-man Efraim kun, afin nán klɔ sran yɛlɛ min, Nyanmiɛn yɛlɛ min, n ti min liɛ ngunmin. N ti Nyanmiɛn yɛ n wo amun afiɛn lɛ-ɔ. I sɔ'n ti'n, n su ba-man amún wun ya su.»

Zoɛl 2:27

Ɔ man amun wa wun i wlɛ jrɛin kɛ e nin amun Izraɛlfuɛ mun e o nun, nan Anannganman amun Nyanmiɛn'n yɛlɛ min, nan like wie fi nun-man mín sin kun. Kɛ ɔ fin ndɛ'n, min sran'm be nyin su gua-man ase kun.»

Sofoni 2:5

Amun bɔ an fin Keret, bɔ an tran jenvie'n nuan'n, amun yako! Afin amún wun ndɛ nga Anannganman'n ɔ'a kan'n, ɔ ti-man blɛblɛ. I waan: «Kanaan bɔ a ti Filistifuɛ'm be mɛn'n, n ´nunnun wɔ, n ´nunkun ɔ́ su sran'n kwlaa.

Zakari 2:5

Kɛ n ´to mín nyin-ɔn m'an wun like kun ekun. N ´nian-an, sran kun yɛ ɔ o yɛ, i sa nun lika sunnzunlɛ nyanman.

Zakari 2:9

M bɔbɔ n ´fa sin m bo sin yia amun n ´si amun wun kɛ awa sa. N kunngba'n, n ´yi min anyrunnyan'n i nglo lɔ.› » Anannganman'n yɛ ɔ kan sɔ-ɔ.

Kalɛ 23:21

Anannganman wun-man sa tɛ fi Zakɔb wun. Ɔ wun-man sa nga Izraɛlfuɛ'm be yo b'ɔ ti-mɛn i su-ɔ. Ɔ ti be Nyanmiɛn, ɔ nin be yɛ ɔ tran-an yɛ be mɛnmɛn i kɛ be fa manman famiɛn sa.

Mmla'n 23:15

Man amun ngblaliɛ'n yo saun, afin Anannganman amun Nyanmiɛn'n nin amun yɛ ɔ o lɛ-ɔ. I yɛ ɔ sasa amun-ɔn, i yɛ ɔ yo man amun nyan kwlalɛ amun kpɔfuɛ'm bé su-ɔ. Sɛ ɔ wun like ng'ɔ yo-man nyɛnmɛn'n, ɔ ´jaso amún sin.