Ezai 12:5 - NYANMIƐN NDƐ'N 1998

⁵ Amun `to jue manman Anannganman, afin ɔ yoli sa nglanman-nglanman mun. Man be yi be nglo nan asiɛ'n sufuɛ'm be kwlaa be wun be.»

Ezai 12:5 ပူးပေါင်းရင်းမြစ်များ

Jue Mun 105:2

An `to jue be mɛn i. An `to jue be bo flɛ i! I sa nyɛnmɛn-nyɛnmɛn ng'ɔ yo be'n, an `bu be kwlaa be akunndan.

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Jue Mun 98:1

An `to jue uflɛ-uflɛ kun manman Anannganman, afin ɔ yoli abonuan sa mun. Ɔ de sran kwlalɛ b'ɔ kwla'n nin i nzuɛn'n b'ɔ nin klɔ sran liɛ'n ti-man kun'n ti.

Ezipt Lɔ Tulɛ'n 15:1

Moiz nin Izraɛlfuɛ'm be toli jue ng'ɔ o yɛ'n be manmannin Anannganman: «N ´to jue m ´manman Anannganman, afin kwlalɛ nga ɔ'a kwla yɛ'n, ɔ lɛ-man wunsu. Ɔ toli nnɛn kpanngɔ'm be nin bé su fufuɛ mun yili jenvie'n nun lɔ.

Ezipt Lɔ Tulɛ'n 15:21

Mari sɔ jue'n su kɛ: «Amun `to jue be `manman Anannganman, afin kwlalɛ ng'ɔ kwlali yɛ'n, kwlalɛ sɔ'n ɔ yoli dan sakpa. Ɔ toli nnɛn kpanngɔ nin bé su fufuɛ mun yili jenvie'n nun lɔ!»

Ezai 24:14

Be nga be kali lɛ'n, be to jue be manman Anannganman, i dan'n ti. Kɛ be fin mɛn nga be o wia atɔliɛ lɔ be nun be ´ba'n, be klun b'ɔ ti jɔwa'n ti'n, be bo sro.

Ezai 40:9

Siɔnfuɛ mun, amun ti jasin fɛ'n i bofuɛ, amun `fu oka fleiin kun su. Zerizalɛmfuɛ mun, amun ti jasin fɛ'n i bofuɛ, amun `man amun nɛn'n su kekle kpa. Amun `man amun nɛn'n su, nán srɛ kun amun. Amun `se Zida klɔ'm be sufuɛ'm be kɛ: «Amun Nyanmiɛn'n yɛ ɔ o yɛ !»

Ezai 42:10

Amun `to jue uflɛ uflɛ kun fa manman Anannganman. Kɛ ɔ fɛ i asiɛ'n awieliɛ lɔ lele ba'n, amun nga bɔ amun wlan-wlan jenvie'n nyin su'n, amun nga bɔ amun klɔ'm be o jenvie'n su'n, amun nga bɔ amun tran jenvie nuan mmua mmua lɔ'n, amun `manman Anannganman.

Ezai 42:11

Aawlɛ flɛnnɛn'n nun lɔfuɛ mun, yɛ Kedarfuɛ'm bɔ be tran tannin sua'm be nun'n, man be to jue! Man Selafuɛ'm be bo ndɛ! Man be `bo sro oka'm bé ti su lɔ.

Ezai 44:23

Nglo lɔ lika mun, amun `bo ndɛ! Afin min Anannganman m'an di junman. Asiɛ'n bo lɔ lika mun, amun `bo sro. Oka mun, amun `bo ndɛ. Bo mun, amun nin amun nun waka mun, amun kusu, amun `bo ndɛ. Afin min Anannganman m'an kpɔ Zakɔb osu'n nunfuɛ'm be ti, yɛ m'an yi Zakɔb i nyrun b'ɔ lɛ i'n i nglo Izraɛl mɛn'n nun.»

Abakik 2:14

Sran'm be kwlaa be ´wun kɛ Anannganman lɛ nyrun. Afin i anyrunnyan sɔ'n, ɔ wa yi mɛn wunmuan'n kɛ jenvie'n fa yi'n b'ɔ ɔ kɛtɛ i bo lɔ'n su sa .

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !