Ezai 12:4 - NYANMIƐN NDƐ'N 1998

⁴ Yɛ cɛn sɔ nun'n, amun ´se kɛ: «Amun `manman Anannganman, amun `kpan flɛ i, i sa dandan ng'ɔ yo be'n, amun `kan be nvle-nvle'm be nun. Amun `kpɛn sran'm bé wla kɛ i dunman'n ti fuwa.

Ezai 12:4 ပူးပေါင်းရင်းမြစ်များ

1 Be Nyoliɛ 16:8

I waan: Amun `manman Anannganman'n, amun `bo flɛ i! Amun `kan sa dandan ng'ɔ yo be'n kle nvle-nvle'm be nunfuɛ mun.

1 Be Nyoliɛ 29:11

Anannganman, a ti dan , a kwla, a yo nyɛnmɛn, a o lɛ tititi, ɔ nyrun'n ti nyannyannyan. Nglo lɔ nin asiɛ'n su wa ninnge'n kwlaa be ti ɔ liɛ. Anannganman wɔ yɛ a ti famiɛn nin-ɔn. A o ninnge'n kwlaa ti su.

Neemi 9:5

Yɛ Zozie, Kadmiɛl, Bani Asabnia, Serebia, Ɔdiza, Sɛbania, ɔ nin Pɛtakza bɔ be ti Levifuɛ'n, be seli kɛ: «Amun `jaso be la Anannganman amun Nyanmiɛn'n i ase titi, nán amun yaci i le.» «Man be manman ɔ dunman b'ɔ yo nyɛnmɛn'n. Ɔ dunman'n ti dan tra su, be kwla mɛnmɛn-mɛn i nin bé nuan'n.

Jue Mun 105:1

An `manman Anannganman. An `kpan flɛ i! Sa dandan ng'ɔ yo be'n, an `bo be jɔ sin nvle'm be nun!

Jue Mun 107:22

Man be yi asenna tɛ'm be fa mɛn i. Yɛ man be bo sro be kan sa ng'ɔ yoli be mun.

Jue Mun 113:5

?Anannganman e Nyanmiɛn'n bɔ nglo mmua lɔ yɛ ɔ ti i tranwlɛ'n, wan cɛ yɛ ɔ nin i sɛ-ɔ?

Jue Mun 148:13

amun `bo flɛ Anannganman, afin i kunngba yɛ i dunman'n ɔ ti fuwa-a. Ɔ sie asiɛ'n nin nyanmiɛn'n b'ɔ la nglo lɔ plaii'n.

Jue Mun 18:46

Aofuɛ'm be wun-man like nga be `fa be wla'n gua su kun-ɔn. Kɛ be ´fin bé fiawlɛ'm be nun be fite'n, kɛ bé wun usu-usu be sa.

Jue Mun 21:13

Afin a ´yo man be ´wanndi, kpɛkuun a ´to bé wun ta.

Jue Mun 22:31

Be osu'n nunfuɛ'm be kwlaa be wa su i. Ba nga be wa wu be'n, be ´kɛn i ndɛ'n kle be.

Jue Mun 34:3

Anannganman yɛ n fa di min nuan-an. Awlaboɛfuɛ mun, amun `tie nan amun klun jɔ!

Jue Mun 40:5

Sran ng'ɔ fɛ i wla'n gua Anannganman su'n, b'ɔ fɛ-mɛn i wun mantan-man wun tufuɛ mun nin ato buafuɛ mun'n, i sɔ sran'n i liɛ su ti ye!

Jue Mun 46:10

Kɛ ɔ fɛ i lele b'ɔ ´fa ju mɛn'n i awieliɛ lɔ'n, ɔ'a yo man alɛ kunlɛ'n ɔ'a wie, ɔ'a bubu ta'm be nun, ɔ'a bubu cua'm be nun, ɔ'a wɔ nyrɛn'm be nun.

Jue Mun 57:5

Be bɔ n wo be afiɛn'n be ti kɛ asɔmɔli bɔ be di sran'n sa. Be je'n ti kɛ cua nin ta mma sa. Be nuan'n ti kɛ kue nnana sa.

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Jue Mun 73:28

Sanngɛ Nyanmiɛn i tranlɛ bɔ e nin wɔ tran'n ɔ ti min anyanbeun like. Min min Anannganman, n ´fa mín wla'n n gua ɔ su. N ´kan sa kpakpa nga a yoli be'n mun n ´kle sran'm be kwlaa.

Jue Mun 9:11

Be nga be si wafa bɔ a ti'n, be fa bé wun wla ɔ sa nun. Afin Anannganman, be bɔ be fa bé wun man wɔ'n, a yi-man be ase .

Jue Mun 96:3

Amun `kɛn i nyrun b'ɔ lɛ i'n i ndɛ sin nvle-nvle'm be kwlaa nun. Amun `kɛn i abonuan sa mun kle sran'm be kwlaa.

Jue Mun 97:9

Afin wɔ Anannganman, like fi nun-man ɔ sin asiɛ'n su wa. Ɔ dan tra amuɛn mun fatifatifati.

Ezipt Lɔ Tulɛ'n 15:2

Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Ezipt Lɔ Tulɛ'n 33:19

Anannganman tɛli i su kɛ: «N ´sin ɔ nyrun lɛ, n ´yi min aklunye'n i nglo n ´kle wɔ, yɛ m ´bo min dunman'n kɛ: Anannganman, Sran nga n waan n ´yo i ye'n, n ´yo i ye. Sran nga n waan n ´si i aunnvuɛ'n, n ´si i aunnvuɛ .»

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 24:15

Amun `manman Anannganman wia afiliɛ lika'm be nun. Amun `manman Anannganman b'ɔ ti Izraɛl Nyanmiɛn'n lika nga be o jenvie'n i nuan'n be nun.

Ezai 25:1

Anannganman, a ti min Nyanmiɛn, m ´manman wɔ, n ´to jue m bo flɛ wɔ. Afin a yoli abonuan sa mun. Like nga a buli be akunndan'n, bɔ a yoli be ɔ'a cɛ'n, be tɛ o lɛ, be ti cinnjinnjin.

Ezai 26:8

I sɔ'n ti, Anannganman, kɛ e o wɔ atin'n su'n, é wla o ɔ su. Ɔ kpanflɛlɛ'n nin ɔ dunman'n i bolɛ'n yɛ ɔ ti like bɔ e kunndɛ kɛ e ´yo-ɔ.

Ezai 33:5

Anannganman'n yɛ ɔ kwla-a, afin ɔ tran nglo lɔ. Ɔ'a sie nanwlɛ dilɛ'n nin sa nuan su yolɛ'n Zerizalɛm wunmuan'n nun.

Ezai 42:12

Man be manman Anannganman! Yɛ man be yi i ayɛ klɔ nga be o jenvie nuan mmua mmua lɔ'n be su.

Ezai 48:20

Amun `fin Babilɔni klɔ'n nun fite, amun `jaso Kaldefuɛ'm be afiɛn be `wanndi. Amun `bo sro. Amun `bo jasin fɛ sɔ'n, amun `kan man be ti. Amun `kan man ɔ ju asiɛ'n i awieliɛ lɔ. Amun `se kɛ: «Anannganman kpɔli Zakɔb i osu'n nunfuɛ mun bɔ be ti i sufuɛ'n bé ti.»

Ezai 66:19

N ´fa min sielɛ'n i nzɔliɛ'n n ´sie be afiɛn. Sɛ n di be jɔlɛ wie'n, be nga be ´ka lɛ'n, n ´sunman be Tarsisfuɛ mun, nin Pilfuɛ mun, ɔ nin Lidfuɛ'm bɔ be si ta'n i to kpa'm bé sin. N ´sunman be Tibalfuɛ mun nin Zavanfuɛ'm bé sin ekun. Asiɛ bɔ nzue sin yia be'n, bɔ be o mmua-mmua lɔ'n, bɔ be nian kan-man min wun ndɛ be nian ti-mɛn i lɔ le'n, bɔ lɔfuɛ'm be nian wun-man min nyrun nyannyan'n le'n, n ´sunman be nga be ´ka lɛ sɔ'm be lika sɔ'm be kwlaa be nun lɔ wie. Yɛ be nga n ´sunman be sɔ'n, be ´kan min nyrun bɔ n lɛ i'n i ndɛ kle nvle-nvle'm be nunfuɛ mun.

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Jean 17:26

N yoli man be sili wɔ, yɛ n yoli man be wa si wɔ ekun nan klolɛ nga a fa kloli min'n, be `si kɛ a klo be sɔ wie, yɛ be `si kɛ min nin be y'a yo sran wunmuan.»