Ezai 12:3 - NYANMIƐN NDƐ'N 1998

³ Kɛ amun ´ko sa nzue kan delɛ'n ɔ fin lɛ'n, amún wun ´blibli amun.

Ezai 12:3 ပူးပေါင်းရင်းမြစ်များ

Jue Mun 36:9

Wɔ awlo'n nun ninnge kpakpa'n i wie yɛ be di-ɔ. Ɔ klun-ufue'n ti a man be nzue kpa be nɔn.

Jue Mun 87:7

Jue tofuɛ mun nin able sifuɛ'm be bo gua klɔ sɔ'n i wun.

Ngɔjue Fɛfɛ Kpa'n 2:3

Kɛ a wun min janvuɛ'n gbanflɛn kun nga'm be afiɛn'n, ɔ waan pɔmun waka wie yɛ ɔ o bo'n nun waka'm be afiɛn sa. Sɛ ɔ ti waka'n, wuun n ´se kɛ i fɔnvɔ'n i bo tranlɛ yo min fɛ kpa, i mma'm be yo fɛ kpa min nuan nun.

Ezai 41:18

N ´yo man nzue ´fin kpɔlɛ kplekekpleke'm be nun ɔ ´nyrɛn. N ´yo man nzue ti'm be ´nyrɛn kongo'm be nun, aawlɛ flɛnnɛn'n ɔ ´kaci fɛtɛ, yɛ asiɛ kee'n ɔ ´kaci nzue lika.

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Ezekiɛl 47:9

Like kwlaa ng'ɔ de wunmiɛn'n, ɔ ´nyan nguan lika kwlaa nga nzue sɔ'n ɔ ju lɛ'n nun. Kpatra'm be wa sɔn kpa, yɛlɛ kɛ nzue sɔ'n ɔ ´ju kan be o lɔ'n, yɛ nzue'm be ´yo saun, lika kwlaa nga nzue sɔ'n ju'n, be ´nyan nguan lɛ.

Zakari 13:1

«I sɔ blɛ nun'n, nzue nyinma kun wa nyrɛn viaa ɔ salo David i osufuɛ mun nin Zerizalɛmfuɛ'm bé sa tɛ nga be yoli'n, ɔ nin bé wun fiɛn mun.»

Jean 1:16

E kwlaa e nyɛnnin i like kpakpa'n wie, ɔ yoli e ye nan ɔ'a yo e ye ekun.

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»

1 Samiɛl 2:1

Yɛ Ani srɛli Nyanmiɛn-ɔn, ɔ seli kɛ: «Anannganman man n klun ɔ'a jɔ dan. Anannganman man m'an kwla man mín ti'n su. E nin min kpɔfuɛ mun e kan-an, ɔ ´kpɛ siɛn'n. Delɛ ng'ɔ deli min'n ti n klun ɔ'a jɔ.