Ezai 12:1 - NYANMIƐN NDƐ'N 1998

¹ Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 12:1 ပူးပေါင်းရင်းမြစ်များ

Neemi 8:10

Be seli be ekun kɛ: «Amun `wɔ amun awlo, amun `di aliɛ kpakpa, yɛ amun `nɔn nzan bɔ be bo-man'n. Amun `ko man be nga b'a tɔn-man like'n be wie. Ndɛ cɛn'n ti e Min'n i liɛ. Nán amun mlan amun nyrun. Aklunjuɛ ng'ɔ fin Anannganman'n, ɔ ´man amun fanngan.»

Zɔb I Nyrɛnnɛn Wunlɛ 11:16

Yɛ ɔ́ wla ɔ ´fi wɔ afɛ'n, ɔ ´yo kɛ nzue bɔ ɔ'a sonji ɔ'a wɔ'n sa.

Zɔb I Nyrɛnnɛn Wunlɛ 13:16

i liɛ'n, n ´fite nun. Afin sran ng'ɔ si-man Nyanmiɛn'n, ɔ kwla jrɛn-mɛn i nyrun.

Jue Mun 30:5

Anannganman i sufuɛ nanwlɛfuɛ mun, amun `to jue bo flɛ i, afin i dunman'n ɔ lɛ-man wunsu. Amun `mɛnmɛn i.

Jue Mun 71:21

A ´fɔnvɔ min ekun. Wɔ man n ´nyan nyrun kpa tra laa'n.

Jue Mun 85:4

A guali ɔ ya'n kwlaa i ase, a yacili ɔ ya dan sɔ'n nun.

Jue Mun 86:17

Yo sa kun b'ɔ kle kɛ min wun sa'n kwlaa ɔ ´yo ye. Min Min, kɛ min kpɔfuɛ'm be wun kɛ w'a de min nan w'a fɔnvɔ min'n, man be wun nyannzuɛn.

Jue Mun 9:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan sɛ be ´to'n, be `man be aniɛn'n su. I waan:

Ezai 10:25

Afin ɔ cɛ kan-an, min ya nga n fɛli i amun wun'n, ɔ ´wie. Ɔ ´kaci tɔ be su, ɔ ´nunnun be mlɔnmlɔn.»

Ezai 10:4

San bisuafuɛ'm be afiɛn kunngunlɛ nin be nga b'a kun be'n be afiɛn tɔlɛ yɛ ɔ nin amun a ka-a. Sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin amun ´nyɛn i tititi.

Ezai 11:16

I sran nga be kali lɛ'n, bɔ Asirifuɛ'm b'a yo-man be like'n, be ´nyan atin kun be ´sin nun. Ɔ ´yo kɛ Izraɛlfuɛ'm be liɛ'n sa. Laa bɔ be ´tu Ezipt lɔ'n, be nyannin atin kun be fali su.

Ezai 14:3

Izraɛlfuɛ mun, cɛn nga Anannganman yo nan amún wun jɔ amun fɔun'n, sɛ amun afɛ'n nin amun nyrɛnnɛn'm be wie'n, sɛ be yaci amun nun bɔ amun ti-man kanga kun'n,

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 25:1

Anannganman, a ti min Nyanmiɛn, m ´manman wɔ, n ´to jue m bo flɛ wɔ. Afin a yoli abonuan sa mun. Like nga a buli be akunndan'n, bɔ a yoli be ɔ'a cɛ'n, be tɛ o lɛ, be ti cinnjinnjin.

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 26:1

I cɛn sɔ nun'n, be ´to jue ng'ɔ o yɛ'n Zida mɛn'n nun. Be ´se kɛ: «E lɛ klɔ kun bɔ be sili i wun'n kpa. Anannganman i delɛ b'ɔ de ye'n, ɔ ti kɛ talɛ nnyɔn sa yɛ be si klɔ'n i wun-ɔn.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Ezai 49:13

Nyanmiɛn su lɔ lika, bo ndɛ, asiɛ, bo sro, oka mun, amun `to jue. Afin min Anannganman n fɔnvɔ min nvle nunfuɛ mun, n si be nga be ti nyrɛnnɛnfuɛ'm be aunnvuɛ.»

Ezai 51:3

Anannganman wa fɔnvɔ Siɔnfuɛ mun, be lika'm bɔ be bubuli'n ti be ´yo i annvɔ. Ɔ ´yo man be lika nga ɔ'a kaci kɛ aawlɛ flɛnnɛn sa'n, ɔ ´yo kɛ Edɛni lika'n sa. Yɛ ɔ ´yo man lika kee sɔ'n ɔ ´kaci kɛ i bɔbɔ Anannganman i fie'n sa. Siɔnfuɛ'm be ´bo sro, be klun ´jɔ. Be ´to Nyanmiɛn manmanlɛ jue mun, yɛ be ´bo ninnge nga be tɛ mun be ´fa yi Nyanmiɛn i ayɛ.

Ezai 54:7

N kpɔcili amun blɛ kan, sanngɛ n klo amun dan, ɔ man n ´fa amun ekun.»

Ezai 54:8

Anannganman b'ɔ ti amun ti kpɔfuɛ'n wan yoo: «Ya b'ɔ kunnin min dan'n ti n kacili ń sin n sili amun blɛ kan. Sanngɛ klolɛ bɔ n klo amun titi'n ti, n wa si amun aunnvuɛ.

Ezai 54:9

N wa yo kɛ Noe blɛ su'n sa, n tali nda kɛ Noe blɛ su nzue dan b'ɔ tɔli'n, ɔ su tɔ-man sɔ di-man asiɛ'n kun. N su ta nda ndɛ ekun kɛ n su fa-man amún wun ya kun, yɛ n su kan-man ndɛ kekleekle n kle-man amun kun.

Ezai 60:10

Mɛn uflɛ nun mma'm be yɛ be ´kplan ɔ́ wun talɛ'n i uflɛ-ɔ, yɛ be famiɛn'm be wa su wɔ, kɛ n fali ya dan'n ti, n tuli wɔ fɔ, sanngɛ kɛ bɔ n yo sran'm be ye'n ti, n si wɔ aunnvuɛ.

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Ezai 64:5

E kwlaa y'a yo kɛ like fiɛn wie sa, yɛ é sa kpa nga e waan y'a yo be'n, be ti kɛ tralɛ bɔ mmoja ɔ'a guagua nun badaa'n sa. E kwlaa e glɔ kɛ waka nnya wie sa. Sɛ e ´kwla se'n, e sa tɛ'm be cuɛn e kɔ kɛ aunngban su fita nnya kee wie kɔ sa.

Ezai 65:18

Man amun klun jɔ, yɛ man amún wun blibli amun cɛn'n kwlakwla like nga n wa yi be'n be ti. N wa yi Zerizalɛm kun bɔ i nun ɔ ´yo fɛ, yɛ n wa yi nvle kun bɔ i nun sran nga be ´tran lɔ'n, be klun wa jɔ.

Ezai 66:13

Sakpa, kɛ bla ta kun fa fɔnvɔ i wa'n, m bɔbɔ kusu, kɛ n wa fɔnvɔ amun sɔ-ɔ. N ´fɔnvɔ amun Zerizalɛm lɔ.

Zeremi 30:19

Be wa to jue, be ´bo sro. N ´yo man be ´trɛ. Be su ka-man kaan. M ´man be kɔmin su ɔ man be su yo-man be finfin.

Zeremi 31:13

Kpɛkuun siɛn'n, talua'm be klun wa jɔ, be ´si able. Gbanflɛn mun nin kpɛnngbɛn'm be ´si able wie. Afin n ´yo man be awlaboɛ'n kaci aklunjuɛ. N fɔnvɔ be man be klunngbɔ'n wie, yɛ be klun ´jɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:8

?Efraimfuɛ mun, n `yo amun sɛ? Izraɛlfuɛ mun, n yi amun m man sran mun-ɔn ɔ yo-man ye, n yo amun kɛ Adma sa-a, ɔ yo-man ye, n yo amun kɛ Zɛbɔim sa kusu-ɔ ɔ yo-man ye. Min akunndan'n ɔ'a sanngan, n wun-man mín wun yowlɛ kunngba.

Ndɛ Nga Nyanmiɛn I Nuan Ijɔfuɛ Oze Kannin'n 6:1

Kpɛkuun amun ´se kɛ: «Yoo! Amun man e wɔ, e `sa e sin Anannganman wun lɔ. I yɛ ɔ boli ye kannin nin-ɔn, sanngɛ i bɔbɔ kunngba'n yɛ ɔ wa fua yɛ ɔ ´wu-ɔ. I yɛ ɔ boli ye fɛ-ɔ, sanngɛ i bɔbɔ kunngba'n yɛ ɔ wa cici su-ɔ.

Zakari 1:16

Ɔ man i ti Anannganman'n wan yoo: ‹N ´sa min sin n ´nian Zerizalɛm lika ekun. Be wa kplan mín sua laa'n ekun. Be wa sunnzun Zerizalɛm be ´kplɛn i ekun. Min Anannganman b'ɔ n sie mɛn wunmuan'n yɛ n kan sɔ-ɔ.›

Zakari 14:20

I sɔ blɛ nun'n, be ´klɛ nnɛn kpanngɔ'm bé ja glein'm be su kɛ: «Nga ti Anannganman liɛ klonglo.» Blalɛ sɛ nga be o Anannganman i sua'n nun'n, be ´yo Nyanmiɛn liɛ kɛ klowa nga be o i sɔwlɛ'n su'n sa.

Zakari 14:9

Anannganman'n yɛ ɔ ´sie mɛn wunmuan nin-ɔn. I kunngba yɛ ɔ ´yo Nyanmiɛn bɔ sran'm be kwlaa be su i-ɔ. I kunngba yɛ sran'm be kwlaa be ´bo i dunman-an.

Zakari 8:11

Sanngɛ tranlɛ nga e nin laafuɛ mun e trannin'n, nɛ́n i kunngba'n yɛ e nin Izraɛlfuɛ nga be kali'n e tran siɛn nin-ɔn.

Zakari 8:19

«Se Zidafuɛ'm be kɛ min Anannganman bɔ n sie mɛn wunmuan'n min waan afuɛ nuan kun nun anglo nnan nin anglo nnun'n su nglɛmun nga be ci'n, ɔ nin anglo nso nin anglo blu'n su nglɛmun nga be ci'n, be `yaci i cilɛ. Siɛn'n, be `fa i sɔ anglo liɛ mun yo cɛn be di. Sanngɛ amun `fa nanwlɛ dilɛ'n `cici amún ti, an `klo fɔundi'n.»

Rɔmfuɛ Mun 11:15

?Afin sɛ be ase sielɛ kan bɔ Nyanmiɛn sieli be'n ɔ man mɛn nunfuɛ'm be nin Nyanmiɛn be afiɛn a sɛ'n, kɛ ɔ ko fa be ekun'n, ɔ ´yo sɛ? Sɛ ɔ yo i sɔ'n, be nga be wuli'n be ´nyan nguan!