Ezai 11:5 - NYANMIƐN NDƐ'N 1998

⁵ Ɔ ´fa mmla'n i su falɛ'n ɔ ´fa cici i ti, yɛ ɔ ´fa nanwlɛ dilɛ'n ɔ ´fa ci i afiɛn kɛ bé bo kplo sa.

Ezai 11:5 ပူးပေါင်းရင်းမြစ်များ

Jue Mun 109:19

Man ɔ kaci kɛ i kondro b'ɔ klɛ i titi'n sa. Man ɔ mɛntɛn i wun kɛ i bo kplo b'ɔ ´wlɛ i titi'n sa.»

Jue Mun 45:4

Safunyrɛn, fa ɔ tokofi'n san ɔ nvɛn wun. Ɔ tokofi sɔ'n ti yɛ man be wun kɛ a lɛ nyrun nan a ti gbanflɛn nin-ɔn.

Jue Mun 89:9

?Anannganman, wɔ bɔ a ti Nyanmiɛn bɔ a sie mɛn wunmuan'n, wan cɛ yɛ ɔ kwla kɛ wɔ sa-a? A ti nanwlɛfuɛ tititi sa kwlaa nun.

Jue Mun 93:1

Anannganman ti famiɛn, i anyrunnyan dan'n kɛtɛ i wun kɛ kondro sa, i fanngan'n ɔ ci i bo kɛ cisu sa. I sɔ'n ti asiɛ'n ti cinnjinnjin, be su i-ɔ ɔ su-man.

Ezai 25:1

Anannganman, a ti min Nyanmiɛn, m ´manman wɔ, n ´to jue m bo flɛ wɔ. Afin a yoli abonuan sa mun. Like nga a buli be akunndan'n, bɔ a yoli be ɔ'a cɛ'n, be tɛ o lɛ, be ti cinnjinnjin.

Ezai 32:1

Famiɛn kun ɔ ´nian mmla'n su ɔ ´sie mɛn'n, i awlo lɔ sran dandan'm be ´yo sa'm be nuan su.

Ezai 59:17

Sɛ e ´kwla se'n, ɔ wla sa ng'ɔ ti i nuan su'n kɛ like kokloko nga be fa kata be wue su'n sa. Sɛ e ´kwla se'n, ɔ fa delɛ b'ɔ de sran mun'n wlɛ i ti kɛ kpongbo kle sa. Ɔ fa klunngbɔ bɔ be tu'n wla i wun kɛ tralɛ sa. Ɔ fa anwlɛn bɔ be fa kun alɛ'n wla i wun kɛ tralɛ dan sa .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Ezai 9:7

Sa nga Anannganman ´fa wla Zakɔb i osu'n nunfuɛ'm be nun'n, ɔ kan kleli be. Sa sɔ'n ɔ'a tɔ Izraɛlfuɛ'm be su.

Ndɛ Nga Nyanmiɛn I Nuan Ijɔfuɛ Oze Kannin'n 2:20

N ´yo man min sran mun be nin nnɛn mun, nin anunman mun, ɔ nin nnɛn nga be cuɛn bé wun ase'n be ´di anuansɛ. N ´saci mɛn'n nun ta nin tokofi'm be kwlaa, afin alɛ kunlɛ'n ´wie. Kpɛkuun min sran'm be kwlaa bé wun ´tɔ be fɔuun.

Zakari 8:16

Sanngɛ like ng'ɔ fata kɛ an yo'n yɛ: Amun `di nanwlɛ kle amun wiengu. Man jɔlɛ difuɛ'm di ndɛ mun nanwlɛ, be `yo man sran'm be afiɛn sɛ .

2 Korɛntfuɛ Mun 6:7

e kan ndɛ b'ɔ ti nanwlɛ, yɛ sa nga e yo'n e yo i Nyanmiɛn fanngan nun. Nanwlɛ dilɛ'n yɛ ɔ ti ye alɛ like bɔ e fa kun alɛ yɛ e fa kpli é ti-ɔ.

Efɛzfuɛ Mun 6:14

Ɔ man an `tanndan amun wun an `jran kekle. An `fa nanwlɛ'n yo kɛ kplo sa, an `fa ci amún bo. An `yo sa ng'ɔ ti i nuan su'n, man ɔ yo kɛ like kokloko bɔ an ´fa kata amun wue'n su'n sa.

Hébreu 2:17

Kɛ ɔ ´yo nan ɔ'a yo Nyanmiɛn nyrun jranfuɛ'm be su kpɛn'n, nan ɔ'a si i niaan'm be aunnvuɛ'n nan ɔ'a si Nyanmiɛn junman'n di kpa'n, nan ɔ'a kwla yaci sran'm bé wun sa'n ɔ'a cɛ be'n, san ɔ ´kaci i wun kɛ be sa.

1 Piɛr 4:1

Kɛ Krist wunnin nyrɛnnɛn'n ti, amun kusu an `bu akunndan kunngba ng'ɔ buli'n wie, an `tra amun anwlɛn.

1 Jean 1:9

Sanngɛ sɛ e di sa tɛ nga e yoli'n i nanwlɛ kle Nyanmiɛn'n, e kwla fa é wla'n guɛ i su, afin ɔ yo sa i nuan su, ɔ ´yaci cɛ ye, yɛ ɔ man é wun sa'n kwlaa ´wie.

Sa nglô yile 1:13

N wun like kun be afiɛn lɛ, ɔ fa sran, tralɛ tɛnndɛn kun wlɛ i wun, tralɛ sɔ'n ɔ kpɛn i ja ngbabua'n su, yɛ sika ɔkwlɛ kplo ci i wue'n nun .

Sa nglô yile 3:14

«Nian ndɛ nga n klo kɛ a klɛ ko man Laodise lɔ asɔnun'n i anz'n yɛ: ‹M bɔ be flɛ min Man-ɔ-yo-sɔ'n, bɔ n kan ndɛ nanwlɛ'n, bɔ be kwla fa bé wla gua n su'n, bɔ min yɛ Nyanmiɛn man n yili like'n kwlaa'n, n se kɛ yoo :