Ezai 11:3 - NYANMIƐN NDƐ'N 1998

³ Sran sɔ'n i nyin ´yi Anannganman. Sran sɔ'n ɔ su nian-man sran nyrun nan ɔ'a bu ndɛ, nán be waan yɛ ɔ ´fa kɛn i ndɛ liɛ nin-ɔn.

Ezai 11:3 ပူးပေါင်းရင်းမြစ်များ

2 Samiɛl 14:17

N seli min wun ekun kɛ: ‹N lafi su kɛ ndɛ nga famiɛn'n b'ɔ ti min min'n ´kan'n, ɔ ´gua n wla ase yɛlɛ kɛ famiɛn'n b'ɔ ti min min'n, ɔ ti kɛ Nyanmiɛn i anz sa. Ɔ si tɛ nin kpa'n be ngbaciɛ. Man Anannganman ɔ Nyanmiɛn'n nin wɔ tran.› »

2 Samiɛl 14:8

Famiɛn'n seli bla'n kɛ: «Kɔ wɔ awlo, n wa siesie m man wɔ.»

1 Famiɛn Mun 3:28

Izraɛlfuɛ'm be kwlaa be tili ndɛ sɔ'n bɔ famiɛn'n ɔ kpɛli nun klanman'n, ɔ man bé nyin yili i, afin be wunnin i kɛ Nyanmiɛn i ngwlɛlɛ'n yɛ ɔ ukɛli i jɔlɛ sɔ'n i dilɛ nun-ɔn.

1 Famiɛn Mun 3:9

I ti nga n ´usa'n yɛlɛ kɛ a man min ngwlɛlɛ nga n ko fa n ko sie ɔ nvle sɔ'n. Sɛ n lɛ ngwlɛlɛ'n, i liɛ n ´kwla si like ng'ɔ ti kpa ɔ nin ng'ɔ ti-man kpa'n be ngbaciɛ. Sɛ ɔ'a yo-man sɔ-ɔ, sran fi nun-man lɛ b'ɔ kwla sie ɔ nvle nin-ɔn, afin nvle sɔ'n ti dan.»

Zɔb I Nyrɛnnɛn Wunlɛ 12:11

Be kan ndɛ be se kɛ: «Be sukpɔ'n i junman yɛlɛ ndɛ'm be tilɛ, be taaman'n kusu i liɛ'n yɛlɛ ninnge'm bé fɛ'n i silɛ.

Zɔb I Nyrɛnnɛn Wunlɛ 34:3

Bé su'n yɛ man be ti sa-a. Be taaman'n kusu yɛ man be wun aliɛ'n i fɛ-ɔ.

Nyanndra Mun 2:5

sɛ a yo i kwlaa sɔ'n, a ´wun Anannganman i anyinyiɛ'n i wlɛ, kpɛkuun a ´kwla si Nyanmiɛn,

Nyanndra Mun 2:9

Sɛ a sie ɔ́ su tie min ndɛ'n, a ´si sa nuan su yolɛ'n nin kpa yolɛ'n be nun ndɛ. A ´si sa kpa'n i yo.

Ezai 33:6

Anannganman i nvle nunfuɛ mun, Anannganman yɛ ɔ nian amun su-ɔ, amun klun su ti-man amun. Ngwlɛlɛ nin sa'm be silɛ'n be ti anyanbeun, be yɛ man sran fite nun-ɔn. Amun nyin b'ɔ yi Anannganman'n yɛ ɔ ti amun anyanbeun-ɔn.

Ezekiɛl 45:8

Kɛ ɔ yo sɔ'n, wlengbi'm be ´nyan be bɔbɔ be lika liɛ Izraɛl lɔ. Be su yo-man min sran'm be tɛtɛ kun, be ´yaci mɛn'n i onga'n be man Izraɛl akpasua mun.»

Mise 4:3

Ɔ wa yo sran kpanngban be jɔlɛ difuɛ. Man i li mɛn dandan kpa'm be tran mmua sɛ, sanngɛ ɔ ´kan be afiɛn ndɛ. Be ´fa be tokofi mun be ´bo sue, be ´fa be cua mun be ´bo wlɔsɔ. Nvle kun su fa-man alɛ wlɛ-mɛn i nvle uflɛ sin kun, be su sɔnnzɔn-man alɛ kunlɛ kun .

JÉSUS-CHRIST I DYASIN FE'N BO LUC KLELI'N 2:52

Kɛ Jésus ´nyin'n, wuun i ngwlɛlɛ'n ´kɔ i nyrun, yɛ i wun yo Nyanmiɛn nin sran'm be fɛ.

Jean 2:25

ɔ man ɔ'a klo-man kɛ be kan sran wun ndɛ be kle i. Afin i bɔbɔ si sran klun lɔ akunndan'n ngba .

Jean 7:24

Nán an nian sran i wafa ng'ɔ ti'n an fa di ndɛ'n, sanngɛ an `di ndɛ nanwlɛ su.

Hébreu 5:14

Sanngɛ be nga b'a yo sran bɔ be kunndɛ sa ng'ɔ ti kpa'n nin tɛ'n be ngbaciɛ lele b'a si i kpa'n, aliɛ'n ti be liɛ.

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»