Ezai 11:16 - NYANMIƐN NDƐ'N 1998

¹⁶ I sran nga be kali lɛ'n, bɔ Asirifuɛ'm b'a yo-man be like'n, be ´nyan atin kun be ´sin nun. Ɔ ´yo kɛ Izraɛlfuɛ'm be liɛ'n sa. Laa bɔ be ´tu Ezipt lɔ'n, be nyannin atin kun be fali su.

Ezai 11:16 ပူးပေါင်းရင်းမြစ်များ

Ezipt Lɔ Tulɛ'n 14:22

Izraɛlfuɛ'm be nantili aunnyan siɛ'n su be sinnin, afin nzue'n i wie jrannin be sa fama su yɛ i wie jrannin be sa bɛ su kɛ talɛ wie sa .

Ezai 1:9

Sɛ Anannganman b'ɔ sie mɛn wunmuan'n ɔ'a yaci-man e nun sran wie'm be lɛ'n, wuun e wieli nunnun kɛ Sodɔmfuɛ'm be sa, sɛ ɔ'a yaci-man be lɛ'n, wuun e wieli wu kɛ Gomɔrfuɛ'm be sa .

Ezai 10:20

I cɛn sɔ nun'n, Izraɛlfuɛ onga mun nin Zakɔb i osu'n nunfuɛ nga be kali lɛ'n, be wa yaci sran ng'ɔ kleli be yalɛ'n i su kisalɛ. Be wa fa bé wla'n ngba be ´guɛ i Anannganman b'ɔ ti Izraɛl Nyanmiɛn'n i su.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 19:23

I blɛ sɔ nun'n, atin kun ´fɛ i Ezipt ɔ ´kpɛn Asiri. Asirifuɛ'm be ´kɔ Ezipt, yɛ Eziptfuɛ'm be ´kɔ Asiri. Yɛ be kwlaa be su Anannganman likawlɛ.

Ezai 27:13

I cɛn sɔ nun'n, be ´fita nnɛn wɛ dan'n nun. Yɛ be nga be sanngan Asirifuɛ'm be nun'n, ɔ nin be nga be bo sanndili Ezipt mɛn'n nun'n, be ´koto Anannganman i bo oka b'ɔ ti i liɛ'n klonglo'n b'ɔ o Zerizalɛm lɔ'n su .

Ezai 49:11

Lika nga be ti oka-oka'n, n ´trutru be nun be ´kaci atin, n ´yo atin'm be uflɛ.

Ezai 49:12

Be yɛ be ´ba yɛ, be fin mmua, wie'm be fin mɛn'n i nglo lɔ, wie'm be fin wia atɔliɛ, wie'm be fin mɛn'n i ngua lɔ Ezipt lɔ.

Ezai 51:10

?Nán wɔ yɛ a yoli man jenvie dan sɔ'n i nun nzue'n wieli nun wein nin-ɔn? ?Nán wɔ ekun yɛ a yili atin kun jenvie i bo lɔ kploun nun, bɔ be nga a kpɔli bé ti'n be sinnin nun nin-ɔn?

Ezai 57:14

Anannganman wa se kɛ: «Amun `tike atin kun, amun `siesie i ye, amun `yi like ng'ɔ kata min nvle'n nunfuɛ'm be atin'n i kwlaa.»

Ezai 62:10

Zerizalɛmfuɛ mun, amun `fite, amun `fin klɔ'n nun `fite ndɛndɛ. Amun `siesie atin kun be `man be nga be su sa bé sin be ´ba'n. Amun `kata atin nun buɛbuɛ mun, amun `yiyi i nun yɛbuɛ mun. Yɛ amun `man flanga kun su nvle-nvle'm be nunfuɛ'm bé su.

Sofoni 2:7

I sɔ lika liɛ ng'ɔ o jenvie nuan lɔ'n, Zidafuɛ'm be ´fa be nnɛn'm be ´kɔ didilɛ lɔ, kpɛkuun nnɔsua be ´ko la Askalɔn sua'm be nun lɔ. Afin Anannganman be Nyanmiɛn'n ɔ wa nian be lika, ɔ ´fa be ´sie be osu laa'n nun .