Ezai 11:12 - NYANMIƐN NDƐ'N 1998

¹² Ɔ ´kplan nzɔliɛ kun fa man nvle-nvle mun. Ɔ wa flɛflɛ Izraɛlfuɛ nga be kannin bé bo bé mɛn nun'n. Ɔ wa tian Zidafuɛ nga be bo sanndili asiɛ'n i bue nnan'n su'n be nuan.

Ezai 11:12 ပူးပေါင်းရင်းမြစ်များ

Jue Mun 147:2

Anannganman su kplan Zerizalɛm i uflɛ. Izraɛlfuɛ nga be trali be lomuɛn ɔli'n, i yɛ ɔ yiayia bé nuan-an.

Jue Mun 60:4

Wɔ man asiɛ'n ɔ kejeli, yɛ ɔ tɛtɛli. Tannintannin i kunman mun, afin ɔ ti-man kekleke kun.

Jue Mun 68:22

Nanwlɛ, Nyanmiɛn ´bo i kpɔfuɛ'm bé ti awa'n, ɔ ´bo be bɔ be yo sa tɛ'n bé ti bɔ ndrɛ kpanngban o su'n.

Ezai 11:10

I cɛn sɔ nun'n, sran ng'ɔ wa jaso su Izai osu nun'n, ɔ wa yo sran'm be nzɔliɛ like. Nvle-nvle'm be nunfuɛ'm be ´kpɛ bé nyin i wun lɔ. Yɛ i tranwlɛ'n ´yo anyrunnyan lika.

Ezai 18:3

Amun nga amun wo mɛn wunmuan nun'n, amun bɔ amun tran asiɛ'n su'n, amun `nian nzɔliɛ nga be kplɛnnin i oka'm be su'n, amun `sie amún su kɛ be ´fita nnɛn wɛ nun'n.

Ezai 24:16

Be to jue asiɛ'n i awieliɛ lɔ, e ti. Be se kɛ: «Man be manman Nyanmiɛn b'ɔ yo sa i nuan su'n.» Sanngɛ n liɛ'n, n se min wun kɛ: «M'an mlin, m'an mlin, nyrɛnnɛn o n su.» Be nga be tu sran'm bé ja'n, be o be junman'n su. Be tu sran'm bé ja! Be di be junman'n.

Ezai 27:13

I cɛn sɔ nun'n, be ´fita nnɛn wɛ dan'n nun. Yɛ be nga be sanngan Asirifuɛ'm be nun'n, ɔ nin be nga be bo sanndili Ezipt mɛn'n nun'n, be ´koto Anannganman i bo oka b'ɔ ti i liɛ'n klonglo'n b'ɔ o Zerizalɛm lɔ'n su .

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Ezai 49:22

Anannganman Nyanmiɛn'n wan yoo: «Amun `nian, m ´man ń sa'n su nvle-nvle'm bé su, n ´kplan min flanga'n, n ´kaci i nyin mɛnmɛn'n bé su. Yɛ be ´fa amun mma yasua mun bé sa su be ´ba. Be ´fa amun wa bla mun be wati su be ´sa bé sin ba.

Ezai 49:5

Anannganman b'ɔ dun mmua siesieli min mín nin klun lɔ kɛ ɔ ´yo nan m'an yo i sufuɛ'n, nan m'an fa Zakɔb i osu'n nunfuɛ mun m'an blɛ i'n, nan m'an fa Izraɛlfuɛ mun m'an tian be nuan i wun lɛ'n, ɔ kannin ndɛ siɛn'n. Anannganman bu min sran, Nyanmiɛn yɛ ɔ man min wunmiɛn-ɔn.

Ezai 54:7

N kpɔcili amun blɛ kan, sanngɛ n klo amun dan, ɔ man n ´fa amun ekun.»

Ezai 56:8

Anannganman Nyanmiɛn b'ɔ kannin Izraɛlfuɛ'm bɔ be bo sanndili mun boli nun'n, ɔ kɛn i ekun kɛ: «N dun mmua n yiali wie'm bé nuan, n wa yia wie'm bé nuan ekun.»

Ezai 59:19

I liɛ'n, kɛ ɔ fɛ i wia afiliɛ lɔ lele b'ɔ ´fa ju wia atɔliɛ lɔ'n, be ´sro Anannganman i dunman'n nin i nyrun b'ɔ ti nyannyan'n. Sɛ i kpɔfuɛ'm be ba kɛ nzue dan sa bɔbɔ'n, i Wawɛ'n ɔ kan bé bo .

Ezai 60:4

Nian-nian sin yia nun, nian, ɔ mma'm be kwlaa b'a yia be su ba ɔ́ sin. Ɔ mma yasua'm be fin mmua lɔ be su ba, sran'm be fa ɔ mma bla mun bé sa su yɛ be ba-a.

Ezai 62:10

Zerizalɛmfuɛ mun, amun `fite, amun `fin klɔ'n nun `fite ndɛndɛ. Amun `siesie atin kun be `man be nga be su sa bé sin be ´ba'n. Amun `kata atin nun buɛbuɛ mun, amun `yiyi i nun yɛbuɛ mun. Yɛ amun `man flanga kun su nvle-nvle'm be nunfuɛ'm bé su.

Ezai 66:19

N ´fa min sielɛ'n i nzɔliɛ'n n ´sie be afiɛn. Sɛ n di be jɔlɛ wie'n, be nga be ´ka lɛ'n, n ´sunman be Tarsisfuɛ mun, nin Pilfuɛ mun, ɔ nin Lidfuɛ'm bɔ be si ta'n i to kpa'm bé sin. N ´sunman be Tibalfuɛ mun nin Zavanfuɛ'm bé sin ekun. Asiɛ bɔ nzue sin yia be'n, bɔ be o mmua-mmua lɔ'n, bɔ be nian kan-man min wun ndɛ be nian ti-mɛn i lɔ le'n, bɔ lɔfuɛ'm be nian wun-man min nyrun nyannyan'n le'n, n ´sunman be nga be ´ka lɛ sɔ'm be lika sɔ'm be kwlaa be nun lɔ wie. Yɛ be nga n ´sunman be sɔ'n, be ´kan min nyrun bɔ n lɛ i'n i ndɛ kle nvle-nvle'm be nunfuɛ mun.

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.

Zeremi 30:17

Kɛ bɔ be fa fuanlɛ bɔ n fuannin wɔ'n be fa se wɔ nun'n, bɔ be flɛ wɔ kɛ Siɔn bla bɔ sran fi flɛ-mɛn i'n ti n wa yo wɔ juejue. N wa fua ɔ́ kannin mun.» Anannganman'n yɛ ɔ kannin sɔ-ɔ.

Zeremi 50:4

I sɔ blɛ'n nun yɛ Izraɛlfuɛ mun nin Zidafuɛ mun be ´ba likawlɛ nin-ɔn, be ´ba'n, wuun be ´sun. Be ´kunndɛ Anannganman be Nyanmiɛn'n.» Anannganman'n yɛ ɔ kan sɔ-ɔ.

Zeremi 51:12

An `man flanga'n su man be wun kɛ amun su di be klɔ wun talɛ wun junman. Be bɔ be nian amun su'n, man be sɔn. Amun `siesie be sɛsɛsɛ. Amun `sua Babilɔnifuɛ'm be wun aya. Akunndan nga Anannganman fɛli i Babilɔni wun'n, i nuan yialɛ su like yɛ ɔ o lɛ-ɔ.

Ezekiɛl 28:25

Anannganman Nyanmiɛn wan yoo: ‹N wa fa Izraɛlfuɛ mun nvle-nvle nga be bo sanndili nun'n be afiɛn n ´tian bé nuan, yɛ n ´kle nvle-nvle'm be kɛ n ti Nyanmiɛn kun bɔ min nzuɛn'n nin klɔ sran liɛ'n ti-man kun. Be ´tran be bɔbɔ be mɛn'n nun, mɛn bɔ n fa mannin min sufuɛ Zakɔb'n.

Ndɛ Nga Nyanmiɛn I Nuan Ijɔfuɛ Oze Kannin'n 2:2

Zidafuɛ'm be nin Izraɛlfuɛ'm be wa yo nvle kunngba kɛ laa'n sa. Kpɛkuun bé bo ´yo kun be ´fa be nun sran kunngba kɛ i yɛ ɔ `sie be-ɔ. Yɛ be ´tu be bo mɛn'n nun, afin Zizreɛl i cɛn'n ɔ ´yo cɛn dan kpa .

Sofoni 3:10

Min sufuɛ bɔ n yoli man b'a bo b'a sanndi'n, wie'm be ´jaso Etiopi nzue ba'n sin lɔ be wa cɛ min like.»

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Zakari 8:7

Anannganman b'ɔ sie mɛn wunmuan'n wan yoo: «N wa de min nvlefuɛ nga be o wia afiliɛ lɔ'n nin i atɔliɛ lɔ mun.

Jean 7:35

Zuif'm be usali bé wun kɛ: «?Nin yɛ ɔ wa kɔ bɔ e su wun-mɛn i nin-ɔn? ?Ɔ wa kɔ Zuif'm bɔ b'a sanndi b'a ko tran Grɛk'm be nun'n bé sin nan ɔ ´kle Grɛk'm be like?»

Mmla'n 32:26

N waan wuun n ´nunnun be mlɔnmlɔn nan be dunman'n mlin mɛn'n nun.

Jacques 1:1

N Zak bɔ n ti Nyanmiɛn nin e Min Jésus-Krist be sran'n, n ´yo nvle blu-nin-nnyɔn bɔ b'a sanndi mɛn wunmuan nun'n be like.

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .

Sa nglô yile 7:1

I sin, n wunnin anz nnan be jinjin asiɛ'n i cɔnjɔ nnan'n bé su. Be jin aunngban b'ɔ fin asiɛ'n i bue nnan su'n nun, be tra nun kɛ nán man ɔ fita asiɛ'n nin jenvie'n bé su yɛ nán man ɔ fita waka fi kun .