Ezai 11:11 - NYANMIƐN NDƐ'N 1998

¹¹ I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 11:11 ပူးပေါင်းရင်းမြစ်များ

Bo Bolɛ 10:10

Klɔ nga ɔ dun mmua sieli be'n yɛlɛ Babɛl, nin Erɛk, nin Akad yɛ Kalne. Klɔ sɔ'm be o Babilɔni mɛn'n nun lɔ,

Bo Bolɛ 10:22

Sɛm wuli Elam, nin Azir, nin Arpaksad, nin Lid yɛ Aram.

Bo Bolɛ 11:2

Be fɛli i wia afiliɛ lɔ be ko juli lika kpɛkplɛkpɛ kun nun Babilɔni i bo ngua lɔ nan b'a tran lɛ.

Bo Bolɛ 14:1

I blɛ sɔ nun'n, Babilɔni famiɛn Amrafɛl, nin Ɛlazar famiɛn Arzɔk, nin Elam famiɛn Kɛdɔrlaɔmɛr, ɔ nin Gɔzim famiɛn Tideal,

Bo Bolɛ 2:13

Nzue sɔ'n i sama nnyɔn su'n yɛlɛ Giɔn, ɔ sin yia Kis mɛn'n.

2 Famiɛn Mun 17:24

Asiri famiɛn'n fali sran mun Babilɔni, nin Kita, nin Ava, nin Amat, ɔ nin Sɛfarvaim lɔ bali. Ɔ man be trannin Izraɛlfuɛ'm be osu Samari klɔ'm bé su. Samari klɔ'n nin i sasu'n kwlaa be yoli be liɛ.

Ɛstɛr 10:1

Famiɛn Asieris man i nvlefuɛ nga be tran jenvie nuan'n nin be nga be o i asiɛ wunmuan'n su'n be dili plɔtrɔ junman.

Jue Mun 68:22

Nanwlɛ, Nyanmiɛn ´bo i kpɔfuɛ'm bé ti awa'n, ɔ ´bo be bɔ be yo sa tɛ'n bé ti bɔ ndrɛ kpanngban o su'n.

Ezai 1:9

Sɛ Anannganman b'ɔ sie mɛn wunmuan'n ɔ'a yaci-man e nun sran wie'm be lɛ'n, wuun e wieli nunnun kɛ Sodɔmfuɛ'm be sa, sɛ ɔ'a yaci-man be lɛ'n, wuun e wieli wu kɛ Gomɔrfuɛ'm be sa .

Ezai 10:20

I cɛn sɔ nun'n, Izraɛlfuɛ onga mun nin Zakɔb i osu'n nunfuɛ nga be kali lɛ'n, be wa yaci sran ng'ɔ kleli be yalɛ'n i su kisalɛ. Be wa fa bé wla'n ngba be ´guɛ i Anannganman b'ɔ ti Izraɛl Nyanmiɛn'n i su.

Ezai 10:9

?Sa kunngba nga e fa yoli Kalne'n, nɛ́n i kunngba'n yɛ e fa yoli Karkemis-ɔ? ?Nga e fa yoli Amat'n, nɛ́n i yɛ e fa yoli Arpad-ɔ? ?Nán sa kunngba'n yɛ e fa yoli Samari nin Damas-ɔ?

Ezai 11:16

I sran nga be kali lɛ'n, bɔ Asirifuɛ'm b'a yo-man be like'n, be ´nyan atin kun be ´sin nun. Ɔ ´yo kɛ Izraɛlfuɛ'm be liɛ'n sa. Laa bɔ be ´tu Ezipt lɔ'n, be nyannin atin kun be fali su.

Ezai 19:21

I blɛ sɔ nun'n, Anannganman ´yi i wun ´kle Eziptfuɛ mun. Be ´si i, be ´yi tɛ be mɛn i, yɛ be ´yi sraka be mɛn i. Be ´ta nda kɛ be ´yo like be mɛn i, yɛ be ´nian su be ´yo.

Ezai 19:22

Anannganman i sa ´kan Eziptfuɛ mun, kɛ ɔ wie be bo'n, ɔ ´nian be lika. Be bɔbɔ be ´ba Anannganman sin. Ɔ ´sɔ be nun, yɛ ɔ ´nian be lika.

Ezai 21:2

Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Ezai 22:6

Elam sonja'm b'a fa bé ta mun nin be ta mma mun. Sran'm be wo alɛ kakaklolo wie'm be nun, wie'm be o nnɛn kpanngɔ'm be su, be su ba. Sonja nga be fin Kir'n, be su yi be wue sasalɛ like mun fite.

Ezai 24:15

Amun `manman Anannganman wia afiliɛ lika'm be nun. Amun `manman Anannganman b'ɔ ti Izraɛl Nyanmiɛn'n lika nga be o jenvie'n i nuan'n be nun.

Ezai 37:31

Zida akpasua'n sufuɛ nga be kali lɛ'n, be ´yo kɛ waka bɔ be lɛ olui, bɔ mma o be su'n sa.

Ezai 42:10

Amun `to jue uflɛ uflɛ kun fa manman Anannganman. Kɛ ɔ fɛ i asiɛ'n awieliɛ lɔ lele ba'n, amun nga bɔ amun wlan-wlan jenvie'n nyin su'n, amun nga bɔ amun klɔ'm be o jenvie'n su'n, amun nga bɔ amun tran jenvie nuan mmua mmua lɔ'n, amun `manman Anannganman.

Ezai 42:12

Man be manman Anannganman! Yɛ man be yi i ayɛ klɔ nga be o jenvie nuan mmua mmua lɔ'n be su.

Ezai 42:4

Ɔ su fɛ-man, ɔ su yaci-mɛn i yolɛ, lele san asiɛ'n sufuɛ'm be kwlaa be ´si sa kpa yolɛ'n i atin sɔ'n, yɛ lele san be nga be tran jenvie nuan mmua mmua lɔ'n be ´fɛ i mmla'm be su .

Ezai 45:14

Izraɛlfuɛ mun, Anannganman wan yoo: «Eziptfuɛ'm be junman'n i su mmlusuɛ'n, yɛ Etiopifuɛ'm be ninnge nga be nyannin be'n be su mmlusuɛ'n, ɔ nin Sebafuɛ bɔ be ti sran jajraajra'n be kusu be ninnge'm be su mmlusuɛ'n, i kwlaa sɔ'n ɔ ´sin amun ja su, yɛ i kwlaa sɔ'n ɔ ´yo amun liɛ. Sran sɔ'm be ´su amun su, be ´ci be, be ´koto amún bo, yɛ ndɛ nga be ´kan kle amun'n, ɔ ´yo kɛ srɛlɛ bɔ be srɛ'n sa. Be ´se kɛ: ‹Amun kunngba cɛ amún wun lɔ yɛ Nyanmiɛn'n wo-ɔ. Uflɛ fi nun-mɛn i sin .› »

Ezai 49:12

Be yɛ be ´ba yɛ, be fin mmua, wie'm be fin mɛn'n i nglo lɔ, wie'm be fin wia atɔliɛ, wie'm be fin mɛn'n i ngua lɔ Ezipt lɔ.

Ezai 66:19

N ´fa min sielɛ'n i nzɔliɛ'n n ´sie be afiɛn. Sɛ n di be jɔlɛ wie'n, be nga be ´ka lɛ'n, n ´sunman be Tarsisfuɛ mun, nin Pilfuɛ mun, ɔ nin Lidfuɛ'm bɔ be si ta'n i to kpa'm bé sin. N ´sunman be Tibalfuɛ mun nin Zavanfuɛ'm bé sin ekun. Asiɛ bɔ nzue sin yia be'n, bɔ be o mmua-mmua lɔ'n, bɔ be nian kan-man min wun ndɛ be nian ti-mɛn i lɔ le'n, bɔ lɔfuɛ'm be nian wun-man min nyrun nyannyan'n le'n, n ´sunman be nga be ´ka lɛ sɔ'm be lika sɔ'm be kwlaa be nun lɔ wie. Yɛ be nga n ´sunman be sɔ'n, be ´kan min nyrun bɔ n lɛ i'n i ndɛ kle nvle-nvle'm be nunfuɛ mun.

Zeremi 25:25

N fa mannin Zimri famiɛn'm be kwlakwla. N fa mannin Elam famiɛn'm be kwlakwla. N fa mannin Medi famiɛn'm be kwlakwla.

Zeremi 31:10

«Nvle kun nga mun, ndɛ nga Anannganman'n kan'n, an `sie amun su tie nan an `ko kan kle mɛn nga be o jenvie'n i kɔmin sin mmua lɔ'n. An `se be kɛ: ‹Sran nga man Izraɛlfuɛ'm be bo sanndili'n, ɔ su yiayia be nan ɔ ´nian be su kɛ bua sunianfuɛ'n niɛn i bua'm be su'n sa.›

Zeremi 44:1

Anannganman fali ndɛ kun wlali Zeremi nuan kɛ ɔ kan kle Zuif nga be ɔli Ezipt bɔ be tran Migdɔl nin Tapanɛs, nin Nɔf, ɔ nin Patrɔs nvle nun lɔ'n. I waan Zeremi `kan kle be kɛ:

Zeremi 49:23

«Amat nin Arpad be si-man wie se kun. Jasin nga be tili'n ti-man kpa. Srɛ'n ɔ'a kun be kpo. Be akunndan'n ɔ'a sanngan sa nán sa fi yolɛ-ɔ.

Ezekiɛl 27:6

Be fali Bazan lɔ sɛni waka yɛ be yoli ɔ tɛbua mun-ɔn. Be fali sui je b'ɔ fin Asiri, Kitim lika liɛ nun'n, yɛ be yoli ɔ gua su wa ninnge mun-ɔn.

Ezekiɛl 29:14

N ´fa Eziptfuɛ nga be trali be lomuɛn'n n ´sa be sin, Patrɔs bɔ ti be awuliɛ mɛn'n i nun. Be kwlaa be ´yo nvle kun bɔ i nunfuɛ'm be ´kan be wun ase.

Ezekiɛl 30:14

N wa bo Patrɔs klɔ'n, n ´fa sin i yi Zɔan klɔ'n nun, yɛ n ´di No klɔ'n i jɔlɛ.

Ezekiɛl 32:24

Elam famiɛn'n yɛ ɔ o yɛ ɔ nin i sonja mun. I sonja nga bɔ alɛ'n ɔ dili be'n, be asieliɛ'n be sin yiɛ i liɛ'n. Be kwlaa sɔ b'ɔ b'a wla-man be klɛn'n laa'n bɔ kɛ be nyin tɛ o su'n be wla sran'm be srɛ'n, be kwlaa b'a jra asiɛ'n i bo lɔ. Nyannzuɛn ɔ'a kun be. Awieliɛ kunngba ng'ɔ wieli sran kun nga mun'n yɛ ɔ wieli be wie-ɔ.

Ezekiɛl 38:8

Cɛn wie lele'n, a wa dun be mmua kɛ ɔ cɛ lele'n, a wa tɔ mɛn nga alɛ'n ɔ'a di-mɛn i'n su. Kɛ ɔ yo sɔ'n, wuun b'a fin mɛn fanunfanun nga be o nun'n be nun b'a fite'n, wuun b'a ´yia kpanngban kpa Izraɛl oka lika bɔ be ti koun'm be su'n, wuun b'a ´tran be awlo'm be nun fɔuun .

Daniɛl 1:2

Anannganman fali Zozakim b'ɔ ti Zida famiɛn'n wlali i sa nun, yɛ Nɛbikadnɛzar fali Nyanmiɛn i sua'n nun lɔ ninnge bɔ sika ɔkwlɛ ɔ nin jɛtɛ ufue yɛ be fa yoli be'n, be nun wie mun. Ɔ fali be ɔli Babilɔni mɛn'n nun lɔ. Yɛ ɔ sieli ninnge sɔ mun kan ɔ guɛ i amuɛn mma'm be ninnge liɛ'm be lɔ'n .

Daniɛl 11:18

I sin ɔ wa kpɛ i nyin lika nga be o jenvie'n i afiɛn lɔ'm be su. Ɔ wa kwla be nun kpanngban kpa, sanngɛ sonja'm be kpɛnngbɛn kun wa bu i bue, yɛ nzowa ng'ɔ kpɛli'n, be wa tannin i kalɛ be ´mɛn i.

Daniɛl 8:2

Kɛ n ´cɛn laliɛ'n, n ´wun i-ɔ, n wo Sizi b'ɔ ti Elam akpasua'n i famiɛn klɔ'n su, n wo nzue nga be flɛ i Ilai'n i nuan lɛ.

Ndɛ Nga Nyanmiɛn I Nuan Ijɔfuɛ Oze Kannin'n 11:10

Be nga be bo be sanndili'n, be wa su Anannganman'n su, Anannganman b'ɔ kpan kɛ asɔmɔli sa'n, be ´su i su. Kɛ ɔ ´kpan sa'n, i mma'm bɔ be o jenvie'n i bue kun lɔ'n be ´usu yɛ be ´ba-a.

Ndɛ Nga Nyanmiɛn I Nuan Ijɔfuɛ Oze Kannin'n 11:11

Wie'm be ´fin Ezipt yɛ be ´ba-a. Be ´lɔngɔ su be ´ba kɛ anunman mun sa, be ´fin Asiri be lɔngɔ su be ´ba kɛ auble mun sa. «Be ba-a, n ´fa be n ´kɔ be tranwlɛ'm be nun.» Anannganman'n yɛ ɔ kan i sɔ ndɛ nin-ɔn.

Mise 7:12

I sɔ cɛn liɛ'n nun sran'm be ´fin Asiri nin Ezipt lɔ be ´ba. Be ´fin Ezipt nzue ba'n nin Efrat nuan lɔ be ´ba. Be ´fin jenvie'm bé nuan nin oka'm be su be ´ba.

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Zakari 5:11

I waan: «Be ´ko kplan sua'n Mezopotami mɛn'n nun lɔ be mɛn i. Kɛ be wie i kplan'n, be ´siesie lika kun be ´fa taka nun.»

Zakari 8:7

Anannganman b'ɔ sie mɛn wunmuan'n wan yoo: «N wa de min nvlefuɛ nga be o wia afiliɛ lɔ'n nin i atɔliɛ lɔ mun.

Zakari 9:2

Ndɛ sɔ'n ti Amat b'ɔ o Damas wun lɔ'n i nunfuɛ'm be liɛ ekun, ɔ ti Tirfuɛ mun nin Sidɔnfuɛ mun, ɔ liɛ ngwlɛlɛfuɛ sɔ mun, ɔ ti be liɛ wie.

Rɔmfuɛ Mun 11:15

?Afin sɛ be ase sielɛ kan bɔ Nyanmiɛn sieli be'n ɔ man mɛn nunfuɛ'm be nin Nyanmiɛn be afiɛn a sɛ'n, kɛ ɔ ko fa be ekun'n, ɔ ´yo sɛ? Sɛ ɔ yo i sɔ'n, be nga be wuli'n be ´nyan nguan!

Rɔmfuɛ Mun 11:26

Kɛ ɔ ko yo sɔ'n, ndɛ nga be klɛli i kɛ Izraɛlfuɛ'm be kwlaa be ´nyan bé ti'n, ɔ ´kpɛn su. Afin be klɛli i kɛ: «Bé Defuɛ'n ´fin Siɔn, ɔ ´yo man Zakɔb anunman'm bɔ be sro-man Nyanmiɛn'n be ´sro i .

2 Korɛntfuɛ Mun 3:16

Sanngɛ be klɛli i Nyanmiɛn Ndɛ'n nun kɛ: «Sɛ sran kun i nyin kaci e Min'n i wun'n, ɔ yi tannin sɔ'n.»

Mmla'n 9:29

Be ti ɔ sran mun, be ti ɔ liɛ. A fali be Ezipt lɔ bali, sran fi ɔ'a jran-man wɔ.»