Ezai 10:8 - NYANMIƐN NDƐ'N 1998

⁸ Afin be se kɛ: «?E famiɛn i awlo lɔ sran dandan'm be nin famiɛn'm be sɛ-man?

Ezai 10:8 ပူးပေါင်းရင်းမြစ်များ

2 Famiɛn Mun 18:24

?I kpa nin-ɔn, min min i sonja'm be nun kaan kpa'n bɔbɔ'n, a jrɛn i nyrun-ɔn, ɔ yo ye? ?Yɛ ɔ yo sɛ ti yɛ a lafi Ezipt famiɛn'n su bɔ a bu i kɛ ɔ ´man wɔ kakaklolo nin nnɛn kpanngɔ nin-ɔn?

2 Famiɛn Mun 19:10

«Amun `ko se Ezekias b'ɔ ti Zida famiɛn'n kɛ: ‹Nán yaci ɔ wun lɛ man Nyanmiɛn nga a fa ɔ wla'n guɛ i su'n, ɔ laka wɔ. Sɛ be se wɔ kɛ: Asiri famiɛn'n su fa-man Zerizalɛm'n, nán fa su.

Zɔb I Nyrɛnnɛn Wunlɛ 24:23

Ɔ yo man be tran fɔuun be klun ti-man be. Kan kwlaa nga be ´kɔ lɛ'n, ɔ nian be su.

Ezai 10:7

Sanngɛ be liɛ'n, nán kɛ be bu i sɔ-ɔ, be akunndan liɛ'n, nɛ́n i yɛlɛ ng'ɔ o lɛ'n. Like dan sacilɛ nin sran kpanngban kpa be kunlɛ'n yɛ ɔ o be klun-ɔn .

Ezai 10:9

?Sa kunngba nga e fa yoli Kalne'n, nɛ́n i kunngba'n yɛ e fa yoli Karkemis-ɔ? ?Nga e fa yoli Amat'n, nɛ́n i yɛ e fa yoli Arpad-ɔ? ?Nán sa kunngba'n yɛ e fa yoli Samari nin Damas-ɔ?

Ezai 36:8

Nan yoo! Asiri famiɛn'n b'ɔ ti min min'n, i waan amun `kpɛkpɛ: sɛ wɔ yɛ a fali atin klanman'n, ɔ ´fa nnɛn kpanngɔ akpi nnyɔn (2.000) ´man wɔ sɛ a kwla nyan sran fu be su o.

Zeremi 9:23

Sanngɛ sran ng'ɔ lɛ ngwlɛlɛ b'ɔ fa si min'n, bɔ si kɛ min yɛ n ti Anannganman nan n ti klun-ufuefuɛ'n, nan n yo sa i nuan su, n di nanwlɛ'n, i sɔfuɛ'n yɛ ɔ kwla di i nuan-an .» Anannganman'n yɛ ɔ kan sɔ-ɔ.

Ezekiɛl 26:7

Anannganman Nyanmiɛn wan yoo: «Tir klɔ, n wa fa famiɛn'n ng'ɔ o mɛn'n i nglo lɔ lika nun'n, b'ɔ lɛ tinmin tra famiɛn'm be kwlaa'n, bɔ i dunman yɛlɛ Nɛbikadnɛzar, b'ɔ ti Babilɔni famiɛn'n, ɔ ´ba yɛ ɔ nin wɔ be ´kun. Ɔ ´ba-a, ɔ ´fa nnɛn kpanngɔ mun, nin alɛ kakaklolo mun, nin nnɛn kpanngɔ su fufuɛ mun, ɔ nin alɛ kunfuɛ mun kpanngban kpa.

Ezekiɛl 31:5

I sɔ'n ti yɛ ɔ nyinnin bɔ i ti tra bo nun lɔ waka'm be kwlaa nin-ɔn. I sama'm be wa yoli kaka nzue b'ɔ nyrɛn i bo'n ti.

Daniɛl 2:37

A ti famiɛn'm be famiɛn, afin nglo-nglo lɔ Nyanmiɛn'n man a sie mɛn'n, ɔ mannin wɔ tinmin, nin wunmiɛn, ɔ nin anyrunnyan.

Ndɛ Nga Nyanmiɛn I Nuan Ijɔfuɛ Oze Kannin'n 8:10

Ninnge wla nga be fa mannin nvle uflɛ mun lɛ'n, ɔ ti ngbɛn. Blɛ nga ɔ'a ju yɛ'n liɛ'n, n wa tian bé nuan. Trɔ nga wlengbi'm be famiɛn'n ɔ wa fa taka bé ti su'n, ɔ ´ti be kpa.