Ezai 10:3 - NYANMIƐN NDƐ'N 1998

³ ?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 10:3 ပူးပေါင်းရင်းမြစ်များ

Bo Bolɛ 31:1

Zakɔb tili i kɛ Laban i mma'm be waan: «Zakɔb fali é si i ninnge'm be kwlakwla yɛ ɔ fa nyannin i wun lɛ-ɔ.»

2 Famiɛn Mun 7:15

Be ɔli, be ko kunndɛli be lele be juli Zurdɛn'n i nuan. Kɛ be ´kɔ'n, be wunnin kɛ tralɛ mun, ɔ nin ninnge wie mun be tru atin'n nun kɔ. Kɛ Sirifuɛ'm be ´wanndi kɔ'n, bé wun b'ɔ usu-usu be'n ti, yɛ ninnge sɔ'm be guali atin'n nun-ɔn. Be nga be sunmannin be'n be sali bé sin, be wa kannin sa nga be wunnin i'n kleli famiɛn'n.

Zɔb I Nyrɛnnɛn Wunlɛ 31:14

cɛn nga Nyanmiɛn ´jaso kɛ ɔ ´bu min fɔ'n, n ´yo i sɛ? ?Sɛ ɔ usa-usa min nun'n, n ´tɛ i su sɛ?

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Ezai 13:6

Amun `bo awuyomo, afin Anannganman i cɛn'n ɔ'a mantan koko. Ɔ ´ba kɛ Anannganman b'ɔ kwla like'n kwlaa yo'n i like b'ɔ saci like'n kwlaa'n sa .

Ezai 17:4

I cɛn sɔ nun'n, sɛ Izraɛl mɛn'n ti sran'n, wuun e ´se kɛ i nɔnnin'n i su ´kpɛ, yɛ ɔ ´yo koklo.

Ezai 20:6

I blɛ sɔ nun'n, be nga be tran jenvie'n i bue nga su wa'n be ´se kɛ: «Be nga e fa é wla gua be su'n, bɔ e waan e ´fa é nyin e ´fia be sin nan be uka ye'n, nan be `de ye Asiri famiɛn'n i sa nun'n, be `nian sa bɔ ɔ'a ju be su-ɔ. ?Yɛ e ´yo i sɛ siɛn'n nan y'a fite nun?»

Ezai 26:14

Sran nga be wu'n, be sa-man bé sin nguan'n nun kun. Sran nga be sin wie nun'n, be jaso-man kun. A bali, a wa nunnunnin be, a yoli man bé wla fili be su mlɔnmlɔnmlɔn.

Ezai 26:21

Afin Anannganman fin i tranwlɛ'n nun lɔ su ba kɛ ɔ wa tu be nga be wo asiɛ'n su'n be fɔ sa tɛ bɔ be yo'n ti. Mmoja ng'ɔ guali asiɛ'n su'n, be ´wun i, sran nga be wuli'n, like fi su kata-man be su kun.

Ezai 28:20

Bɛ'n ɔ wa yo kaan, i ti be su kwla-man su la, yɛ tannin nga be fa kata be su'n ɔ ´yo kaan, ɔ man ɔ su ju-man be su katalɛ.

Ezai 29:6

Anannganman b'ɔ sie mɛn wunmuan'n ɔ wa nian amun osu. Kɛ ɔ ´ba'n, nyanmiɛn'n ɔ ´kpla, asiɛ'n ɔ ´keje, nganniɛn dan kpa kun ´tɛ, seke'n ´tu, aunngban dan kun ɔ ´fita, yɛ sin dan kun ɔ ´jue vlauun-vlauun.

Ezai 30:16

Amun waan: ‹E kplin-man su, e ´fu e nnɛn kpanngɔ'm be su e ´wanndi e kɔ.› Ɔ ´yo sɔ bɔ le, sanngɛ amun su kɔ-man sa ngbɛn, san be ´fuan amun yɛ amun ´wanndi kɔ-ɔ. Amun waan: ‹E ´fu e nnɛn kpanngɔ nga bé ja nun yo mmlɛ'n be su yɛ e ´kɔ-ɔ.› Ɔ ti sɔ, sanngɛ be bɔ be ´fuan amun'n, be wa kwla wanndi tra amun.

Ezai 30:5

Bé nyin yɛ ɔ ´gua ase-ɔ, afin Eziptfuɛ'm be su kwla uka-man be, be su kwla de-man be, yɛ be su kwla nian-man be lika. San nyannzuɛn cɛ yɛ bé ´wun i-ɔ, yɛ sokpalɛ cɛ yɛ be ´sokpa be-ɔ.»

Ezai 30:7

Sɛ be se wɔ kɛ Eziptfuɛ'm be kwla uka be'n, ɔ ti ato. I sɔ'n ti n flɛ Eziptfuɛ'm be kɛ Raab b'ɔ yo-man like fi'n.

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Ezai 39:3

Yɛ Ezai b'ɔ ti Nyanmiɛn i nuan ijɔfuɛ'n ɔ wa toli Ezekias-ɔ. Ɔ usɛli i kɛ: «?Sran sɔ'm be waan nzɛ? ?Ninfan mɛn liɛ'n nun yɛ be fin-ɔn?» Ezekias tɛli i su kɛ: «Be fin mɛn mmua kpa kun nun, be fin Babilɔni.»

Ezai 5:14

I sɔ'n ti, wie'n ɔ'a trɛ i nuan'n nun, ɔ'a trɛ nun dan kpa. Zerizalɛmfuɛ mun, be kpakpa mun o, be kun nga mun o, ɔ nin trulɛ nga be ´tru be ´di cɛn'n lɛ'n, be ´ko tɔ wie'n i nuan sɔ'n nun.

Ezai 5:26

Anannganman ɔ'a man nzɔliɛ kun su ɔ'a man nvle nga be o muamua lɔ'n. Ɔ bo feliman flɛ be nun kun kɛ be wo asiɛ'n i bue kun'n su lɔ'n. Yɛ amun `nian, ɔ su kɛn i wun ba ndɛndɛ kpa. Ɔ tu glaunglaun yɛ ɔ ba-a.

Zeremi 22:7

N ´sunman like sacifuɛ mun ɔ wun, bé sa nun alɛ ninnge sɛsɛsɛ yɛ be ba-a. Be ´kpɛkpɛ ɔ sɛdri nglanman-nglanman kpa'm be bo. Be ´gua be sin nun.»

Zeremi 4:30

?Zerizalɛm, a ´wla tralɛ klanman'n nin njuaba'n ´fa yo nguɛ? ?A ´yo ɔ nyinma sin gale'n ´yo nguɛ? A di talua-a a ´di i ngbɛn. Ɔ klofuɛ'm bé nyin ´ci wɔ siɛn'n. Kunlɛ yɛ be ´kunndɛ kɛ be ´kun wɔ-ɔ.

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 9:9

«N ´tike mín ti n ´sun oka'm be su. N ´yi ngwlɛ mɛn'n nun nnɛn'm be didiwlɛ'm be ti, yɛlɛ kɛ b'a yra, sran fi sin-man lɔ kun. Be ti-man nnɛn'm be kpankpanlɛ lɔ kun. I anunman o, i nnɛn o, be kwlaa b'a wie wanndi.»

Ndɛ Nga Nyanmiɛn I Nuan Ijɔfuɛ Oze Kannin'n 5:13

Efraimfuɛ'm be wunnin be tukpacɛ'n, Zidafuɛ'm be kusu be wunnin bé wun kannin dan'n. Ɔ man Efraimfuɛ'm be nuan toli Asirifuɛ mun. Be sunmannin sran famiɛn dan'n i wun lɔ. Sanngɛ Efraimfuɛ mun famiɛn sɔ'n su kwla yo-man man amun jaso-man, ɔ su kwla yo-man amún kannin'n i ayre.

Ndɛ Nga Nyanmiɛn I Nuan Ijɔfuɛ Oze Kannin'n 9:5

?Anyia cɛn'n b'ɔ ti Anannganman'n i cɛn'n, sɛ ɔ ju'n, amun ´yo i sɛ?

Ndɛ Nga Nyanmiɛn I Nuan Ijɔfuɛ Oze Kannin'n 9:7

Amun fɔ tulɛ nga Anannganman'n kɛnnin i ndɛ'n, i blɛ'n ɔ'a wie ju. Yɛ amun kalɛ tualɛ blɛ'n kusu ɔ'a wie ju. I sɔ blɛ nun'n, Izraɛl wa si kɛ sa ti-ɔ. An ko se kɛ: «Nyanmiɛn nuan ijɔfuɛ'n ɔ'a bo fia, sran sɔ'n b'ɔ nin Nyanmiɛn be ijɔ'n i ti ɔ'a saci.» Sɛ ɔ bo fia'n, ɔ fin amun sa tɛtɛ beblebe'n, ɔ fin abɔlɛ kpɔlɛ nga amun kpɔ i'n .

Amɔs 5:19

Amun ´yo kɛ sran wie bɔ i waan ɔ su wanndi asɔmɔli i nyrun kpɛkuun ɔ'a kɔ fu kangale su'n sa. Kɛ ɔ fɛ i lɛ ju i awlo lɔ, ɔ ´fɛ i sa fua talɛ wun-ɔn, wuo ɔ'a kɛ i.

Mise 7:4

Be nun kun ng'ɔ flunman kan'n, i like b'ɔ fɛ i'n yɛlɛ ako owie. Be nun nanwlɛfuɛ'n i gblɛ'n i tɛ'n tra agualɛ. Amun fɔ tulɛ cɛn nga amun klɔ sasafuɛ'm be kɛnnin i ndɛ'n kusu yɛ ɔ ´ba lɛ. Nanwlɛ, kɛ e ´se yɛ'n, amun klun titi amun.

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

JÉSUS-CHRIST I DYASIN FE'N BO LUC KLELI'N 19:44

be ´bubu klɔ'n, yɛ be ´kun klɔ'n su sran mun, be su yaci-man talɛ fi lɛ yɛlɛ kɛ kɛ Nyanmiɛn wa niannin amun osu'n, amu'an wun-mɛn i wlɛ.»

Mmla'n 28:49

Anannganman ´yo man nvle wie nunfuɛ'm bɔ amun ti-man be aniɛn'n, be ´fɛ i mɛn'n i bue kun lɔ lele be wa tɔ amún su. Be ´jra amún su kɛ anunman nyin su jra like su sa.

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.