Ezai 10:23 - NYANMIƐN NDƐ'N 1998

²³ Anannganman b'ɔ sie mɛn wunmuan'n, sran'm be nunnunlɛ b'ɔ guguli kɛ ɔ ´yo'n, ɔ'a bo i bo mɛn wunmuan'n nun.

Ezai 10:23 ပူးပေါင်းရင်းမြစ်များ

Jue Mun 46:9

Amun `bla be wa nian sa nga Anannganman yo'n, amun `nian sa sroesroe ng'ɔ yo i asiɛ'n su'n.

Ezai 28:22

Siɛn'n, amun `yaci amun sran'm be finfin yolɛ, sɛ ɔ ti-mɛn i ti-ɔ, nyanman'n ɔ ´mian amun kɔmin. Afin be wa saci mɛn wunmuan'n, ɔ lɛ-man ayre. Anannganman b'ɔ sie mɛn wunmuan'n yɛ ɔ seli min sɔ-ɔ.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 9:27

Kɛ ɔ wa ju afuɛ nso kasiɛn'n i awieliɛ'n, ɔ wa mianmian sran kpanngban kpa. Kɛ ɔ di afuɛ nsan nin sin'n, ɔ wa tannin sraka yilɛ'n nin cɛlɛ yilɛ'm be atin. Like sacifuɛ sɔ'n, tete sa ng'ɔ wa yo be'n, be kwla kan-man. Ɔ ´yo i sɔ lele ɔ ´fa ju cɛn nga be kleli i kɛ i bɔbɔ saci'n.»

Rɔmfuɛ Mun 9:28

Afin sa nga e Min'n se kɛ ɔ ´yo i mɛn nun'n, ɔ ´yo i trɛlɛlɛ ɔ ´wie .»