Ezai 10:2 - NYANMIƐN NDƐ'N 1998

² Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezai 10:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 31:16

?Kɛ yalɛfuɛ'm be srɛ min like m'an yo be anwɛn le? ?Angboti bla wie ɔ'a minndɛ min like wie ti lele ɔ'a fɛ ngbɛn le?

Jue Mun 94:6

Be kun angboti bla mun nin aofuɛ mun, be kun aika ba mun.

Ezipt Lɔ Tulɛ'n 23:6

Sɛ sran wie waan a `di i jɔlɛ'n, sɛ ɔ ti yalɛfuɛ bɔbɔ'n, nán niɛn i yalɛ'n ti bu i ndɛ kwlɛ.

Nyanndra Mun 22:22

Nán nian kɛ yalɛfuɛ'n lɛ-man sran'n ti de i wun ninnge mun. Sran b'ɔ lɛ-man wie'n, bɔ sɛ jɔlɛ diwlɛ lɔ be su di i ndɛ kwlɛ'n nán jran bé sin.

Nyanndra Mun 30:14

Sran wie'm be o lɛ'n, be je'm be la kɛ kue sa yɛ bé nuan'm be la kɛ laliɛ sa. Mɛn'n nun afɛfuɛ'm be ti kɛ be nnɛn sa yɛ be di-ɔ. Be nin yalɛfuɛ'm be lɛ i. Be kunndɛ kɛ be ´yi be sran nun.

Ezai 1:17

Amun `suan sa kpa'n i yolɛ, amun `yo sa'm be nuan su. Sran ng'ɔ kle sran'm be nyrɛnnɛn'n, amun `yo man ɔ kaci i sa. Amun `di aika mma'm be jɔlɛ'm be kpa, amun `jran angboti mmla'm bé sin.»

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Ezai 3:14

Anannganman su di i sran'm be afɔtuɛ manfuɛ mun nin be kpɛnngbɛn'm be jɔlɛ. Ɔ se be kɛ: «Amu'an saci vinyi'n. Like nga amun fali be yalɛfuɛ'm bé sa nun'n, be o amún sua'm be nun.

Ezai 3:15

?Nzu ti yɛ amun tin min sran'm be su-ɔ? ?Nzu ti yɛ amun yo yalɛfuɛ'm be tokotoko sɔ-ɔ?» Min, Anannganman bɔ n sie mɛn wunmuan'n min yɛ n usa sɔ-ɔ.

Ezai 32:6

Sinnglinfuɛ'n i nuan nun ndɛ'n ti tɛtɛ ngunmin. Sa tɛ'n i yolɛ'n yɛ ɔ o i akunndan'n nun-ɔn. Ɔ kpɔ Nyanmiɛn. Ndɛ nga be saci i wun'n yɛ ɔ kan be-ɔ. Sran nga awe kun i'n, ɔ mɛn-mɛn like ɔ di-man. Yɛ nga nzue we kun i'n, ɔ mɛn-mɛn i nzue ɔ nɔn-man.

Ezai 5:23

Sɛ sran kun yo sa tɛ'n, kɛ ɔ man be adi'n, kpɛkuun b'a di i ndɛ'n klanman. Sɛ sran wie i ndɛ'n yo fɛ'n, be bu ndɛ'n be yi su.

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Ezai 59:15

Nanwlɛ nun-man lɛ kun, sran nga i waan ɔ yo-man sa tɛ'n, be fɛn i bo ninnge mun. Anannganman wunnin sa ng'ɔ juli'n kwlakwla. Kɛ sran'm be bu-man nanwlɛ'n i like fi kun'n, i sɔ'n ɔ'a yo-mɛn i fɛ.

Zeremi 7:6

sɛ an yo-man aofuɛ nin aika ba, ɔ nin angboti bla'm be tɛtɛ'n, sɛ an yaci sran nga b'a yo-man sa'm be kunlɛ lika nga nun wa'n,

Ngwlɛ Yilɛ 3:35

bɔ be ´yo sran kun i sa ng'ɔ nin klɔ sran fata-man Nyanmiɛn bɔ like fi nun-mɛn i sin'n i nyrun,

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Amɔs 2:6

Anannganman'n wan yoo: «Izraɛlfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Sran nga ɔ'a yo-man sa'n, sika dunman nun ti be yo i atɛ ɔ kaci kanga. Ngbabua kunngun nnyɔn cɛ bɔ yalɛfuɛ'n ɔ'a kwlɛ-mɛn i kalɛ tannin'n ti, be yo i atɛ.

Amɔs 2:7

Nga be kunndɛ'n, yɛlɛ kɛ be bɔ be lɛ-man like'n, be ´mianmian be lele be ´de be sa nun ninnge kwlaa. Yalɛfuɛ'n kɛn i ndɛ liɛ-ɔ, jɔlɛ difuɛ'm be bu-mɛn i like fi. Sran kun nin i si be kunndɛ bla kunngba. I sɔ'n ti min dunman'n i sacilɛ.

Amɔs 5:19

Amun ´yo kɛ sran wie bɔ i waan ɔ su wanndi asɔmɔli i nyrun kpɛkuun ɔ'a kɔ fu kangale su'n sa. Kɛ ɔ fɛ i lɛ ju i awlo lɔ, ɔ ´fɛ i sa fua talɛ wun-ɔn, wuo ɔ'a kɛ i.

Mise 3:1

Zakɔb anunman'm bé su kpɛnngbɛn mun, Izraɛl nvle'n nun jɔlɛ difuɛ mun, an `sie amún su man n kan ndɛ n `kle amun. ?Nán amun yɛ ɔ fata bɔ an si mmla nin-ɔn?

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [