Ezai 10:13 - NYANMIƐN NDƐ'N 1998

¹³ Afin Asiri famiɛn'n seli kɛ: «Min bɔbɔ min wunmiɛn'n yɛ n fa n dili junman ng'ɔ o lɛ'n kwlakwla-a. Min ngwlɛlɛ'n yɛ n fa yoli i kwlakwla-a, afin n ti akunndanfuɛ. N sieli nvle-nvle'm be anyialiɛ'm be uflɛ. N fali nvle-nvle'm be nunfuɛ'm bé anwlɛn su ninnge mun. Kɛ bɔ n lɛ nyrun'n ti'n, n yoli man famiɛn'm be tɔli.

Ezai 10:13 ပူးပေါင်းရင်းမြစ်များ

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Mmla'n 8:17

Nán amun si amun wue nun se kɛ: «E bɔbɔ e wunmiɛn nin é sa kekle yɛ man e kwla nyannin e wun-ɔn.»

Abakik 1:16

Be kun nnɛn be fa sɔ be lala mun. Be yra ansans be man be afin sɛ be ´di aliɛ kpa-a, ɔ fin be.

Amɔs 6:13

Lɔdɛbar klɔ bɔ be ti-man like fi bɔ an kwlɛli i'n ti, an su di i ti cɛn. An ko se kɛ yoo: «E lɛ wunmiɛn o, y'a fa Karnaim!»

Amɔs 5:27

I sɔ'n ti, n ´yo man be wa tra amun be ´kɔ Damas sin mmua lɔ kpa.» Nyanmiɛn b'ɔ sie mɛn wunmuan'n, b'ɔ suan Anannganman'n yɛ ɔ kan sɔ kle amun-ɔn .

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Ezekiɛl 26:2

«Klɔ sran, Tirfuɛ'm be yo Zerizalɛm finfin be se kɛ: ‹Klɔ bɔ sran kwlaa sin su'n, ɔ'a bubu. Siɛn'n bɔ Zerizalɛm ɔ'a bubu'n, junman ng'ɔ di'n ɔ'a ka e sa nun. Ɔ ´yo nvuɛn, yɛ e klɔ liɛ'n kusu ´yi.

Ezekiɛl 25:3

Se be kɛ: ‹Amun `sie amun su amun tie Anannganman Nyanmiɛn i nuan su ndɛ'n. Anannganman Nyanmiɛn wan yoo: Kɛ bɔ amun srili min sua'n bɔ be yoli i wannzo, kɛ bɔ amun srili Izraɛl asiɛ'n blɛ b'ɔ sacili nin Zida awlo'n blɛ bɔ be trali lɔfuɛ mun be lomuɛn ɔli'n,

Ezai 10:8

Afin be se kɛ: «?E famiɛn i awlo lɔ sran dandan'm be nin famiɛn'm be sɛ-man?

1 Be Nyoliɛ 5:26

Anannganman suli Asiri famiɛn nga be suan Pil nin Tilgat-Pilnezɛr'n bé bo kɛ be tra be wɔ be mɛn'n nun. Be fa be ɔli Kalak, nin Kabɔr, nin Ara, ɔ nin Gɔzan nzue'n nuan lɔ. Lele ndɛ be tɛ tran lɔ.

2 Famiɛn Mun 18:32

Cɛn nga m ba'n, n ´fa amun n ´kɔ mɛn kun b'ɔ ti kɛ amun liɛ sa'n nun. Mɛn sɔ'n i asiɛ'n ti kpa. Ble nga be fa yo kpaun'n, nin vinyi nga be fɛ i mma'n yi nzan'n, ɔ nin olivie nga be fɛ i mma'n yi ngo'n, ninnge sɔ'm be yo ye lɔ kpa. Awɛma nzue o lɔ ekun. Amun su wu-man, sanngɛ amun ´nyan nguan. I ti nán amun tie Ezekias b'ɔ kpɛ amun gblɛ'n i nuan ndɛ'n. Ɔ se amun kɛ: Anannganman ´de ye! Gblɛ yɛ ɔ kpɛ-ɔ!

2 Famiɛn Mun 18:15

Nan Ezekias ɔ'a fa sika ng'ɔ o Anannganman i sua'n nun'n nin ng'ɔ o famiɛn sua'n nun lɔ bɔlɛ'n nun'n ɔ'a man.

2 Famiɛn Mun 18:11

Asiri famiɛn'n trali Izraɛlfuɛ'm be lomuɛn yɛ ɔ fali be ɔli Asiri. Ɔ ko sieli wie mun Kalak nvle'n nun. Ɔ ko sieli wie mun nzue ba bɔ be flɛ i Kabɔr'n i nuan. Nzue ba sɔ'n wo Gɔzan nvle'n nun. Yɛ ɔ ko sieli wie mun ekun Medifuɛ'm be klɔ'm bé su.

2 Famiɛn Mun 17:24

Asiri famiɛn'n fali sran mun Babilɔni, nin Kita, nin Ava, nin Amat, ɔ nin Sɛfarvaim lɔ bali. Ɔ man be trannin Izraɛlfuɛ'm be osu Samari klɔ'm bé su. Samari klɔ'n nin i sasu'n kwlaa be yoli be liɛ.

2 Famiɛn Mun 17:6

Kɛ Oze yoli famiɛn'n, i afuɛ ngwlan'n su yɛ Salmanazar fali Samari klɔ nin-ɔn. Ɔ fali Izraɛlfuɛ mun ɔli Asiri. Ɔ man be trannin Ala. Klɔ sɔ'n wo Gɔzan lɔ nzue ba bɔ be flɛ i Kabɔr'n i nuan. Yɛ ɔ man wie'm be trannin Medifuɛ'm be klɔ'm bé su.

2 Famiɛn Mun 16:8

Yɛ Akaz fali jɛtɛ ufue nin sika ɔkwlɛ ng'ɔ o Anannganman i sua'n nun nin famiɛn'n sua'n nun'n. Ɔ fɛli i bɔlɛ siewlɛ'n nun, ɔ fa ko mannin Asiri famiɛn'n.

2 Famiɛn Mun 15:29

Pekak blɛ su'n, Tilgat-Pilnezɛr b'ɔ ti Asiri famiɛn'n wa fali klɔ nga be o yɛ mun: Izɔn, nin Abɛl-Bɛt-Maaka, nin Zanɔak, nin Kedɛs, ɔ nin Azɔr. Ɔ fali Galile mɛn'n, nin Galaad mɛn'n, ɔ nin Nɛftali lika wunmuan'n. Ɔ fali lika sɔ'm be nun sran mun ɔli Asiri.

Zeremi 46:8

Ezipt bɔ ɔ'a yi lele kɛ Nil'n sa nin-ɔn. Ɔ ko se kɛ: «N ´yi bu gua, n ´lele mɛn mun. N ´saci klɔ mun nin be su tranfuɛ mun.» Eziptfuɛ'm be waan:

Zeremi 48:14

«?Ɔ ju sɛ yɛ man amun ko se kɛ yoo: ‹E ti safunyrɛn, e si alɛ kun nin-ɔn?›

Ezekiɛl 35:13

Ɔ ijɔlɛ fiaii nun a jasoli mín wun. A kpɛli min nzowa tɛtɛ mun. M bɔbɔ n tili.

Abakik 2:6

Nvle sɔ'm be ´di i asanse, tutrefuɛ sɔ'm bé wun lakaci ndɛ yɛ be ´kan-an, be sri be, be yo be finfin.» «Be ´se kɛ yoo: ‹Be nga sran'm bé bo ninnge'n yɛ be wua be fa yo be liɛ'n, bɔ sran'm be aowa'n yɛ b'a de lele'n, be yako lele. ?Nan cɛn onin ko yɛ be ´yaci i sɔ sa liɛ'n be yolɛ-ɔ?›

Jɔlɛ Difuɛ Mun 7:2

Anannganman seli Zedeɔn kɛ: «Sran nga be o ɔ́ sa nun'n be sɔnnin ngboko. Sɛ n yi Madian m man Izraɛlfuɛ mun'n, be wa fa di bé nuan be ´se kɛ: ‹E bɔbɔ é sa kekle yɛ e fa nyannin e ti-ɔ.› Kpɛkuun be ´kpi min dunman'n i ase.

Nyanndra Mun 28:11

Anyanbeunfuɛ'n wun i wun-ɔn, i waan ɔ si ngwlɛlɛ. Sanngɛ yalɛfuɛ ng'ɔ lɛ akunndan'n, ɔ kwla wun anyanbeunfuɛ sɔ'n i sa'm bé bo.

Ezai 5:21

Be nga be bu bé wun kɛ be si sa'n, bɔ be bu bé wun kɛ be ti ngwlɛlɛfuɛ'n, be yako!

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Abakik 1:11

Kpɛkuun be sin kɛ aunngban dan kun b'ɔ su sin'n sa. Be sin kɔ lika uflɛ be ko yo sa tɛ ekun, yɛlɛ kɛ be like liɛ bɔ be lafi su'n yɛlɛ be wunmiɛn'n.»