Ezai 10:12 - NYANMIƐN NDƐ'N 1998

¹² Sɛ Anannganman ko wie i junman'n kwlakwla di Siɔn oka'n su lɔ nin Zerizalɛm lɔ'n, ɔ nin Asiri famiɛn'n be ´yia nun i wun tulɛ'n nin i wun dandan yolɛ'n ti.

Ezai 10:12 ပူးပေါင်းရင်းမြစ်များ

2 Famiɛn Mun 19:31

Sran onga kaan nga be wa ka lɛ'n be ´trɛ Zerizalɛm wa, yɛ be kaan nga be fiteli nun'n, be ´sɔn kaka kpa Siɔn oka'n su. Like nga bɔ Anannganman i klolɛ dan b'ɔ klo amun'n ti ɔ ´yo'n yɛ ɔ o lɛ-ɔ.

Jue Mun 18:27

Sran ng'ɔ ti saun'n, a yi ɔ saun bɔ a ti'n i nglo kle i. Sran nga kusu b'ɔ bu i wun ngwlɛlɛfuɛ'n, a yi ɔ ngwlɛlɛ'n i nglo kle i.

Jue Mun 21:10

Sɛ ɔ́ nyin gua bé wun'n, a ´fa be trɔ sin dan kpa. Anannganman kusu ɔ ´fa ya, ɔ ´nunnun be, sin'n ɔ ´di be.

Jue Mun 76:5

Nyanmiɛn, kɛ a fin oka nga be ti adudua'n be su lɔ ´ba'n, a yo nyɛnmɛn o, a yo sro o.

Nyanndra Mun 21:4

Sa tɛ yofuɛ'm be like b'ɔ o bé wun'n yɛlɛ bé wun nyinman-nyinmanlɛ nin bé wun tulɛ.

Nyanndra Mun 30:13

Sran'n wie o lɛ'n, ɔ yo-mɛn i wun kpakpa ngowa. Sran fi ti-man sran i nyrun.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Ezai 24:21

I cɛn sɔ nun'n, Anannganman ɔ ´tu nglo lɔ ninnge'm be fɔ nyanmiɛn su lɔ. I cɛn sɔ nun'n, ɔ ´tu asiɛ'n su famiɛn'm be fɔ .

Ezai 27:7

?Anannganman boli i sran mun kɛ ɔ fa boli be nga be boli be'n sa? ?Annzɛ ɔ kunnin be kɛ ɔ fa kunnin be nga be kunnin be'n sa?

Ezai 27:9

Sanngɛ siɛn'n, wafa nga be ´yaci Izraɛlfuɛ'm bé wun sa'n cɛ be'n, yɛ wafa nga be ´nunnun bé sa tɛ'n su'n yɛ: be wa bubu sraka yiwlɛ lika'm be yɛbuɛ'm be nun, be ´nunkun be kɛ like pɔpɔ wie sa, be ´yo kɛ ndutre sa. Be su taka-man yɛbuɛ nga be sɔ be'n kun, be su kplan-man sraka yiwlɛ nga be yra ansans su'n mun kun.

Ezai 29:14

I sɔ'n ti, n wa yo man bé nuan'n ´bo bé wun. N wa yi atrɛ mun yɛ n ´yo abonuan sa mun. Akunndanfuɛ'm be akunndan'n ɔ ´mlin, yɛ ngwlɛlɛfuɛ'm be ngwlɛlɛ'n ɔ ´fia .»

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Ezai 37:23

?Wan li yɛ a kɛnnin i ndɛ tɛtɛ bɔ a kpɛli i nzowa nin-ɔn? ?Wan yɛ a ´kɛn i ndɛ bɔ a man ɔ nɛn'n su nin-ɔn? ?Wan yɛ a kpɛli i kannglɛ gaan nin-ɔn? ?Izraɛl Nyanmiɛn bɔ fɔ nun-mɛn i wun nin-ɔn, nɛ́n i-ɔ?

Ezai 37:29

Kɛ bɔ a fali mín wun ya, bɔ a kannin min wun ndɛ tɛtɛ'n ti'n, n wa wla ɔ bue nun nga, yɛ n ´wla ɔ́ nuan nun nga. N ´fa wɔ n ´sin atin kunngba nga a fa bali'n su, n ´fa wɔ n ´sa ɔ́ sin.›

Ezai 5:15

I sɔ'n ti, be wa kan sran'm be ase, yɛ be wa gua be nyin ase. Sran nga be ti wun tufuɛ'n, be ´kan be ase.

Ezai 50:11

Amun kwlaa nga amun sɔ sin nuan'n, bɔ amun sɔ ta mma'm be nuan'n, amun ´wlu amun bɔbɔ amún sin sɔ'n nun, amun ´wlu ta mma nga amun sɔli be nuan'n be afiɛn. Anannganman yɛ man amun ´yo sɔ-ɔ. Amun ´tran nyrɛnnɛn'n nun.

Ezai 65:7

Min Anannganman, min wan yoo: «Bé sa tɛtɛ'm bɔ be yo be'n nin be nannan'm be liɛ'n, m ´bubu be n ´sie nan n ´si be nuan, be nannan'm be yra ansans be mannin amuɛn mun oka'm be su, be sɔtɔ i sɔ yolɛ'n, ɔ'a cɛ. Be klɔklɔli min kpɔlɛ'm bé su. Bé sa tɛtɛ nga be yoli i laa'n, n ´tannin i nuan kalɛ'n m ´man be. Ɔ ´ti be kpa.»

Ezai 9:9

«Talɛ'm be bliki'm b'a tɔ, sanngɛ e ´fa yɛbuɛ nga be sɛli'n e ´fa kplan be uflɛ! Janvlɛ'm b'ɔ be ti sikomɔr waka'n, be kpɛkpɛli be, sanngɛ e ´fa janvlɛ bɔ be ti sɛdri waka'n e ´kaci be.»

Zeremi 25:29

?Kɛ bɔ klɔ nga min dunman'n wo su yɛ'n n dun mmua n fali nyrɛnnɛn'n n yili su nin-ɔn, yɛ amun li yɛ n ´yaci n ´cɛ amun-ɔn? N su yaci cɛ-man amun. N ´fa alɛ'n n yi i asiɛ wunmuan'n su. Min Anannganman b'ɔ n sie mɛn wunmuan'n yɛ ɔ kan sɔ-ɔ.»

Zeremi 50:18

Ɔ man i ti Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Sa nga n fa yoli Asiri famiɛn'n, i kunngba'n yɛ n ´fa yo Babilɔni famiɛn'n nin i mɛn nin-ɔn.

Zeremi 50:32

«Wun tufuɛ'n ɔ ´bo nvaka kpɛkuun ɔ ´tɔ. Be su nyan-man sran fi b'ɔ ´mɛn i su-ɔ. N ´fa sin n yi i klɔ'm be nun. I sɔ sin liɛ'n ´didi kɔ klɔ nga be o i asa'm be su'n be su.»

Ezekiɛl 31:10

«I sɔ'n ti'n Anannganman Nyanmiɛn wan yoo: ‹Ɔ nyinnin dan. I ti'n ɔ tra bo'n nun lɔ waka mun. Ɔ fɛli i nyinlɛ'n ɔ tuli i wun.

Ezekiɛl 31:14

Kɛ ɔ'a yo sɔ'n, i liɛ'n, waka nga be o nzue nuan'm be wie fi su nyin-man tɛnndɛn sa kun, yɛ i ti'n su tra-man waka kun nga'n mun. Sɛni waka bɔ be nyan nzue'n wie'n, be su kwla nyin-man ndɛnndɛn. Afin i sran o, i waka o, be kwlaa be ´wu, be ´kɔ asiɛ'n i bo lɔ be ´to be nga be la i bo lɔ'm be lɔ.› »

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Kalɛ 24:24

Kitim bue liɛ'n su lɔ alɛ mma'm be su ba Be nga be fa mɛn'n, be ´yo Asirifuɛ mun be nin Ebɛr i osu'n nunfuɛ'm be tɛtɛ, sanngɛ be bɔbɔ kusu be su kɔ mlinlɛ.»

Matthieu 12:33

«Man be se kɛ waka ng'ɔ ti kpa'n ɔ su mma kpakpa, yɛ waka ng'ɔ ti-man kpa'n ɔ su-man mma kpakpa, afin kɛ waka kun ti'n, yɛ i mma'n ti-ɔ .

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Mmla'n 32:27

Like ng'ɔ jrannin min'n, yɛlɛ be kpɔfuɛ'm be finfin bɔ be yo min'n. Be kwla-man be kpɔfuɛ mun. Kɛ ɔ wa yo lɛ'n, kpɛkuun be kpɔfuɛ sɔ mun be ´si be wue nun be ´se kɛ: ‹Anannganman ɔ'a yo-man like fi, e bɔbɔ yɛ e kwlali be-ɔ.›

1 Piɛr 4:17

Cɛn nga be ´bo jɔlɛ dilɛ'n bo'n ɔ'a ju, be ´bo i bo Nyanmiɛn bɔbɔ i awlo'n nun. ?Sɛ e su yɛ be ´bo i bo'n, be nga be fa-man Nyanmiɛn jasin fɛ'n su'n, be liɛ'n ´yo sɛ?