Ezai 10:1 - NYANMIƐN NDƐ'N 1998

¹ Be nga be kpɛ mmla tɛtɛ mun, bɔ be kpli be klɛ mmla nga be kle sran'm be nyrɛnnɛn'n, be yako!

Ezai 10:1 ပူးပေါင်းရင်းမြစ်များ

1 Famiɛn Mun 21:13

Sran finfinfuɛ nnyɔn be bali be wa trannin i nyrun ndɛnman su lɛ, kpɛkuun be tɔnnin i suɛn nzrafuɛ'm be nyrun. Be waan: «Nabɔt boli Nyanmiɛn nin famiɛn'n be sannzan.» Yɛ be fali Nabɔt klɔ'n nun fiteli, nan b'a ko finfin i yɛbuɛ b'a kun i.

Jue Mun 58:2

?Sran mun, amun nanwlɛ ti-ɔ, kɛ amun muan amun nuan'n su'n, ɔ ´yo sɛ nan amu'an kwla di jɔlɛ mun? ?Sɛ amun yo sɔ'n, amun ´kwla kan sran'm be ndɛ mun nin nanwlɛ?

Ezipt Lɔ Tulɛ'n 23:3

Sɛ sran kun ti yalɛfuɛ bɔbɔ nan i ndɛ yo-man fɛ'n, nán nian kɛ ɔ ti yalɛfuɛ'n ti a se kɛ a jran i sin.

Ezipt Lɔ Tulɛ'n 23:6

Sɛ sran wie waan a `di i jɔlɛ'n, sɛ ɔ ti yalɛfuɛ bɔbɔ'n, nán niɛn i yalɛ'n ti bu i ndɛ kwlɛ.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Ezai 3:14

Anannganman su di i sran'm be afɔtuɛ manfuɛ mun nin be kpɛnngbɛn'm be jɔlɛ. Ɔ se be kɛ: «Amu'an saci vinyi'n. Like nga amun fali be yalɛfuɛ'm bé sa nun'n, be o amún sua'm be nun.

Ezai 5:11

Be nga bɔ nglɛmun ndɛ kpa'n be ko kunndɛ nzan kekleke be nɔn'n, be yako! Be nga kɔnguɛ be la-man'n, bɔ nzan yɛ be nɔn i kɛ be ´fa kan bé wun nglɛ'n, be yako!

Ezai 5:18

Be nga be fa gblɛ kpɛlɛ'n yo kɛ nyanman sa be fa cuɛn fɔnlɛ'n, be nga be cuɛn sa tɛ'n kɛ be fa cuɛn kakaklolo sa'n, be yako!

Ezai 5:23

Sɛ sran kun yo sa tɛ'n, kɛ ɔ man be adi'n, kpɛkuun b'a di i ndɛ'n klanman. Sɛ sran wie i ndɛ'n yo fɛ'n, be bu ndɛ'n be yi su.

Ezai 5:8

Sran nga be kplan sua uka sua su'n, be nga be di fie uka fie su'n b'ɔ man lika fi ka-man lɛ'n, be yako! Be ngunmin yɛ be lɛ tranwlɛ mɛn'n nun-ɔn.

Ezai 59:13

E nyin yi-man Anannganman, e kpɛ i gblɛ, e kan ndɛ kekleekle bɔ be ti tɛtɛ'n, e jaso i wun, gblɛ kpɛlɛ'n yɛ ɔ wo e nun-ɔn, ɔ man e bua ato.

Ezai 59:4

Gblɛ sa'm be su yɛ amun kwlaa amun jran be sanman be wiengu-ɔ. Yɛ amun kwlaa amun bua ato jɔlɛ difuɛ'm be nyrun. Amun lafi ninnge ngbɛn-ngbɛn'm be su yɛ amun kan ndɛ bɔ ti-man ndɛ nin-ɔn. Amun bu klunwi yolɛ'n i akunndan, kpɛkuun i agualiɛ su'n, sa tɛtɛ'n yɛ amun yo-ɔ.

Zeremi 22:13

«Zozakim yako, a su kplan ɔ famiɛn sua'n, sanngɛ a di-man jɔlɛ nanwlɛ nun. A su kplan uflɛ taka su, sanngɛ a nanti-man mmla'n su. Sran'm be di junman man wɔ-ɔ, a tua-man be kalɛ, i sa ka.

Amɔs 2:7

Nga be kunndɛ'n, yɛlɛ kɛ be bɔ be lɛ-man like'n, be ´mianmian be lele be ´de be sa nun ninnge kwlaa. Yalɛfuɛ'n kɛn i ndɛ liɛ-ɔ, jɔlɛ difuɛ'm be bu-mɛn i like fi. Sran kun nin i si be kunndɛ bla kunngba. I sɔ'n ti min dunman'n i sacilɛ.

Mise 6:16

Famiɛn Ɔmri ɔ nin i wa Akab i awlofuɛ'm bé sa tɛtɛ nga be yo'n, i su yɛ amun nian-an. Like nga be yo'n, yɛ amun yo-ɔ. I sɔ'n ti amun klɔ'n ɔ ´bo. Amun kusu bɔ amun wo klɔ'n su'n, srisrilɛ yɛ be ´srisri amun-ɔn. Nyannzuɛn trɔ nga bɔ yɛ ɔ jin min mɛn wunmuan'n i ti su yɛ'n, amun yɛ amun ´suɛ i sɔ nyannzuɛn trɔ liɛ nin-ɔn.»

Abakik 2:12

Sran ng'ɔ fa sran kunlɛ fa kplan klɔ kun'n, sran ng'ɔ fa sran'm be abɔlɛ yolɛ'n fa kplan klɔ'n, i yako lele!

Abakik 2:15

Sran nga i waan ɔ ´mɛn wiengu'm be nzan kekleekle nan be nɔn be bo nan be kpa bé bo ngbɛn nan ɔ ´nian be'n, i yako lele!

Abakik 2:19

Sran ng'ɔ se waka losin'n kɛ: ‹Tinnge'n,› sran ng'ɔ se yɛbuɛ b'ɔ si-man ijɔ'n kɛ: ‹Jaso'n,› i yako lele! Be kwla kle-man sran like fi. Man i li sran'm be kata amuɛn sɔ'm bé wun nin sika ɔkwlɛ ɔ nin jɛtɛ ufue, nán kɛ be lɛ nguan kɛ sran sa ti-ɔ.

Abakik 2:6

Nvle sɔ'm be ´di i asanse, tutrefuɛ sɔ'm bé wun lakaci ndɛ yɛ be ´kan-an, be sri be, be yo be finfin.» «Be ´se kɛ yoo: ‹Be nga sran'm bé bo ninnge'n yɛ be wua be fa yo be liɛ'n, bɔ sran'm be aowa'n yɛ b'a de lele'n, be yako lele. ?Nan cɛn onin ko yɛ be ´yaci i sɔ sa liɛ'n be yolɛ-ɔ?›

Abakik 2:9

Sran nga i waan ɔ ´di ndrunmun ´fa si i awlo nan ɔ'a nyan tranwlɛ kpa, nan sa ɔ'a nyɛn-mɛn i'n, i yako lele!

Matthieu 11:21

Ɔ seli kɛ: «Kɔrazɛnfuɛ mun, an yako, Bɛtsaidafuɛ mun, an yako, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Tir nin Sidɔn'n, wuun lɔfuɛ'm be wasa bé wun nzuɛn'n, wuun be wla bajɛ tralɛ'n, wuun be kacili be nzuɛn'n ɔ'a cɛ .

Matthieu 23:23

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an yi mant'n, nin anɛt'n, ɔ nin kumɛn'n be blusu'n, sanngɛ an yaci mmla ng'ɔ ti cinnjin'n, nin nanwlɛ dilɛ'n, nin aunnvuɛ silɛ'n, ɔ nin sa kpa yolɛ b'ɔ man sran'm be fa bé wla gua amun su'n. Sa sɔ'm be yolɛ'n yɛ ɔ ti i su nin-ɔn, sanngɛ nán an yaci wie'm be yolɛ.

Matthieu 23:27

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an ti kɛ ndia su sua bɔ b'a kɛn i ayre ufue'n sa, i talɛ'n yo klanman, sanngɛ i klun lɔ'n ti sran owie nin ninnge tɛtɛ wafa'n kwlaa.

Matthieu 23:29

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an kplan Nyanmiɛn nuan ijɔfuɛ'm be ndia'm be su sua, yɛ an yo sran kpakpa'm be asieliɛ'm be klanman.

Matthieu 26:24

M bɔ n kacili Sran'n n su kɔ kɛ be fa klɛli min wun ndɛ'n nun'n sa, sanngɛ sran ng'ɔ ´fa min man sran mun'n, i yako! Ɔ flunman kɛ b'a wu-man sran sɔ'n.»

JÉSUS-CHRIST I DYASIN FE'N BO LUC KLELI'N 11:52

Amun mmla sifuɛ mun, an yako! Yɛlɛ kɛ sɛ ngwlɛlɛ'n wo sua kun nun'n, wuun be ´se kɛ i lakle'n wo amún sa nun, an klo-man kɛ an wlu lɔ, yɛ be nga be waan be ´wlu lɔ'n, an man-man be atin.»

Jean 19:6

Kɛ Nyanmiɛn nyrun jranfuɛ dandan mun nin sonja'm be wunnin i'n, be kpan seli kɛ: «Bobo i waka'n su! Bobo i waka'n su!» Pilat seli be kɛ: «An bɔbɔ an `fɛ i ko bobo i, afin n liɛ'n, n wun-mɛn i wun ndɛ kun nga n ´jran su n ´fa bu i fɔ-ɔ.»

Jean 9:22

Sa ti bɔ i si nin i nin be seli sɔ'n yɛlɛ kɛ srɛ kun be Zuif'm bé wun. Afin Zuif'm b'a dun mmua wun bé wun be nɛn a sɛ su kɛ sran kwlaa ng'ɔ se kɛ Jésus ti Krist'n, be ´kɛn i bo ɔ su wlu-man Nyanmiɛn ndɛ suanlɛ nin i srɛlɛ sua'n nun kun.

Jude 1:11

I sɔfuɛ'm be yako! Afin atin kunngba nga Kaɛn fali su'n, be fa su wie. Kɛ ɔ ´yo nan b'a nyan sika'n, be fa bé wun wlali sa tɛtɛ yolɛ'n nun kɛ Balaam liɛ'n sa. Be mlinnin, afin be yoli nyin kekle kɛ Kɔre liɛ'n sa .