Ezai 1:9 - NYANMIƐN NDƐ'N 1998

⁹ Sɛ Anannganman b'ɔ sie mɛn wunmuan'n ɔ'a yaci-man e nun sran wie'm be lɛ'n, wuun e wieli nunnun kɛ Sodɔmfuɛ'm be sa, sɛ ɔ'a yaci-man be lɛ'n, wuun e wieli wu kɛ Gomɔrfuɛ'm be sa .

Ezai 1:9 ပူးပေါင်းရင်းမြစ်များ

Bo Bolɛ 18:26

Anannganman tɛli i su kɛ: «Sɛ n wun sran kpa ablenun Sodɔm klɔ'n nun'n, n ´yaci klɔ'n i lɛ be dunman nun.»

Bo Bolɛ 18:32

Abraam waan: «Nannan, nán fa ya o, kɛ n kan nga-a, n su kan-man wie kun. ?Sɛ sran kpa blu yɛ be o lɔ'n nin?» Anannganman waan: «Sɛ be ti blu-ɔ, n su saci-man klɔ'n.»

Bo Bolɛ 19:24

Yɛ Anannganman yoli man Sufru fin nglo lɔ jue guali Sodɔm klɔ'n nin Gomɔr klɔ'n be su. Ɔ guali be su dan.

1 Famiɛn Mun 19:18

sanngɛ n ´yaci sran akpi nso (7.000) Izraɛl mɛn'n nun. Sran sɔ'm be liɛ'n b'a koto-man Baal nyrun, yɛ b'a tafi-mɛn i wun.»

2 Famiɛn Mun 19:4

Atrɛkpa-a, Anannganman ´ti nzowa nga Asiri famiɛn'n sunmannin i sufuɛ safunyrɛn'n kɛ ɔ wa kpɛ i bɔbɔ Nyanmiɛn b'ɔ lafi-man nin o! Sɛ ɔ nin i be ´kan o! Ɔ man srɛ Nyanmiɛn man be nga be ka lɛ'n mun.› »

Ezai 1:8

Zerizalɛmfuɛ'm be ngunmin b'a ka lɛ kɛ kuku b'ɔ o vinyi fie kun nun'n sa, b'a ka lɛ kɛ kpata b'ɔ ɔ'a ka blo'n sa, b'a ka lɛ kɛ klɔ bɔ i sufuɛ'm be kpɔfuɛ'm b'a sin b'a yiɛ i'n sa.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 11:16

I sran nga be kali lɛ'n, bɔ Asirifuɛ'm b'a yo-man be like'n, be ´nyan atin kun be ´sin nun. Ɔ ´yo kɛ Izraɛlfuɛ'm be liɛ'n sa. Laa bɔ be ´tu Ezipt lɔ'n, be nyannin atin kun be fali su.

Ezai 17:6

Ble ja kunngun yɛ ɔ ´ka lɛ-ɔ. Ɔ wa yo kɛ olivie bɔ be fa waka be ti gua'n sa. Sɛ mma nnyɔn o annzɛ sɛ mma nsan o, be ´ka olivie'n i ti'n su lɔ. Yɛ sɛ mma nnan o annzɛ sɛ nnun o, be ´ka i sama'm be su. Ndɛ nga bɔ Anannganman b'ɔ ti Izraɛl Nyanmiɛn'n ɔ kan'n yɛ ɔ o lɛ-ɔ.

Ezai 24:13

Asiɛ'n su wa nvle-nvle'm be nun'n, be wun-man like dan kun, Ɔ ti kɛ olivie bɔ be fa waka be ti i mma'm be gua wuun ɔ'a wie'n sa. Ɔ ti kɛ vinyi i mma kunngun ng'ɔ ka i waka'n su bɔ b'a ti ɔ'a wie'n sa.

Ezai 24:6

I sɔ'n ti sannzan bɔ be boli asiɛ'n ti ɔ su saci, yɛ i sufuɛ'm be sua bé sa tɛ'n i su afɛ'n. I sɔ'n ti yɛ asiɛ'n su sran'm b'a wu nin-ɔn. Sran nga b'a ka lɛ'n be ti kaan sa.

Ezai 37:4

Atrɛkpa-a Anannganman ´ti nzowa nga Asiri famiɛn'n sunmannin i sufuɛ safunyrɛn'n kɛ ɔ wa kpɛ i bɔbɔ Nyanmiɛn b'ɔ lafi-man nin o! Sɛ ɔ nin i be ´kan o! Ɔ man Ezekias waan a srɛ Nyanmiɛn man be nga be ka lɛ mun.› »

Ezai 46:3

Zakɔb osu'n nunfuɛ mun, yɛ amun Izraɛlfuɛ nga amun kali lɛ'n, amun bɔ n niannin amun lika amun nin klun lɔ'n, amun bɔ n fali amun ń sa su kɛ be guali amun ase cɛ'n, amun `tie ndɛ nga n kan'n.

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Ezai 65:8

Anannganman waan: «Sɛ nzue o vinyi mma'n i sɔsɔwa kun nun kpa'n, be se kɛ: ‹Nán amun saci i, afin be nyan nun nzan kpa-a ɔ yo ye.› I kunngba nin-ɔn, i sɔ yɛ n wa yo n sufuɛ mun-ɔn, kɛ ɔ ´yo nan m'an saci-man be wunmuan'n ti.

Zeremi 23:14

sanngɛ like nga Zerizalɛm lɔ liɛ'm be yoli bɔ n wunnin i'n, ɔ yo sro. Be bo tekle, yɛ ato'n yɛ be bua-a. Be wla be bɔ be yo sa tɛ'n be fanngan, kɛ ɔ ´yo nan be wie fi ɔ'a yaci-man sa tɛtɛ'n yolɛ'n ti. Be ti kɛ Sodɔmfuɛ'm be sa. Zerizalɛmfuɛ'm be ti kɛ Gomɔrfuɛ'm be sa min nyrun.»

Zeremi 42:2

«E bali wɔ like srɛlɛ, i ti-ɔ, nian e nyrun. Srɛ Anannganman ɔ Nyanmiɛn'n man ye. Laa e sɔnnin kpa, sanngɛ e nga y'a ka'n yɛlɛ e kaan ng'ɔ bɔbɔ nyin ta e yɛ'n.

Zeremi 50:20

I blɛ sɔ nun'n, be ´kunndɛ sa tɛ nga Izraɛl yoli'n lele ngbɛn. Be su wun-mɛn i le. Sa tɛ nga Zida yoli'n, be ´kunndɛ lele ngbɛn. Be su wun-man kan ɔ sinnin-ɔn. Afin be bɔ n yacili be lɛ'n, n ´yaci bé wun sa n ´cɛ be .

Ngwlɛ Yilɛ 3:22

Anannganman i klun-ufue'n ɔ nian wie-man, i sran klolɛ'n ɔ tɛ o lɛ.

Ngwlɛ Yilɛ 4:6

Sodɔmfuɛ'm be nunnunlɛ'n ɔ yoli be nyinma bulɛ kun nun. B'a wun-man bé wun yowlɛ bɔ mlɔnmlɔn. Sanngɛ be sa tɛ liɛ'n fɛ i wun wɔ, afin min nvle nunfuɛ'm be sa tɛ liɛ nga be yoli'n, ɔ ti dan tra be liɛ'n .

Ezekiɛl 14:22

san sran'm be wie'm be ´ka lɛ. Ba bla nin ba yasua mun, be ´to amun mɛn nga be trali amun ɔli nun'n be nun lɔ. Kɛ an ´wun wafa nga be nzuɛn'n fa ti'n nin be ninnge nga be yo'n, amun anwlɛn ´gua ase nyrɛnnɛn dan nga n fa yili Zerizalɛm su'n i nun .

Ezekiɛl 6:8

Sanngɛ amun nun wie'm be ´ka lɛ, alɛ su di-man amun ngba, be nga be ´ka lɛ sɔ'n be ´bo sanndi mɛn wie'm be nun.

Amɔs 4:11

«N sacili amun klɔ'n kɛ n fa sacili Sodɔm nin Gomɔr laa'n sa. Sanngɛ amun fin nun be fiteli kɛ b'a yi yiendre wie sin'n nun sa. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Abakik 3:2

Anannganman, ɔ sa dandan nga a yoli be'n, be kannin bé wun ndɛ n tili. Ɔ man n sro wɔ. Blɛ'n kwlakwla, yo i sɔ sa mun ekun kle ye. Kannzɛ bɔ a fa ya'n, sanngɛ ɔli yi ɔ klun-ufue'n i nglo kle ye ekun.

Sofoni 2:9

Ɔ man i ti m bɔbɔ min Anannganman bɔ n sie mɛn wunmuan'n, m'an ta nda kɛ sɛ Moab ɔ'a yo-man kɛ Gomɔr sa'n, wuun nán min Izraɛl Nyanmiɛn nin-ɔn. Be lika'n ´kaci njin asiɛ, san ijre tɛtɛ'm be kunngba yɛ be ´fu nun-ɔn, ɔ ´saci mlɔnmlɔnmlɔn. Min nvle nunfuɛ nga be kali'n, be ´fɛn be bo ninnge mun, yɛ be ´fa asiɛ'n yo be liɛ.»

Matthieu 7:14

Sanngɛ anuan nin atin nga be sin nun-ɔn be nyan nguan'n be ti kaan, yɛ be nga be kunndɛ be wun i'n, b'a sɔn-man .»

Rɔmfuɛ Mun 9:27

Ezai kusu kannin Izraɛl i ndɛ, ɔ kpan seli kɛ: «Kannzɛ man Izraɛlfuɛ'm be trɛ kɛ jenvie nuan aunnyan sa'n, be nun kaan sa yɛ be ´ka lɛ, be sɔfuɛ yɛ be ´nyan bé ti-ɔ.

Rɔmfuɛ Mun 9:29

Ezai kunngba'n kɛnnin i laa kɛ: «Sɛ e Min Anannganman Nyanmiɛn ɔ'a yaci-man e osu kaan sa'n, wuun e ´yo kɛ Sodɔm sa yɛ e ´kaci kɛ Gomɔr sa .»

Mmla'n 29:23

Nvle kun nga'm be nunfuɛ'm be usa bé wun kɛ: «?Ɔ yo sɛ ti yɛ Anannganman yoli mɛn nga sɔ-ɔ? ?Ɔ yo sɛ ti yɛ ɔ fɛli i nunfuɛ'm bé wun ya dan kɛ nga sa-a?»

2 Piɛr 2:6

Ɔ seli kɛ ɔ ´nunnun Sodɔm klɔ'n nin Gomɔr klɔ'n mlɔnmlɔn, yɛ ɔ fa sin guali bé su nunnunnin be. Ɔ yo i sɔ fa kleli be nga be sro-mɛn i'n kɛ kɛ be liɛ'n ɔ wa yo sɔ-ɔ .

Sa nglô yile 11:8

Be fuɛn'n ´ka klɔ dan bɔ be fa sunnzun Sodɔm, nin Ezipt'n, bɔ be boboli be Min'n i su'n, i nun atin'n su .