Ezai 1:7 - NYANMIƐN NDƐ'N 1998

⁷ Amun mɛn'n ɔ'a bo, sin'n ɔ'a di amun klɔ mun. Aofuɛ'm be fɛn amun bo ninnge mun amun bɔbɔ amun nyrun lɛ. Amun mɛn'n ɔ'a yo kɛ aawlɛ flɛnnɛn'n sa, ɔ ti kɛ sran wie mun b'a wlu mɛn kun nun b'a saci i sa.

Ezai 1:7 ပူးပေါင်းရင်းမြစ်များ

2 Be Nyoliɛ 28:5

Anannganman i Nyanmiɛn'n yili i mannin Siri famiɛn'n. Sirifuɛ'm be kwlɛli i nin i sran mun, be trali be nun sran kpanngban kpa ɔli Damas. Anannganman fɛli i wlali Izraɛl famiɛn'n i sa nun ekun. Ɔ kwlɛli i tɛtɛ kpa.

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Jue Mun 107:39

Be wie'm be liɛ'n, be nuan'n ɔ kpɛ su, nyannzuɛn'n yɛ o be su-ɔ, nyrɛnnɛn nin afɛ'n ɔ'a ti be sa nán sa yolɛ-ɔ.

Jue Mun 109:11

Man sran nga i kalɛ o i su'n ɔ fɛ i sa sie i bo ninnge'n kwlaa su. Man sran ngbɛn'm be fɛn i bo ninnge b'ɔ fɛli nan ɔ'a nyan be'n.

Ezai 1:8

Zerizalɛmfuɛ'm be ngunmin b'a ka lɛ kɛ kuku b'ɔ o vinyi fie kun nun'n sa, b'a ka lɛ kɛ kpata b'ɔ ɔ'a ka blo'n sa, b'a ka lɛ kɛ klɔ bɔ i sufuɛ'm be kpɔfuɛ'm b'a sin b'a yiɛ i'n sa.

Ezai 3:8

Zerizalɛm'n ɔ'a tɔ, Zida'n ɔ'a fin ase. Be nuan nun ndɛ mun nin be nyoliɛ mun be kle kɛ be jaso Anannganman b'ɔ ti famiɛn'n i wun.

Ezai 34:9

Edɔm lɔ nzue ba'm be wa kaci gudrɔn, lɔ ndutre'n ɔ wa yo kɛ sufru sa. Lɔ asiɛ'n ɔ wa yo kɛ gudrɔn b'ɔ su jue'n sa.

Ezai 49:19

Amun lika bɔ b'a bubu'n, amun klɔ'n bɔ ɔ'a bo'n, amun mɛn'n bɔ ɔ'a saci'n, ɔ cɛ kaan-an, i nunfuɛ'm be su sɔn-man nun kun, yɛ be nga be yo bɔ amun nunnun'n, be ´kɔ mmua.

Ezai 5:17

Bua'm be wa didi klɔ nvuɛn'n nun kɛ be fa yo i be didiwlɛ'n nun'n sa. Yɛ boli ba nga be ta be bé sa nun'n, be ´didi kan anyanbeunfuɛ'm be ninnge'm be o lɛ laa bɔ be sacili'n.

Ezai 5:9

Amun `nian, sa nga Anannganman b'ɔ sie mɛn wunmuan'n ɔ kan kleli min'n yɛ, i waan: «Sua kpanngban nga'm be wa bubu. Sran su tran-man sua dandan nglanman-nglanman nga'm be nun kun. Sa sɔ'm be ´yo sɔ sakpa!

Ezai 6:11

Yɛ n usali kɛ: «?Anannganman, lele cɛn onin yɛ sa sɔ'm be ´wie-ɔ?» Yɛ ɔ tɛli su kɛ: «Ɔ ´yo sɔ lele san klɔ'm be ´wie saci. Ɔ ´yo sɔ lele san klɔ mun nin sua'm be nun sran'm be ´wie, san asiɛ ng'ɔ sacili'n i su ´tɔ koun.»

Ezai 60:15

Sran'm b'a nian-man ɔ nyrun kun, be kpɔli wɔ, b'a nian-man ɔ osu kun. Sanngɛ ɔ su yo-man sɔ kun, n wa yo man be ´fa wɔ di bé nuan cɛn'n kwlaa, yɛ be klun ´jɔ ɔ dunman nun tititi.

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Ezai 64:10

Sua bɔ i nun yɛ é si'm be su wɔ laa'n, e sua klanman beblebe sɔ'n, sin dili. Lika sɔ'n bɔ e go nun e klo-mɛn i'n, ɔ'a kaci sua'n nvuɛn.

Ezai 9:18

Anannganman b'ɔ sie mɛn wunmuan'n, i ya dan'n ti mɛn'n ɔ'a sɔ kɛ sin sa. Sɛ e ´kwla se'n, sin'n ɔ'a di sran mun. Sran fi yaci-mɛn i wiengu lɛ.

Ezai 9:5

Afin b'a wu ba kun b'a man ye, b'a fa ba yasua kun b'a man ye. Nyanmiɛn fali sielɛ'n wlɛli i sa nun. Be ´flɛ i kɛ Abonuan, Sa'm be siesiefuɛ, Nyanmiɛn b'ɔ kwla, Siɛ b'ɔ o lɛ titi, Aunjuɛ wlengbi .

Zeremi 2:15

I ti asɔmɔli'm be kpan sa-a, nán sa yolɛ-ɔ. B'a nunkun i mɛn'n mlɔnmlɔn. B'a wɔ i klɔ'm be nun, sin su di be, sran fi tran-man be su kun.

Zeremi 4:7

Asɔmɔli'n ɔ'a fin susrɛ'n nun ɔ'a fite, mɛnmɛn'm be sacifuɛ'n su ba. Ɔ fin i lika nun lɔ su ba amun mɛn'n i nunkunlɛ. Amun klɔ'm be wa nunnun. Sran fi su tran-man be su kun.

Zeremi 44:6

I sɔ'n ti, m'an fa-man ya blɛblɛ, min ya'n jueli bé wun kɛ sin sa, ɔ yrali Zida klɔ mun nin Zerizalɛm mmuɛ mun, ɔ man siɛn'n, be wun-man like bɔ klɔ sɔ'm be fɛ i-ɔ, b'a tɔ sɔ srololo. Kɛ e ´ijɔ yɛ'n, sa ng'ɔ o be su'n yɛ ɔ o lɛ-ɔ.› »

Zeremi 6:8

Zerizalɛm: ‹Nian ɔ́ wun. Ɔ'a yo-man sɔ-ɔ, e nin wɔ e ´bu. N ´fa wɔ n kaci aawlɛ flɛnnɛn, sran fi su tran-man wɔ su.› »

Zeremi 7:34

N ´yo man Zida klɔ'm be su nin Zerizalɛm akpɔ'm be su bo srolɛ nin aklunjuɛ jue tolɛ'n ɔ ´wie. Gbanflɛn nga b'a ja bla uflɛ uflɛ'n nin talua nga b'a ja bian uflɛ uflɛ'n be jue tolɛ'n ɔ ´wie. Afin mɛn'n ɔ ´wie nunnun.»

Ngwlɛ Yilɛ 5:2

Like ng'ɔ ti e aja like klonglo'n, kɛ e ´se yɛ'n, ɔ o sran wie'm bé sa nun. Sran ngbɛn'm be yɛ be tran e sua'm be nun-ɔn.

Ezekiɛl 25:4

i ti'n, n ´fa amun m man be nga be fin wia afiliɛ lɔ'n, be wa bo be nanmue mun amun afiɛn. Be ´tran amun afiɛn. Be ´di amun waka mma mun. Be ´nɔn amun nɔnnɔn'n.

Ezekiɛl 30:12

N ´yo man Nil nzue'n ɔ ´wie nun. N ´yo mɛn'n i atɛ klunwifuɛ'm bé sa nun. N ´yo man mɛn ɔ tɔ sa srololo. Aofuɛ wie'm be wa bo mɛn sɔ'n. Min Anannganman Nyanmiɛn yɛ n kan sɔ-ɔ.›

Ndɛ Nga Nyanmiɛn I Nuan Ijɔfuɛ Oze Kannin'n 7:9

I wunmiɛn ng'ɔ o i nun'n, aofuɛ'm b'a fa, sanngɛ ɔ si-man sɔ. I ti'n ɔ'a bo je sanngɛ ɔ wun-man nun kɛ ɔ'a yo oke.

Ndɛ Nga Nyanmiɛn I Nuan Ijɔfuɛ Oze Kannin'n 8:7

Sɛ n ´kwla se'n, aunngban yɛ amun luali-ɔ, seke b'ɔ tu'n kusu yɛ amun wa ti-ɔ. ?Ble fekle'n, be fa yi sanmlɛn sɛ yɛ ɔ yo ye-ɔ? Sɛ bɔ be fa yi sanmlɛn'n aofuɛ mun yɛ be ´di-ɔ.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Saun Yolɛ 26:34

I liɛ'n, afuɛ nga amun ´di i amun kpɔfuɛ'm be nvle'n nun lɔ'n, amun asiɛ'm be kusu be ´fa de wunmiɛn. Blɛ nga b'ɔ fata kɛ asiɛ sɔ'm be fa de wunmiɛn nun'n, bɔ amu'an di-man su'n, bɔ b'a yaci-man be lɛ man b'a de-man wunmiɛn'n, be ´fɛ i sɔ blɛ liɛ'n be ´de wunmiɛn ´sie i osu.

Mise 5:11

N ´saci amun wunnzue yilɛ ninnge mun, kɔmiɛnfuɛ su tran-man amun lɔ kun.

Mise 6:13

I sɔ'n ti kusu sa nga n ´fa wla amun nun'n ti-man blɛblɛ, amún tɛ'm be dunman nun ti. Sa nga amun si-mɛn i'n, n wa kle amun.

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .

Mmla'n 28:43

Aofuɛ nga be ´sike amun'n, be ´nyan nyrun tra amun tititi. Sanngɛ amun liɛ'n, amun ´kan ase tititi.

Mmla'n 29:23

Nvle kun nga'm be nunfuɛ'm be usa bé wun kɛ: «?Ɔ yo sɛ ti yɛ Anannganman yoli mɛn nga sɔ-ɔ? ?Ɔ yo sɛ ti yɛ ɔ fɛli i nunfuɛ'm bé wun ya dan kɛ nga sa-a?»