Ezai 1:6 - NYANMIƐN NDƐ'N 1998

⁶ Kɛ ɔ fɛ i amún ja ngbabua'm be su lele b'ɔ fa ju amún ti'n su'n, amun wunnɛn'n i lika fi nun-man lɛ bɔ be kwla se kɛ ɔ ti kpa kan-an. Laa kannin mun nin amun wunnɛn bɔ b'a susu'n, ɔ nin kannin uflɛ-uflɛ mun, sran fi fua-man be, sran fi gua-man be nun ayre, yɛ sran fi cici-man be su.

Ezai 1:6 ပူးပေါင်းရင်းမြစ်များ

2 Samiɛl 14:25

Izraɛl mɛn nun'n, sran fi i klanman nin Absalɔm sɛ-man. Kɛ ɔ fɛ i ja'n bo lele fa ´ju i ti su'n, ɔ lɛ-mɛn i lika kun b'ɔ yo-man nyɛnmɛn-ɔn. Sran kwlaa yi i ayɛ.

Zɔb I Nyrɛnnɛn Wunlɛ 5:18

Afin i yɛ man afɛ'n ɔ ba-a, i kunngba'n yɛ man ɔ kɔ-ɔ. Ɔ bo wɔ kannin, i kunngba'n ɔ fua.

Jue Mun 77:2

M ´man min nɛn'n su nan ɔ ´to Nyanmiɛn'n lɔ. M ´man min aniɛn'n su nan ɔ to Nyanmiɛn'n lɔ nan ɔ sie i su.

Ezai 30:26

Cɛn nga Anannganman ´cici i nvle nunfuɛ'm be kannin'm be su'n, b'ɔ ´fua bé wunnɛn bɔ ngble'n tutuli i fofo'n, anglo'n ɔ ´ta kɛ wia'n sa, wia'n kusu ɔ ´bo tra titi liɛ'n sɔ kpɛ nso, ɔ ´bo kɛ cɛn nso wia sa.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Zeremi 30:12

Anannganman'n wan yoo: «Kannin nga ɔ'a tu wɔ'n, ɔ yo sro. Ɔ wu-ɔ ɔ yo-man ye.

Zeremi 30:15

?Ɔ yo sɛ yɛ a fɛfɛ ɔ kannin sroesroe'n b'ɔ wu-ɔ ɔ yo-man ye'n ti-ɔ? Ɔ sa tɛ nga a yoli'n sɔnnin ngboko. I ti yɛ n yoli wɔ sɔ-ɔ.

Zeremi 33:6

Sanngɛ ɔ yo'n, n ´yo man ɔ ´yo juejue kpa kɛ sran bɔ ɔ'a tɔ tukpacɛ ɔ'a jaso'n sa. N ´yo man i su tranfuɛ'm be ´nyan fɔundi, be ´nyan manndran.

Zeremi 6:14

Be ´fua min nvlefuɛ'm bé kannin nin-ɔn, be fa yo ngowa. Be waan sa fi su ju-man. Be waan lika'n ti fɔun, kusu wuun lika'n ti-man fɔun.

Zeremi 6:7

I klunwi sa'n ɔ nyrɛn kɛ nzue ti b'ɔ nyrɛn viaa'n sa. I wun ndɛ nga be ti'n, i kwlaa ti sa tɛtɛ nin sran mianmianlɛ ndɛ ngunmin. Cɛn kwlaa a ´to ɔ́ nyin-ɔn, ɔ ti sran nga b'a bo be kannin ɔ nin nga be su fɛ'n be ngunmin.

Naɔm 3:19

Ɔ sacilɛ nga w'a saci yɛ'n, be yo wɔ sa fi-ɔ, ɔ yo-man ye kun. Kannin nga ɔ'a tu wɔ yɛ'n, ɔ ti ɔ wie like. Sa nga bɔ ɔ'a nyan wɔ bɔ a la nyrɛnnɛn nga nun yɛ'n, be kwlaa nga be ti i sɔ ndɛ'n, be ´bo ndɛ. Afin sran fi nun-man lɛ bɔ w'a yo-mɛn i tɛ w'a flan-man nun-ɔn.»

Matthieu 9:12

Jésus tili ndɛ sɔ'n, nan ɔ'a se be kɛ: «Nán sran ng'ɔ ti juejue'n yɛ ɔ kɔ ayrefuɛ sin-ɔn, sanngɛ tukpacɛfuɛ yɛ ɔ kɔ-ɔ.

JÉSUS-CHRIST I DYASIN FE'N BO LUC KLELI'N 10:34

Ɔ guɛguɛli i kannin'm be nun ngo nin nzan, nan ɔ'a cici bé su, yɛ ɔ fɛ fuli nnɛn'n bɔ i bɔbɔ fu su'n i su-ɔ, ɔ fɛ ɔli aofuɛ sua kun nun, ɔ niɛnnin i lika.