Ezai 1:5 - NYANMIƐN NDƐ'N 1998

⁵ ?Amun bɔ amun jin nyin kekle yolɛ'n su sa tititi'n, ninfan yɛ be fin amun like-ɔ ɔ yo ye ekun-ɔn? Amún ti'm be kwlaa be su ti kannin ngunmin kokoko. Yɛ amun keje amun wun-ɔn ɔ yo-man ye kun.

Ezai 1:5 ပူးပေါင်းရင်းမြစ်များ

2 Famiɛn Mun 1:13

Akazia sunmannin sonja ablenun su kpɛn uflɛ ekun nin i sonja ablenun mun. Ɔ'a yo kpɛ nsan. Sonja ablenun su kpɛn nsan sufuɛ sɔ'n fuli oka'n su lɔ. Ɔ ko kotoli Eli i bo. Ɔ seli i aunnvuɛ su kɛ: «Nyanmiɛn sran, n ´srɛ wɔ o! Nán kun ye o! E nin min sonja ablenun mun'n, ɔ liɛ yɛlɛ ye o!

2 Be Nyoliɛ 28:22

Kannzɛ bɔ famiɛn Akaz o nyrɛnnɛn dan nun'n, sanngɛ ɔ'a mantan-man Anannganman.

Neemi 9:34

E famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e nannan'm b'a fa-man ɔ mmla'n su. Be kpali ɔ nuan ndɛ'm be su. A mannin be afɔtuɛ, b'a fa-man su.

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 31:6

Izraɛlfuɛ mun, amun `sa amún sin bla Anannganman bɔ amun kacili amún sin sili i'n i sin.

Ezai 33:24

Zerizalɛmfuɛ'n wie fi su se-mɛn kɛ: «N kpinndin-man.» B'a yaci be bɔ be tran Zerizalɛm'n bé sa tɛ'n ɔ'a cɛ be.

Ezai 9:13

I sɔ'n ti, sɛ e ´kwla e se'n, aliɛ ba kunngba nun'n, Anannganman ´kpɛ Izraɛl'n i ti'n nin i lua'n, ɔ ´kpɛ mme'n i nnya'n nin ndɛ mma'n .

Zeremi 13:23

?Etiopifuɛ kun kaci i wunnɛn kplo nin-ɔn ɔ yo ye? ?Kangale kun kaci i wunnɛn tata nun nin-ɔn, ɔ yo ye? Amun kusu kɛ an ti sɔ-ɔ. Amu'an yo sa tɛ'n lele ɔ'a kaci amun nzuɛn. I ti siɛn'n an yo sa kpa-a ɔ yo-man ye kun.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 44:15

Kɛ Zeremi kannin i sɔ ndɛ liɛ'n, yasua nga be o lɛ bɔ be si jrɛin kɛ bé yi'm be yra ansans be man amuɛn mun'n, ɔ nin bla kpanngban nga be o lɛ'n, man e kpɛ kpo e se kɛ be kwlaa nga be ko trannin Patrɔs Ezipt mɛn nun'n, be tɛli i su kɛ:

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 5:5

Man n sin n wɔ sran kaklaakla'm be sin ke! Be liɛ'n, be si Anannganman i atin'n. Mmla ng'ɔ ti i cinnjin'n be si i.» Kannzu be kusu b'a yi bé ti ɔ́ bo wie. Be nin wɔ b'a bu.

Zeremi 9:3

«An `nian amún wun amun janvuɛ'm be lika. Nán an fa amún wla gua amun niaan'm be wie fi su. Aniaan'm be kwlaa be ti lakadi kɛ Zakɔb sa. Janvuɛ'm be kwlaa be ti sran suɛn tɔnfuɛ .

Ngwlɛ Yilɛ 5:17

Ye anwlɛn b'ɔ ´kpɛ e klun'n, e nyinmuɛn b'ɔ ´jranjran é ti nun'n,

Ezekiɛl 24:13

Zerizalɛm, w'a yo fiɛn ɔ́ sa sukusuku'm be yolɛ'n ti. Min waan n ´yo ɔ saun, sanngɛ w'a kplin-man su. I ti nin-ɔn, a su kwla yo-man saun lele san n ´tu min ya dan'n n gua wɔ su.

Ezekiɛl 34:16

N ´kunndɛ nnɛn nga be mlin'n, n ´fa be ´sa be sin. Nnɛn nga be boli be kannin'n n ´cici be kannin'n su, yɛ nga be wunnɛn yo be ya'n, m ´man be wunmiɛn, sanngɛ nga be ti lugbɔɔ nin nga be lɛ wunmiɛn tra su'n, n ´nunnun be.» N ta min nnɛn mun kɛ ɔ fata'n sa.

Ezekiɛl 34:4

Amu'an wla-man nga be lɛ-man wunmiɛn'm be nun wunmiɛn. Amu'an yo-man ng'ɔ ti fukɛfukɛ'n i ayre. Nga kannin tuli i'n, amu'an cici-man su, yɛ nga bɔ ɔ'a fa mlinlɛ i atin'n, amu'an fɛ-mɛn i b'a sɛ-mɛn i sin. Amu'an kunndɛ-man be nga be mlinnin mun. Amun yoli be kpokokpoko, amun yoli be tɛtɛ.