Ezai 1:4 - NYANMIƐN NDƐ'N 1998

⁴ Nvle b'ɔ ti sa tɛ yofuɛ, nvle bɔ sran kunlɛ'n ti i nzuɛn'n, nvle bɔ i nunfuɛ'm be ti kakajefuɛ ngunmin kokoko'n, amu'an wie wu mlɔnmlɔnmlɔnmlɔn, amun yako! Amu'an yi min Anannganman min ase, amu'an yo min bɔ n ti Izraɛl i Nyanmiɛn kunngba'n min finfin, amu'an kaci amun sin b'a si min.

Ezai 1:4 ပူးပေါင်းရင်းမြစ်များ

Bo Bolɛ 13:13

Sodɔmfuɛ'm be ti sa tɛtɛ yofuɛ dan. Be fɔn Anannganman i wun.

2 Famiɛn Mun 21:22

Ɔ yili Anannganman b'ɔ ti i nannan'm be Nyanmiɛn'n i ase. Ɔ'a nanti-mɛn i atin'n su.

2 Be Nyoliɛ 12:1

Kɛ Rɔbɔam i sielɛ'n takali'n, bɔ i bɔbɔ Rɔbɔam i kwlalɛ'n yoli dan'n, ɔ yacili Anannganman i mmla'm be su falɛ, kpɛkuun Izraɛlfuɛ'm be kwlaa be niɛnnin i liɛ'n su.

2 Be Nyoliɛ 27:2

Ɔ yoli sa nga be yo Anannganman fɛ'n kɛ i si Ozias yoli'n sa. Sanngɛ i liɛ'n, ɔ'a wlu-man Anannganman i sua'n nun. Ɔ nin i sɔ ngba'n, sran'm be yoli sa tɛ'n be ɔli be nyrun.

Neemi 1:7

E fɔnnin ɔ́ wun, y'a fa-man mmla fanunfanun nga a fa mannin ɔ sufuɛ Moiz'n su .

Jue Mun 58:3

Ɔ kwla yo-man sɔ mlɔnmlɔn. Amun nyinfu amun di sran'm be ndrunmun. Sran'm bé sa kekleekle yɛ amun yo be lika'n nun-ɔn.

Jue Mun 71:22

Min Nyanmiɛn, n kusu m ´bo sanngo m ´manman wɔ ɔ nanwlɛ'n ti. Izraɛl Nyanmiɛn, wɔ bɔ a ti-man kɛ klɔ sran sa'n, m ´bo jru'n m ´manman wɔ.

Jue Mun 78:40

I wun nga be jasoli aawlɛ flɛnnɛn'n nun lɔ'n ɔ sɔnnin. Be klɔklɔli i lika kee sɔ'n nun lɔ kpa.

Jue Mun 78:41

Be kɛnnin i be niannin ekun. Be klɔklɔli i b'ɔ ti Izraɛl Nyanmiɛn'n.

Jue Mun 78:57

Be ɔli i wun mmua, be jasoli i sin kɛ be nannan'm be sa. Be yoli kɛ ta bɔ be lafi su kpɛkuun be ´to-ɔ i nyanman'n ɔ'a glɔ'n sa.

Jue Mun 78:8

I liɛ'n, be su yo-man kɛ be nannan'm, bɔ be yoli nyin kekle dan'n, bɔ be anwlɛn'n yoli nnyɔn-nnyɔn'n, bɔ be akunndan'n ɔ'a tran-man Nyanmiɛn su'n sa.

Jue Mun 89:18

Afin wɔ yɛ a man be fanngan dan nin-ɔn. Ɔ ukalɛ bɔ a uka ye'n yɛ man e kwla-a.

Ezipt Lɔ Tulɛ'n 32:7

Blɛ sɔ nun'n, Anannganman seli Moiz kɛ: «Jra nan kɔ, afin ɔ sran nga a fa be fin Ezipt lɔ bali'n, b'a yo sa tɛ dan.

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 1:28

I nyin keklefuɛ mun o, i sa tɛ yofuɛ mun o, nyrɛnnɛn'n ´tɔ be kwlaa be su. Be kwlaa nga be yi Anannganman i ase'n, be ´wie nunnun.

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 14:20

Sanngɛ ɔ liɛ'n, a su to-man be asieliɛ lɔ, afin a sacili ɔ mɛn'n, a kunnin ɔ nvle'n nun sran mun. Ɔ osu'n nunfuɛ mun, klunwifuɛ sɔ mun, be su bo-man be dunman be di-man jɔlɛ kun le.

Ezai 29:19

Be nga be kan bé wun ase'n, Anannganman ti be klun ´jɔ titi ´kɔ i nyrun. Be nga be ti sran'm be nun yalɛfuɛ'n, Izraɛl Nyanmiɛn'n ti bé wun ´kpaja be.

Ezai 3:8

Zerizalɛm'n ɔ'a tɔ, Zida'n ɔ'a fin ase. Be nuan nun ndɛ mun nin be nyoliɛ mun be kle kɛ be jaso Anannganman b'ɔ ti famiɛn'n i wun.

Ezai 30:1

Anannganman wan yoo: «Ba nyin keklefuɛ mun, amun yako! Kɛ amun bu sa'm be yolɛ akunndan'n n wun-man nun. Amun kpɛ anuansɛ wie mun bɔ nán min yɛ n kleli kɛ amun yo-ɔ. Amun yo sa tɛ be uka sa tɛ su!

Ezai 30:15

Sa nga Anannganman Nyanmiɛn b'ɔ ti Izraɛl Nyanmiɛn'n ɔ kan'n yɛ. I waan: «Sɛ amun sa amún sin amun ba min sin ekun'n, yɛ sɛ amun tran diin'n, yɛ amun ´nyan amun ti-ɔ. Sɛ amun gua amun wla ase, yɛ sɛ amun lafi min su'n, yɛ amun ´nyan wunmiɛn-ɔn. Sanngɛ amun klo-man kɛ amun ´yo sɔ.

Ezai 30:9

Afin sran sɔ'm bé nyin ti kekle, be ti ba bɔ be sɔn-man bé su, bɔ be klo-man kɛ be ti min Anannganman min mmla mun.

Ezai 31:2

Sanngɛ kusu wuun ɔ si ngwlɛlɛ. I yɛ man nyrɛnnɛn'n ɔ ba-a. Ndɛ ng'ɔ ko kan'n, ɔ yi-mɛn i ase. Ɔ nin klunwifuɛ'm be akpasua'n ɔ nyɛn i, ɔ nin sa tɛtɛ yofuɛ nga sran'm be ko usa ukalɛ bé sa nun'n be nyɛn i.

Ezai 37:23

?Wan li yɛ a kɛnnin i ndɛ tɛtɛ bɔ a kpɛli i nzowa nin-ɔn? ?Wan yɛ a ´kɛn i ndɛ bɔ a man ɔ nɛn'n su nin-ɔn? ?Wan yɛ a kpɛli i kannglɛ gaan nin-ɔn? ?Izraɛl Nyanmiɛn bɔ fɔ nun-mɛn i wun nin-ɔn, nɛ́n i-ɔ?

Ezai 41:14

Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Ezai 41:16

sɛ n ´kwla se'n, amun wa kpaja be nun kɛ awie sa, seke kun wa sanndi-sanndi be nun, yɛ aunngban'n ´fa be kɔ. Sanngɛ amun liɛ'n, amun klun wa jɔ Anannganman ti, amun wa fa Izraɛl Nyanmiɛn'n ´di amun nuan.

Ezai 41:20

Kɛ ɔ yo sɔ'n, sran'm be kwlaa be ´wun i. Sran'm be kwlaa be ´si sɔ. Be kwlaa be ´wun i sɔ, yɛ be ´wun i wlɛ kɛ Anannganman yɛ ɔ yoli sa sɔ mun-ɔn nan i b'ɔ ti Izraɛl Nyanmiɛn'n yɛ ɔ yili be-ɔ.

Ezai 5:19

Be se kɛ: «Man Anannganman ɔ kɛn i wun yo i junman'n ndɛndɛ nan e ´wun i. Man Izraɛl Nyanmiɛn'n i sa b'ɔ jaja be'n, ɔ yia be nuan nan e ´wun be!»

Ezai 5:24

I sɔ'n ti, sɛ be ti waka'n, wuun n ´se kɛ, kɛ sin'n ɔ fa yra awie ja'n sa'n, kɛ sin'n ɔ fa di ijre kee'n sa'n, be olui'n ɔ ´saci, yɛ be nyrɛ'n be ´yo munkun-munkun be ´kaci kɛ ndutre sa. Afin be yili Anannganman b'ɔ sie mɛn wunmuan'n i mmla'n i ase, yɛ be yoli Izraɛl Nyanmiɛn'n i nuan ndɛ'n i finfin.

Ezai 57:17

Izraɛlfuɛ'm bé sa tɛtɛ nga be yoli be'n, ɔ man ya kunnin min nan m'an tu be fɔ. N fali ya, i ti n kacili ń sin n sili be. Sanngɛ b'a yaci-man bé nyin kekle'n i yolɛ, nga be waan be ´yo'n yɛ be yoli-ɔ.

Ezai 58:2

Cɛn kwlaa be fa bé wun mantan min. Be waan be ´si min atin nga n fa be'n. Be ´yo sa-a ɔ waan sran wie bɔ be yo sa kpa nan be yi-man be Nyanmiɛn'n i mmla b'ɔ sie'n i ase sa. Be waan n `di be jɔlɛ'm be kpa, be waan n `tran be afiɛn.

Ezai 65:11

Sanngɛ amun bɔ amun wanndili min'n, bɔ amún wla fili min oka'n i atin'n su'n, bɔ amun man Gad i aliɛ'n, bɔ amun man Mɛni i nzan'n,

Ezai 65:3

Sran sɔ'm be klɔklɔ min cɛn kwlaa, be fa fia-man. Be yi sraka be fie'm be su, yɛ be yra ansans sraka yiwlɛ bɔ be fa bliki be yoli'n be su, be yra ansans sɔ'n be fa man amuɛn mun.

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Zeremi 15:6

Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 2:33

Bian nga a klo be'n, a si bé wun atin'n kpɛ klanman. I dunman nun ti siɛn'n sa tɛtɛ yolɛ'n ti-man kekle ɔ́ sa nun.

Zeremi 2:5

Anannganman'n wan yoo: «?Nguɛ sa tɛ yɛ amun nannan'm be wunnin min wun, b'ɔ man b'a mantan-man min kun, bɔ be ko suli ninnge finfin'm be su, bɔ b'a yo finfin sa-a?

Zeremi 32:32

Izraɛlfuɛ mun nin Zidafuɛ'm b'a yo sa tɛ'n b'a fɔkɔ min anwlɛn'n wie pɛ, be famiɛn mun o, be famiɛn'n i awlo lɔ sran dandan mun o, min nyrun jranfuɛ bɔ be o be lɔ mun o, min nuan ijɔfuɛ bɔ be o be lɔ mun o, be nin Zida nin Zerizalɛmfuɛ'm be kwlakwla.

Zeremi 50:29

An `flɛflɛ ta tofuɛ'm be ngba man be nin Babilɔni ko kun. Man be ko tran Babilɔni anuan'n i nyrun lɛ. Nán be man sran kun sa sinwlɛ. Sa ng'ɔ fa yoli i wiengu mun'n, man be fa yo i wie. Sa ng'ɔ fa wlali be nun'n, man be fa wlɛ i nun wie. Yɛlɛ kɛ ɔ yoli i wun kpakpa Anannganman'n su. Ɔ yoli i wun kpakpa Izraɛl i Nyanmiɛn'n su.

Zeremi 51:5

Sa tɛ nga Izraɛlfuɛ mun nin Zidafuɛ'm be yoli Izraɛl Nyanmiɛn'n bɔ i nzuɛn nin klɔ sran liɛ'n ti-man kun'n, be di-mɛn i yalɛ. Sanngɛ ɔ nin sɔ ngba'n, Anannganman b'ɔ sie mɛn wunmuan'n ɔ'a wanndi-man be.

Zeremi 7:19

Anannganman wan yoo: «?Like nga be yo i lɛ'n, min yɛ be su yo min-ɔn? Be bɔbɔ yɛ be su yo be wun-ɔn. Ɔ ti be bɔbɔ be nyrun nyannzuɛn.»

Zeremi 7:26

Sanngɛ amu'an fa-man bé ti b'a de-man nan se kɛ i su falɛ yɛ amun ´fa-a. An yoli nyin kekle. Amún sa tɛ liɛ'n trali amún nannan'm be liɛ'n.»

Ezekiɛl 14:5

Tɛlɛ nga n ´tɛ i su sɔ'n, ɔ ´sanngan Izraɛlfuɛ nga amuɛn'm be klolɛ'n ti be kacili be sin sili min'n be akunndan.›

Ezekiɛl 16:33

Be tua blɔdɛ bla'm be kwlaa be kalɛ, sanngɛ ɔ liɛ'n, wɔ yɛ a cɛ ɔ soman'm be like-ɔ. A tuali be kalɛ kɛ ɔ ´yo nan b'a ba nan be nin wɔ b'a la'n ti.

Ezekiɛl 16:45

Nanwlɛ, a ti ɔ nin i wa bla sakpa. Ɔ nin sɔ'n, i wun nin i bɔbɔ mma'm bé wun yoli i tɛ. A ti ɔ niaan bla nga be wun nin be mma'm be flannin be'n be niaan bla. Sakpa, amún nin ti Ɛtfuɛ, yɛ amún si ti Amɔrfuɛ.

Daniɛl 9:11

Izraɛl nvle wunmuan'n ɔ fɔnnin ɔ mmla'n, yɛ ɔ kacili i sin sili wɔ. I sɔ'n ti nan nyrɛnnɛn nin sannzan nga be klɛli be Moiz b'ɔ ti ɔ sufuɛ'n i mmla fluwa'n nun'n b'a tɔ e su . Yɛlɛ kɛ e yoli sa tɛ.

Sofoni 1:6

Be nga be kaci bé sin be si min Anannganman, bɔ be bua-man min ndɛ nun, be usa-man min ngwlɛlɛ afɛ'n, n ´nunnun be.»

Kalɛ 32:14

?Siɛn'n, amun bɔ amun ti sa tɛ yofuɛ'n, amun waan amun ´fa amún si'm be ajalɛ kunngba sɔ'n nan amun ´yo nan Anannganman fa ya dan Izraɛlfuɛ'm bé wun?

Matthieu 11:28

Amun kwlaa bɔ an sua trɔ bɔ amu'an fɛ'n, an bla min sin, n ´sike amun, yɛ amun ´de wunmiɛn.

Matthieu 23:33

?Wuo mun, ɔnda mma mun, sɛ yɛ amun ´yo nan b'a bu-man amun fɔ nan b'a fa-man amun a ɔ-man nyrɛnnɛn lika'n nun-ɔn?

Matthieu 3:7

Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?

Rɔmfuɛ Mun 8:7

Afin be nga klɔ sran ninnge'n lo be'n, be kpɔ Nyanmiɛn, be klo-man kɛ be fa Nyanmiɛn mmla'n su, yɛ kusu be kwla fa-man su bɔbɔ.

1 Korɛntfuɛ Mun 10:22

?E ´kan e Min'n i ya? ?E lɛ wunmiɛn trɛ i ?

Mmla'n 29:25

Be ko sɔli amuɛn mun, be kotoli bé bo, kusu wuun be si-man amuɛn sɔ mun laa. Anannganman kusu ɔ'a man-man be atin kɛ be sɔ be.

Mmla'n 31:16

Anannganman seli Moiz kɛ: «Nian a su wa wu. Kɛ a ko wu'n, Izraɛlfuɛ'm be ´ko tu lika nga be wa ko tran nun lɛ'n i nun lɔ amuɛn mun, be sɔ be. Be ´kaci be sin si min. Be ´saci aenguɛ nga e nin be e trali'n.

Mmla'n 32:19

Kɛ Anannganman wunnin kɛ i wa yasua mun, nin i wa bla sɔ'm be fɔkɔ i anwlɛn'n, kpɛkuun bé wun ɔ yoli i tɛ.

Mmla'n 32:5

Sɛ b'a saci'n, ɔ fin-mɛn i, ɔ fin be lika. Be ti nvle kun bɔ be ti tɛ lele tra su, gblɛ'n ɔ'a yi be piɛ.

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

Sa nglô yile 18:5

Afin i sa tɛ yolɛ dunman'n ɔ'a ɔ lele ɔ'a ju nyanmiɛn su lɔ, yɛ Nyanmiɛn a bu i nyoliɛ tɛ'n i akunndan .

Jɔlɛ Difuɛ Mun 10:10

Yɛ be kpan flɛli Anannganman be seli i kɛ: «E fɔnnin ɔ wun, yɛlɛ kɛ a ti e Nyanmiɛn, kpɛkuun e yacili wɔ lɛ e ko sɔli Baal b'ɔ ti amuɛn'n.»