Ezai 1:2 - NYANMIƐN NDƐ'N 1998

² Nyanmiɛn su lɔ lika'n, tie! Asiɛ, sie ɔ su kpa! Afin Anannganman su ijɔ. I waan: N tali ba wie mun, b'a nyin, sanngɛ b'a jaso min wun.

Ezai 1:2 ပူးပေါင်းရင်းမြစ်များ

2 Famiɛn Mun 21:22

Ɔ yili Anannganman b'ɔ ti i nannan'm be Nyanmiɛn'n i ase. Ɔ'a nanti-mɛn i atin'n su.

Jue Mun 49:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Be waan:

Jue Mun 50:4

Ɔ flɛ nyanmiɛn b'ɔ la nglo lɔ plaii'n su lɔfuɛ mun nin asiɛ'n su wafuɛ mun. Ɔ flɛ be kɛ be wa trɛn i nvle'n i jɔlɛ b'ɔ wa di'n i bo.

Ezai 30:1

Anannganman wan yoo: «Ba nyin keklefuɛ mun, amun yako! Kɛ amun bu sa'm be yolɛ akunndan'n n wun-man nun. Amun kpɛ anuansɛ wie mun bɔ nán min yɛ n kleli kɛ amun yo-ɔ. Amun yo sa tɛ be uka sa tɛ su!

Ezai 30:9

Afin sran sɔ'm bé nyin ti kekle, be ti ba bɔ be sɔn-man bé su, bɔ be klo-man kɛ be ti min Anannganman min mmla mun.

Ezai 31:6

Izraɛlfuɛ mun, amun `sa amún sin bla Anannganman bɔ amun kacili amún sin sili i'n i sin.

Ezai 34:1

Nvle-nvle'm be nunfuɛ mun, amun `wunnge wa be wa ti ndɛ! Mɛnmɛn'm be nunfuɛ mun, amun `sie amún su kpa. Asiɛ'n sufuɛ mun nin ninnge nga be wo asiɛ'n su'n be kwlaa, nin mɛn'n nunfuɛ mun, ɔ nin ninnge'm be ngba'n, man be sie bé su.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Ezai 65:2

Nvle kun wie bɔ i nunfuɛ'm bé nyin ti kekle'n, bɔ be fa atin tɛ'n, bɔ be bɔbɔ be klun klo like yɛ be yo'n, n tinngɛli ń sa n flɛli be cɛn kwlaa.

Zeremi 13:15

An `sie amún su tie. An `yaci amún wun tulɛ'n. Anannganman'n kan ndɛ.

Zeremi 22:29

Asiɛ, asiɛ, asiɛ, sie ɔ́ su tie Anannganman i nuan su ndɛ'n.

Zeremi 3:22

«Amun bɔ amun ti kɛ bian safuɛ sa'n, an `sa amun sin bla, man n yo nan amún bian sa'n ɔ wie.» «E yɛ e o yɛ, y'a ba ɔ́ sin Anannganman, afin wɔ yɛ a ti e Nyanmiɛn nin-ɔn.

Zeremi 31:9

Be ´ba'n, wuun be ´sun. E nin be e ´ba'n, wuun n ´kpata be. N ´fa be m ba nzue ba nuan. N ´fa be n sin atin treketreke su, ɔ lɛ-man kɛ bé ja ɔ'a kpla. Afin Izraɛl i si yɛlɛ min. Efraim ti mín wa yasua klikli.»

Zeremi 6:19

Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Ezekiɛl 24:3

Bu min sran nyin keklefuɛ'm be nyanndra kun, se be kɛ yoo: ‹Anannganman Nyanmiɛn wan yoo: Amun `siesie blalɛ sɛ kun, nan amun `gua nun nzue.

Ezekiɛl 36:4

Nan yo, Izraɛl oka mun, amun `tie Anannganman Nyanmiɛn i ndɛ'n b'ɔ kan kle amun. Oka mun, kpɔlɛ mun, nin nzue kanngan mun, kongo mun, lika buebue mun, klɔ bɔ be fɛnnin amun nun ninnge mun bɔ amun yoli nvuɛn'n, bɔ be srili amun'n, Anannganman Nyanmiɛn kan ndɛ kle amun.

Amɔs 3:1

Izraɛlfuɛ mun, an `tie, amun bɔ Anannganman'n fali amun Ezipt lɔ bali'n, an `tie amún wun ndɛ ng'ɔ o i klun'n:

Mise 1:1

Zida famiɛn mun Zɔtam nin Akaz, ɔ nin Ezekias be blɛ su'n Anannganman fa ndɛ wlali Mise b'ɔ fin Mɔresɛt'n i nuan kɛ ɔ kan . Aolia nun sa ng'ɔ wunnin i Samari klɔ'n nin Zerizalɛm klɔ'm bé wun ndɛ-ɔ:

Mise 1:2

Nvle-nvlefuɛ mun, amun kwlaa amun `sie amun su `tie. Asiɛ, a nin be nga be tran ɔ su'n be kwlaa amun `sie amún su kpa! Anannganman'n fin i tranwlɛ lɔ ´ba, ɔ nin amun be wa yia nun.

Mise 3:8

Sanngɛ min liɛ'n, n lɛ wunmiɛn kpa. Anannganman i Wawɛ'n i fanngan nun ti srɛ kun-man min nanwlɛ dilɛ'n nun. Sa tɛ nga Zakɔb i osu nunfuɛ'm be yo'n, sa tɛ nga Izraɛlfuɛ'm be yo'n, n ´kan kle be weiin.

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Sa nga bé yôli'n 4:20

nanwlɛ, e kwla yaci-man like nga e wunnin i'n nin ndɛ nga e tili'n i kanlɛ.»

Mmla'n 1:31

ɔ nin kɛ ɔ fa yoli amun aawlɛ flɛnnɛn'n nun lɔ'n sa. Amun bɔbɔ amun wunnin kɛ Anannganman amun Nyanmiɛn'n lololi amun kɛ sran fa lolo i wa'n sa, ɔ yoli i sɔ atin nga amun nantili nun lele fa juli lika nga nun wa'n.

Mmla'n 30:19

Ndɛ nga n wa kan kle amun ndɛkɛn yɛ'n, nguan'n nin wie'n yɛ m'an ´fa sie amun nyrun lɛ-ɔ. Muae nin sa yalɛ'n yɛ m'an ´fa sie amun nyrun lɛ-ɔ. N bua-man ato. N kan nyanmiɛn nin asiɛ'n. Amun nin amun osu nunfuɛ mun, amun `fa nguan'n nan amun tran nguan nun.

Mmla'n 32:1

Nyanmiɛn su lɔ lika mun, amun `sie amún su amun `tie ndɛ bɔ n su wa kan'n. Asiɛ, ɔ kusu tie mín nuan ndɛ'n.

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.