Ezai 1:18 - NYANMIƐN NDƐ'N 1998

¹⁸ Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ezai 1:18 ပူးပေါင်းရင်းမြစ်များ

Zɔb I Nyrɛnnɛn Wunlɛ 9:33

Sɛ ɔ ti kɛ ndɛ nun kpɛfuɛ wo ye afiɛn'n, b'ɔ ´fɛ i sa sie e nnyɔn'n e su'n,

Jue Mun 51:7

Nian, sa tɛ nun yɛ be wuli min-ɔn, afin sa tɛ nun yɛ min nin wunnzɛli min-ɔn .

Jue Mun 51:9

Yo man min wun sa'n wie nan man n yo saun, wunnzin min nan n fɛn fitafita.

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 3:13

Anannganman ɔ'a yi i wun nglo ɔ su wa di jɔlɛ, ɔ'a jaso kɛ ɔ ´di sran'm be jɔlɛ.

Ezai 41:1

Amun nga bɔ amun tran asiɛ i lika nga be o jenvie nuan mun'n, amun `tran diin nan amun `sie amún su mín nuan bo. Man sran'm be tra be anwlɛn, man be wunnge wa, yɛ sɛ be ´kan ndɛ'n, e `wɔ likawlɛ e `ko tran jɔlɛ'n bɔ be wa di'n i bo.

Ezai 41:21

Anannganman waan: «Amun `kpli amún ti man n nian.» Zakɔb osu'n nunfuɛ'm be famiɛn waan: «Amun `yi like nga amun jran su yo sa mun'n be nglo man n nian.»

Ezai 44:22

N nunnunnin amún sa tɛtɛ mun kɛ nyanmiɛn ble'n b'ɔ wie fiakaa'n sa. N nunnunnin amún tɛ mun kɛ lika b'ɔ mlan kpɛkuun ɔ titi weiin'n sa. Amun `sa amun sin m bɔ n ti amun Min'n min wun wa, afin n kpɔli amun ti.

Ezai 50:8

Anannganman b'ɔ jin mín sin'n, ɔ mantan min koko. ?Wan yɛ i waan ɔ ´sanman min-ɔn? Ɔ `bla man e wɔ jɔlɛ difuɛ'n i ja su. ?Wan yɛ ɔ nin min lɛ ndɛ-ɔ? Man ɔ wunnge mín wun wa.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Zeremi 2:5

Anannganman'n wan yoo: «?Nguɛ sa tɛ yɛ amun nannan'm be wunnin min wun, b'ɔ man b'a mantan-man min kun, bɔ be ko suli ninnge finfin'm be su, bɔ b'a yo finfin sa-a?

Ezekiɛl 18:27

Sɛ sa tɛ yofuɛ'n ɔ yaci i sa tɛ ng'ɔ yo'n i yolɛ'n, nan ɔ yo sa seiin nin sa ng'ɔ ti i nuan su'n, ɔ ´nyɛn i ti.

Ezekiɛl 33:16

Bé wla su kpɛn-mɛn i sa tɛ ng'ɔ yoli be'n i wie fi su kun, afin ɔ yo sa seiin, yɛ ɔ yo sa i nuan su, ɔ ´nyɛn i ti.›

Mise 6:2

Oka mun nin asiɛ bɔ oka'm be bo'n taka su'n, amun `sie amún su, Anannganman nin i mma'm b'a nyan ndɛ, ɔ'a fa ndɛ ɔ'a mian Izraɛlfuɛ'm bé sa. I waan Izraɛlfuɛ'm b'a yo i sa.

Sa nga bé yôli'n 17:2

Pɔl wluli lɔ, ɔ ti i nzuɛn ɔ yo i sɔ titi. Wunmiɛn-delɛ-cɛn nun'n ɔ nin be kan Nyanmiɛn Ndɛ nga be klɛli'n i wun ndɛ. Ɔ fali wunmiɛn-delɛ-cɛn nsan

Sa nga bé yôli'n 18:4

Wunmiɛn-delɛ-cɛn'n kwlaa, Pɔl kan ndɛ kle Zuif mun nin Grɛk mun Nyanmiɛn ndɛ suanlɛ nin i srɛlɛ sua'n nun, ɔ yiyi nun weiin kle be.

Sa nga bé yôli'n 24:25

Sanngɛ kɛ Pɔl su kan nanwlɛ dilɛ'n nin bé wun su nianlɛ'n, ɔ nin jɔlɛ dilɛ b'ɔ wa ba'n be ndɛ'n, srɛ kunnin Feliks nan ɔ'a se kɛ: «Ndɛ liɛ'n, kɔ, sɛ n nyan n ti-ɔ, cɛn uflɛ n ko flɛ wɔ.»

Rɔmfuɛ Mun 5:20

Kɛ ɔ ´yo nan sa tɛtɛ'n ɔ'a sɔn'n, i ti yɛ mmla'n ɔ'a kpɛn afiɛn lɛ-ɔ, sanngɛ lika nga be yo sa tɛtɛ kpanngban lɛ'n, lɛ yɛ Nyanmiɛn i aklunye'n i nyin fite dan-an.

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .

1 Samiɛl 12:7

Ɔ man amun `bla Anannganman i ja su man n kan sa kpakpa ng'ɔ yoli mannin amun nin amun nannan mun'n, bé nun ndɛ weiin-weiin n kle amun.